www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Tuesday, January 10, 2017

နာဂဒေသရှိ မြန်မာ-အိန္ဒိယ နယ်နိမိတ်မှတ်တိုင် ဘီပီ-၁၄၅ နှင့် ဘီပီ-၁၄၆ ကြား မြန်မာဘက်မှ ခြံစည်းရိုးကာရံမည့် ကိစ္စရှင်းလင်းချက် ထုတ်ပြန်


နေပြည်တော် ၊ ၁၀-၁-၂၀၁၇

မြန်မာ-အိန္ဒိယ နယ်နိမိတ် မှတ်တိုင် ဘီပီ-၁၄၅ နှင့် ဘီပီ-၁၄၆ အကြား မြန်မာဘက်မှ ခြံစည်းရိုး ကာရံမည့် အစီအစဉ်နှင့် စပ်လျဉ်း၍ အဆိုပါ နယ်စပ်ဒေသမှ သတင်းများ ထွက်ပေါ်နေခြင်း အပေါ် အခြေအနေမှန် နှင့် မြန်မာ-အိန္ဒိယ နှစ်နိုင်ငံ အကြား နယ်စပ်ရေးရာ များကို ညှိနှိုင်း ဆောင်ရွက်လျက် ရှိနေခြင်းကို အများပြည်သူ သိရှိနိုင်ရန် နိုင်ငံခြားရေး ဝန်ကြီးဌာနမှ ရှင်းလင်းချက် ထုတ်ပြန် ထားကြောင်း သိရသည်။

အဆိုပါ ရှင်းလင်းချက်တွင် မြန်မာ-အိန္ဒိယ နယ်နိမိတ် မှတ်တိုင် ဘီပီ-၁၄၅ နှင့် ဘီပီ-၁၄၆ အကြား မြန်မာဘက်မှ ခြံစည်းရိုး ကာရံမည့် အစီအစဉ်၏ အဓိက ရည်ရွယ်ချက်မှာ နှစ်နိုင်ငံအကြား နယ်နိမိတ် အား ကျော်လွန်၍ မြန်မာ့ပိုင်နက် နယ်မြေအတွင်း အဆောက်အအုံ များ ဆောက်လုပ်ခြင်း မရှိစေရန် အတွက် ဖြစ်ကြောင်း၊ နယ်နိမိတ်မျဉ်း အနီး နေထိုင်သည့် နှစ်ဖက်ဒေသနေ ပြည်သူများ၏ ထုံးတမ်းစဉ်လာ နှင့်အညီ တရားဝင် နည်းလမ်းဖြင့် နယ်နိမိတ်အား ပုံမှန်ဝင်/ ထွက် သွားလာမှုကို ကန့်သတ်ရန် ရည်ရွယ်ချက်ဖြင့် ဆောင်ရွက်ခြင်း မဟုတ်ကြောင်း၊ မိမိဘက်ဒေသ အာဏာပိုင်များ အနေဖြင့် နယ်စပ် စီမံခန့်ခွဲမှုကို ဆောင်ရွက်ရာတွင် ပိုမိုထိရောက်စွာ ဆောင်ရွက်နိုင်ရန် အတွက် ဖြစ်ကြောင်း ဖော်ပြထားသည်။

ထို့ပြင် ခြံစည်းရိုး ကာရံမှုတွင် မြန်မာဘက် အနေဖြင့် အိန္ဒိယဘက်နှင့် ညှိနှိုင်းထားပြီး နှစ်နိုင်ငံအကြား ချုပ်ဆိုထားသည့် နယ်နိမိတ် စာချုပ်ပါ ပြဋ္ဌာန်းချက်များ အပါအဝင် အစည်းအဝေး သဘောတူ ညီချက် များနှင့်အညီ ဆောင်ရွက်သွားမည် ဖြစ်ကြောင်း၊ မြန်မာဘက် အနေဖြင့် ခြံစည်းရိုးကို နယ်နိမိတ်မျဉ်းမှ ၁ဝ မီတာအကွာ အဆောက်အအုံ များ မဆောက်လုပ်ရန် တားမြစ်ထားသည့် ၁ဝ မီတာပြင်ပ မြန်မာပိုင် နယ်မြေအတွင်း ဆောင်ရွက်ရန် ရှိကြောင်းနှင့် ယင်းသို့ ဆောင်ရွက် ရာတွင်လည်း နယ်စပ်နေ ပြည်သူများ အဆင်ပြေစေရန် လိုအပ်သည့် နေရာများတွင် ဝင်/ထွက်သည့် အပေါက်များ၊ တံခါးများ စီစဉ်ဆောင်ရွက် ပေးရန် ရှိပါကြောင်း ဖော်ပြထားသည်။

မြ၀တီနေ့စဉ်သတင်းစာ ၊ စာ(၃၂)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page