တုနှိုင်းမမီ မေတ္တာရည်

တုနှိုင်းမမီ မေတ္တာရည်

ခိုင်ပွင့်သူ (ပညာရေး)

ပြာသိုလပြည့် နေ့သည် အနန္တော အနန္တဂိုဏ်းဝင် ကျေးဇူးရှင် မြတ်မိခင်များ၏ မေတ္တာပြယုဂ် အစုံစုံတို့ အတွက် ဂုဏ်ပြုပေးသော ထူးမြတ်သည့် နေ့တစ်နေ့ ဖြစ်သည်။ အကြောင်း အမျိုးမျိုးတို့ကြောင့် မေ့လျော့မှု၊ ပျက်ကွက်မှု တို့ဖြင့် မွေးကျေးဇူး၊ ကျွေးကျေးဇူး အထူးထူးကို နှောင်းနောင်တ မရစေခြင်းငှာ ဤစာမွန်လွှာဖြင့် အသိစိတ် တို့ကို နိုးထစေအပ် ပါသည်။

ခုမြင် ခုပျောက် ဆိုသကဲ့သို့ အလွန် တိုတောင်းလှသော လူ့ဘဝသက်တမ်း တစ်ခု ရရှိလာချိန်တွင် မိဘတို့၏ နောက်ဆုံးခရီးကို ပို့ဆောင်ပေး ရသည့် သားသမီးများ ရှိသကဲ့သို့ ငယ်ရွယ်နုနယ် သေးသည့် သားသမီးများ၏ နောက်ဆုံးခရီးကို ပို့ဆောင်ပေး နေရသော မိဘတို့မှာလည်း နည်းလှသည် မဟုတ်ပါ။ သို့အတွက် မိဘများအပေါ် သားသမီး ဝတ္တရား ကျေပွန်မှု နောက်မကျ စေလိုသော ဆန္ဒမွန်ဖြင့် နှိုးဆော်ခြင်း လည်းဖြစ်သည်။ သက်ရှိ ဘုရားဟု ဆိုအပ်သော မိဘတို့၏ ကျေးဇူးတရားကို သိတတ်သူ သာလျှင် လူဖြစ်ရ ကျိုးနပ်သည် မဟုတ်ပါလော။ ကျေးဇူးရှိသူကို ကျေးဇူးဆပ် ရသည်မှာလည်း မြန်မာတို့၏ ချစ်စရာ ကောင်းသော ဓလေ့များတွင် တစ်ခုအပါအဝင် ဖြစ်သည်။

လူမျိုး၊ ဘာသာ မတူငြားလည်း မိခင်တိုင်းသည် တူညီသော မေတ္တာများကို ပေးစွမ်းခဲ့သူ ထာဝရ မေတ္တာရှင်များ ဖြစ်ကြောင်းကို သာဓက သက်သေ တင်လိုက်ရ ပါသည်။ ချမ်းသာသော အမေ၊ ဆင်းရဲသော အမေ၊ တောရွာနေ အမေ၊ မြို့ပေါ်က အမေ၊ တောင်တန်းဒေသ က အမေ၊ မြေပြန့်က အမေ၊ သဘာဝ ဘေးအန္တရာယ် ကြားက အမေ စသည်ဖြင့် ဘဝမျိုးစုံမှ အမေမျိုးစုံတို့၏ အဟုန်ပြင်းပြင်း စုန်ရေပမာ စီးဆင်းလျက် ရှိသော မေတ္တာ ရေတံခွန်မှ မေတ္တာရေစင် တို့ကို သောက်သုံးရှင်သန် ခဲ့ကြသည့် ဘဝများ မဟုတ်ပါလော။

အခြားသော မေတ္တာတရား တို့တွင် ပြောင်းလဲမှု ရှိသော်လည်း မိခင်တို့၏ မေတ္တာတရားမှာ ကျောက်သားကဲ့သို့ တည်ငြိမ်ခိုင်မာ လှသည့် အဖြူစင်ဆုံး၊ အမြင့်မြတ်ဆုံး မကုန်ခန်း နိုင်သော အသွင်သဏ္ဌာန် ကို ဆောင်သည်။ သားသမီးများ အတွက်ဆိုလျှင် ရဲရင့်ပြတ်သား သော စွန့်လွှတ်စွန့်စား ဝံ့သော စွမ်းဆောင်ချက် များဖြင့် လောကအလယ် ရင်ဆိုင်ရမည့် ဝဲဂယက် အသွယ်သွယ် တို့ကို ကျော်လွှား၍ မော်ကြွားနိုင်သည့် သတ္တိမျိုး ရှိကြသည်။ မျိုးရိုး၊ ဥစ္စာ၊ ဂုဏ်၊ ရူပါ မည်သည့်အချက် နှင့်မျှ ဆက်စပ်ခြင်း မရှိသော စကြဝဠာတွင်းက အနန္တမေတ္တာရှင် များဖြစ်သည်။ တောင်းဆိုး ပလုံးဆိုးသာ ပစ်ပယ်ရိုးထုံးစံ ရှိသော်လည်း သားဆိုး၊ သမီးဆိုးများကို မပစ်ပယ်နိုင် ကြသကဲ့သို့ ကိုယ်အင်္ဂါ မပြည့်စုံသည့် သားသမီးများ မွေးဖွား ပိုင်ဆိုင်ခွင့် ရကြသူ မိခင်တို့ သည်လည်း ထိုသားသမီး များကို ပစ်ပယ်ခဲ့ရိုး မရှိပါ။ မေတ္တာ၊ ကရုဏာများ ပိုမိုပွား၍ ချစ်မြဲချစ်လျက် ချစ်ခဲ့ကြသူများပါ။

အမျိုးသမီးတို့သည် များသောအားဖြင့် အချဉ်၊ အငန်၊ အစပ် အရသာတို့ကို လွန်ကဲစွာ နှစ်သက် တတ်ကြသည့် သဘာဝ ရှိသော်လည်း ကလ လရည်ကြည် သန္ဓေတည်သည့် အချိန်မှစ၍ မိမိ နှစ်သက်သည့် အတိုင်း စားသောက်ခြင်း တို့မှ ဆင်ခြင်ကြ ရသည်။ အနေအထိုင်၊ အသွားအလာ ခက်ခဲပင်ပန်း ကြရသည်။ သေမင်းနှင့် စစ်ခင်းကာ မွေးဖွားခဲ့ကြ ရသည်။ မွေးဖွားပြီး နုနယ်ငယ်ရွယ် သည်မှ လူလား မြောက်သည့်တိုင် ကျွေးမွေးပြုစု ပေးကြသော မေတ္တာ စွမ်းဆောင်ချက် တို့ကို ညွှန်းစာဖွဲ့၍ မီနိုင်မည် မဟုတ်ပါ။ ပန်းတကာ တို့ထက် မွှေး၍ စမ်းတကာ တို့ထက် အေးမြသော ပြည့်စုံမှုတို့ ပေးစွမ်းနိုင်ကြ သူများဖြစ်သည်။ ဘယ်ခရီးကို ဘယ်ထီးနှင့် ဘယ်လမ်းကို ဘယ်ပန်းနှင့်ဟု ထိန်းကျောင်းပဲ့ ပြင်မှုတို့ဖြင့် သားသမီးတို့ ၏ ဘဝကို လှပစေခဲ့သူ များလည်း ဖြစ်သည်။ မည်သည့် အခြေအနေတွင်မျှ ငြိုငြင်မှု အရေး စိုးစဉ်းမျှ မတွေးလေသူ ထာဝရ ဖြည့်ဆည်းပေး နိုင်စွမ်းသော မေတ္တာ တန်ခိုးရှင်များ ဖြစ်ကြသည်။

လူသားမိခင် မဆိုထားနှင့် အဟိတ်တိရစ္ဆာန် တို့တွင်လည်း မိခင်နေရာ ရောက်ရှိလာပြီ ဆိုလျှင် အနေအထိုင်၊ အပြုအမူတို့ ပြောင်းလဲ လာသည်ကို တွေ့ရသည်။ ထိုသို့ ပြောင်းလဲခြင်း သည်လည်း သားသမီးများ ဘေးအန္တရာယ် ကင်းရှင်းရေး၊ စားသောက်ရေး တို့အတွက် ဖြစ်သည်။ ကြက် မိခင်သည် ကြက်ဥလေးများ ကို ရက်ပေါင်းများစွာ ရင်ငွေ့ နွေးနွေးဖြင့် ဒုက္ခခံပြုစု ပေးပြီး အကောင်ပေါက် စေခဲ့ခြင်း ဖြစ်သည်။ တစ်ကြိမ်ပေါက်သည့် ကြက်သားပေါက် ကောင်ရေ မည်မျှများသည် ဖြစ်စေ အစာရှာ ကျွေးခြင်း၊ ရေရှာပေးခြင်း၊ ဘေးအန္တရာယ် တို့မှ ကာကွယ်ပေးခြင်း အမှုတို့ကို ပြုပေးသည်။ မည်မျှ ယဉ်ပါးအောင် မွေးမြူထားသည့် ကြက်မဖြစ်ပါစေ၊ ကြက်သားအုပ်မ ဖြစ်လာလျှင် ကြက်သားပေါက် လေးများကို ကာကွယ် စောင့်ရှောက်လိုစိတ် ပြင်းထန်ကာ မည်သူ့ကိုမျှ အနီးအနားကို အကပ်မခံတော့ပေ။ ကြက်သားပေါက် အရေအတွက် များသော်လည်း တစ်ကောင် တလေမျှပင် အဆုံးရှုံး၊ အထိခိုက်မခံ လိုသော မိခင်မေတ္တာ ဖြင့် ပူပင်သောက ဖြစ်ကာ ဟိုပြေး သည်ပြေးရ တက်မအေးသည့် အပြုအမူ များကိုလည်း အကြိမ်ပေါင်း များစွာ တွေ့မြင်ခဲ့ရသည်။

သတ္တဝါတို့တွင် များသောအားဖြင့် နားရွက်အပြင် ထွက်နေသော သတ္တဝါ အမျိုးအစားတို့က သားသမီးများကို အကောင်လိုက် မွေးဖွား၍ နို့တိုက်ကျွေးကြ သည်ဟု ဆိုသည်။ နားရွက်ကို အပြင်တွင် မတွေ့ရဘဲ နားပေါက်သာ ပါရှိသော သတ္တဝါ အမျိုးအစားတို့က ဥမှ အကောင်ပေါက် သည်ဟု ဆိုကြသည်။ မည်သို့ပင် မွေးဖွား၍ မျိုးပွားကြသည်ဖြစ်စေ သတ္တဝါတိုင်း ၏ မိခင်တို့သည် မိမိတို့၏ သားသမီးများ အပေါ်ထားရှိသော မေတ္တာတရား ကြောင့် မိခင်မဖြစ်မီ အခြေအနေနှင့် အပြုအမူ၊ လုပ်ဆောင်ချက် တုိ့ များစွာကွာခြား သွားသည်ကို တွေ့ရသည်။ ၀မ်းကြာတိုက် အတွင်း သက်ဝင် လှုပ်ရှားသည့် အချိန်မှစ၍ မိခင်နှင့် ရင်သွေးတို့၏ အချစ်စတင် ဖြစ်ပေါ်လာသည် ဟု ဆိုကြသည်။

လောကကြီး တစ်ခုလုံးကို မေတ္တာပေါင်းစုံ တို့က တန်ဆာဆင်၍ ပုံဖော်ထားခြင်း ဖြစ်သည်။ မေတ္တာတရားနှင့် လုပ်ဆောင်ချက် တို့က လောကတစ်ခွင်ကို သာယာစေသည်။ မေတ္တာပေါင်းစုံတို့ လွှမ်းခြုံ၍ ကိုယ်ချင်းစာ တရား၊ စေတနာ သဒ္ဓါတရား၊ ကရုဏာ တရား၊ အကြင်နာတရား တို့ကို တိုးပွားစေသည်။ မေတ္တာပေါင်းစုံ တို့ဖြင့် ကြင်နာဖေးမ ကူညီကြသည့် လုပ်ရပ်များ၊ ဖြည့်ဆည်းပံ့ပိုး လမ်းညွှန် ပေးသည့် လုပ်ရပ်များ၊ ထိန်းသိမ်း ကာကွယ် စောင့်ရှောက်ပေး သည့်လုပ်ရပ်များကို မြင်တွေ့ကြားသိ ရလျှင် စိတ်ဘဝင် ကြည်နူးချမ်းမြေ့ ကြရသည်။ မိခင်မေတ္တာ ဟူသည် မေတ္တာအပေါင်း တွင် သရဖူဆောင်းသည့် မေတ္တာမျိုး ဖြစ်သည်။

တစ်ခေတ်ပြီး တစ်ခေတ်၊ တစ်နှစ်ပြီး တစ်နှစ် ဖြင့် သက္ကရာဇ်ပေါင်း များစွာ ပြောင်းလဲ ကုန်လွန်လာ သကဲ့သို့ တစ်သုတ်ပြီး တစ်သုတ်၊ တစ်ဦးပြီး တစ်ဦး ကွယ်လွန်ခဲ့သည့် မိခင်ပေါင်း များစွာ ရှိခဲ့လေပြီ။ သို့သော် ထာဝရ ပြောင်းလဲခြင်း မရှိသည်မှာ မည်သည့် မေတ္တာမျိုးနှင့်မျှ တုယှဉ်နှိုင်း၍ မမီနိုင်သော အရည်အသွေး ပြည့်ဝသည့် မိခင်တို့၏ မေတ္တာဖြစ်ကြောင်း၊ မိခင်အပေါင်း သူရဲကောင်းတို့၏ မြတ်ဂုဏ်အင်ကို ဂါရဝဖြင့် စာစီမော်ကွန်းပြု လိုက်ရပါသည်။

ရတနာပုံနေ့စဉ်သတင်းစာ ၊ စာ(၂၀)