တစ်နေ့ထက်တစ်နေ့ ပိုမိုသက်ဝင်လှုပ်ရှား လာသည့် မောင်တောမြို့၏ မြင်ကွင်းများ

မောင်တော ၊ ၁၈-၁၁-၂၀၁၆

မောင်တောမြို့ မြို့မအနောက် ရပ်ကွက်ရှိ ဆောက်လုပ်ရေးလမ်း လက်ဖက်ရည်ဆိုင် တန်းတွင် မိမိတို့အဖွဲ့ ရောက်ကတည်းက နေ့စဉ် နံနက် ၇ နာရီကျော် လောက်မှ စတင်ပြီး နံနက် ၉ နာရီခန့်အထိ လာရောက် စားသောက်သူ များနှင့် စုစုဝေးဝေး ရှိနေသည်ကို မြင်တွေ့ရသည်။

နိုဝင်ဘာ ၁၇ ရက် နံနက်ပိုင်းမြို့ထဲ လှည့်လည်စဉ် ဦးဥတ္တမ လမ်းဘက်ရှိ လက်ဖက်ရည်ဆိုင်၊ ထမင်းဆိုင် တို့တွင်လည်း အလားတူ စည်စည်ကားကား တွေ့ရသည်။ ပိတ်ထားဆဲ ဆိုင်များ ရှိသေးကြောင်း၊ ယခင်ကတော့ ယခုထက် ပိုမိုစည်ကား ကြောင်း နယ်မြေခံ ဦးကျော်ထူးမွန် က ပြောသည်။

မြို့မစည်ပင် သာယာဈေး က နံနက် ၆ နာရီခွဲ၊ ၇ နာရီခန့် ကတည်းက စဖွင့်သည်ဟု ဆိုသော်လည်း နံနက် ၈ နာရီကျော်မှ ဆိုင်များ စုံလင်သည်ကို ယခုရက်များ အတွင်း သတိထားမိသည်။ မောင်တော အနီးဝန်းကျင်ရှိ ကျေးရွာများမှ ဈေးဝယ်များ လာရောက်မှု နည်းပါး သေးသည့်အတွက် နေ့ခင်းပိုင်း ဆိုင်ပိတ်လိုက် ကြကြောင်း၊ ဈေးပိတ်ချိန်မှာ ညနေ ၅ နာရီ ဖြစ်ကြောင်း သိရသည်။

မင်းဘာကြီး လမ်းတစ်လျှောက် ရှိ ရွှေဆိုင်များ၊ ကုန်မာဆိုင်များ၊ ရေထွက်ကုန် ပစ္စည်း အရောင်းဆိုင်များ၊ စားသောက်ကုန် ဆိုင်များ အပါအဝင် ဆိုင်အားလုံး ၌လည်း နံနက်ပိုင်း စည်ကားမှု ရှိပြီး နဂိုအတိုင်း မကြာမီပြန်လည် အသက်ဝင် လာမည်ဟု မျှော်လင့် နေကြသည်။

အနော်ရထာ လမ်းတွင် ကားများ၊ သုံးဘီး ဆိုင်ကယ်များ၊ ဆိုင်ကယ်၊ ဆိုက်ကားများ၊ ခြေကျင်ဖြတ်သန်း သွားလာနေသူ များဖြင့် မပြတ် လှုပ်ရှားမှုရှိနေပြီး သာမန် နေထိုင်မှု ပုံစံမျိုးသာ ရှိကာ ကြောက်ရွံ့ ထိတ်လန့်မှု၊ စိုးရိမ်မှု တစ်စုံတစ်ရာ မရှိသည်ကို တွေ့မြင် ရသည်။

အမှတ်(၄) အခြေခံပညာ အလယ်တန်း ကျောင်းခွဲရှေ့မှ ဖြတ်သန်းစဉ် ကျောင်းတက်ချိန် မရောက်သေး သဖြင့် ကျောင်းသား၊ ကျောင်းသူများ ပျော်ရွှင်စွာ ကစားခုန်စား ပြုလုပ် နေကြသည်ကို တွေ့ရသည်။

မောင်တောမြို့ အထွက် စစ်ဆေးရေးဂိတ် ကို ယမန်နေ့ နံနက်ပိုင်း ခဏဝင်ရောက် လေ့လာရာ မောင်တောနှင့် ဘူးသီးတောင် ပြေးဆွဲသည့် ခရီးသည်တင် ကားများ၊ ကုန်ကားများ၊ ကျေးရွာများမှ ဈေးရောင်းဈေးဝယ် လာကြသည့် သုံးဘီး ဆိုင်ကယ်များ မပြတ်သွားလာ နေသည်ကို တွေ့ရပြီး ယခင်ကထက် သွားလာမှု နည်းပါး သေးကြောင်း၊ ဝင်ငွေလည်း နည်းပါး သွားကြောင်းနှင့် အမြန် တည်ငြိမ် အေးချမ်းစေရန် ဆန္ဒရှိကြောင်း ခရီးသွားများ၊ ယာဉ်မောင်း များက ပြောပြသည်။

မောင်တောမြို့ အထွက် လယ်ကွင်းများ၊ သုံးမိုင်သာစည်ရွာ နှင့် လေးမိုင်သွား လမ်းဘေးရှိ လယ်ကွင်းများ တွင်လည်း စပါးရိတ်သိမ်း သူများ၊ ကျွဲနွားများဖြင့် ရိတ်သိမ်းခြွေလှေ့သူ များကို စုစုဝေးဝေး လှမ်းတွေ့ရသည်။

မောင်တောမြို့ အထွက်ရှိ ဆောက်လုပ်ဆဲ ခရိုင်တရားရုံး၊ မြို့နယ် ပညာရေးမှူးရုံး နှင့် အခြား အဆောက်အအုံ များတွင်လည်း လုပ်ငန်းများ ပြန်လည်လုပ်ကိုင် နေကြသည်ကို မြင်ရသည်။

သာစည်ကျေးရွာ ရှိ ဒေါ်မဦး က ပဲ၊ မုန်လာ၊ ငရုတ်၊ ဂေါ်ဖီ၊ ရုံးပတီ၊ ခရမ်းစသည့် အသီးအနှံများ စိုက်ပျိုးထားကြောင်း၊ နယ်မြေတည်ငြိမ် အေးချမ်းမှုကို လိုလားကြောင်း ပြောပြသည်။

ဘူးသီးတောင် ဘက်သို့ မောင်တောမှ ဆိုင်ကယ်ကယ်ရီများ အပါအဝင် ခရီးသည်တင် ကားများလည်း တစ်နေ့ထက်တစ်နေ့ပိုမို ပြေးဆွဲနေသည်ကို ယမန်နေ့ လှည့်လည်စဉ် တွေ့မြင် ခဲ့ရသည်။

( ကိုသက်နှင့်အဖွဲ့)

မြ၀တီနေ့စဉ်သတင်းစာ ၊ စာ(၁၇)