www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Thursday, October 6, 2016

အာဆီယံ၏ လုံခြုံရေးမဏ္ဍိုင် ဖြစ်လာနိုင်သည့် အိန္ဒိယ



( ရှိန်းထက် )

အိန္ဒိယနိုင်ငံသည် အရှေ့အာရှ၊ အာရှ အလယ်ပိုင်း နှင့် အရှေ့ အလယ်ပိုင်း ကြားတွင်တ ည်ရှိပြီး ကမ္ဘာပေါ်၌ အရေးပါဆုံး တည်နေရာကို ပိုင်ဆိုင်ထားသော နိုင်ငံ တစ်နိုင်ငံ ဖြစ်သည်။ ယခုအခါ အိန္ဒိယနိုင်ငံ၏ ဖွံ့ဖြိုးတိုးတက် လာသော စီးပွားရေး အင်အားနှင့် လူဦးရေကြောင့် အိန္ဒိယနိုင်ငံ ကို ကမ္ဘာပေါ်၌ အင်အားကြီး နိုင်ငံ တစ်နိုင်ငံအဖြစ် မသတ်မှတ်၍ မရတော့ပေ။ အာဆီယံ လုံခြုံရေးကို ကျောရိုးသဖွယ် အကာအကွယ် ပေးနိုင်ရန် အထိပင် အိန္ဒိယတို့က ကြိုးပမ်းလျက် ရှိသည်။

၁၉၄၇ ခုနှစ် လွတ်လပ်ရေး ရစဉ်က အိန္ဒိယတို့သည် ထုတ်ယူစရာ သဘာဝသယံဇာတ ကလည်း များများစားစား မရှိသည့် အပြင် ပါကစ္စတန် ကိုလည်း လွတ်လပ်ရေး ပေးရပြန် ၊ နိုင်ငံ လုံခြုံရေး ကလည်း လျော့ရိလျော့ရဲ ဖြစ်နေသည့် အတွက် အိန္ဒိယသည် ကမ္ဘာ့ပေါ်၌ သြဇာကြီးမား သော နိုင်ငံတစ် နိုင်ငံအဖြစ် ပေါ်ထွက်လာရန် မည်သူကမျှ မထင်ခဲ့ကြပေ။

ဗြိတိသျှ အင်ပါယာခေတ် က အိန္ဒိယသမုဒ္ဒရာ မဆိုထားနှင့် ဟောင်ကောင် အထိ ရောက်အောင်ပင် ကင်းလှည့်နိုင် ခဲ့သော အိန္ဒိယရေတပ် သည် ဗြိတိသျှတို့ ထွက်သွားသော အခါ အခွံချည်းသာ ကျန်တော့သည်။ ထို့ကြောင့် ကိုယ်ပိုင် အိန္ဒိယ သမုဒ္ဒရာကိုပင် နိုင်အောင် ကင်းမလှည့်နိုင် တော့ပေ။ ထိုကြားထဲ ပါကစ္စတန်နှင့် စစ်ပွဲများ ဖြစ်ရသေး သောကြောင့် အိန္ဒိယသည် လွတ်လပ်ရေး ရပြီးသည့်နှစ် များက အဆိုးဝါးဆုံး အခြေအနေ များကို ရင်ဆိုင်ခဲ့ရပြီး ပထမဆုံး ဝန်ကြီးချုပ် နေရူး၏ အာဏာ မူဝါဒများကို လက်မခံခဲ့ သောကြောင့် အိန္ဒိယ တပ်မတော် သည် အားနည်းပြီး နောက်တွင် ကျန်နေခဲ့ရသည်။

သို့သော်လည်း နေရူးသည် ကမ္ဘာ ပေါ်၌ အဓိကစစ်ရေး အင်အားကြီးနိုင်ငံ တစ်နိုင်ငံ ဖြစ်ချင်သည့် စိတ်ကူးရှိခဲ့သည်။ ၄င်း၏ သမီးဖြစ်သူ အင်ဒီယာဂန္ဒီ လက်ထက် တွင်လည်း စီးပွားရေး၊ နိုင်ငံရေး အတွေးအခေါ် များနှင့် ပြည်တွင်း စီးပွားရေး ဖွံ့ဖြိုးမှုများ ဘက်ကသာ လိုက်ခဲ့ပြီး နောက်ပိုင်းမှာသာ အာရှ၌ ခိုင်မာသည့် စစ်တပ်တစ်ခု တည်ဆောက်ရန် အာဏာမူဝါဒ များကို လက်ခံ အကောင်အထည် ဖော်ခဲ့သည်။

၁၉ ရာစု နောက်ဆုံးပိုင်း ၂၀ ရာစု အစတွင် အိန္ဒိယနိုင်ငံ၏ စီးပွားရေးနှင့် စစ်ရေးမှာ တစ်ရှိန်ထိုး အောင်မြင်လာသည်။ သို့သော် အိန္ဒိယစစ်တပ် သည် အားနည်းချက် များနှင့် ကမ္ဘာ့ အဆင့်ကိုမီရန် မတက်လှမ်းနိုင် ခဲ့ဘဲ ဆယ်ဆုနှစ် များစွာ ကာလကို အိန္ဒိယတို့ မူဝါဒ အမှားများနှင့် ဖြတ်သန်းခဲ့ ရသည်။ လမ်းကြောင်းမှန်ပေါ် ရောက်သည့် အချိန်တွင် တရုတ်တို့၏ စစ်ရေးနှင့် စီးပွားရေးက အာရှ၌ အကောင်းဆုံး ဆိုသည့် အဆင့်ကို ရောက်နေခဲ့ပြီ ဖြစ်သည်။

၂ဝ၁၆ ခုနှစ်တွင် အိန္ဒိယတို့သည် အာရှ-ပစိဖိတ် ၌ တရုတ်နှင့် စစ်ရေးအရ ယှဉ်ပြိုင်ရန် အကောင်းဆုံး ယှဉ်ပြိုင်ဘက် ဖြစ်နေပြီး အမေရိကန်နှင့် ဂျပန်တို့ အတွက် အားကိုးစရာ နိုင်ငံတစ်နိုင်ငံ ဖြစ်လာသည်။ ပြီးခဲ့သည့် နှစ် ၁ဝဝ ကျော်က ကြိုတင် ဟောကိန်းထုတ် ခဲ့သော အင်္ဂလိပ် စာရေးဆရာ ဂျော့ကာဇွန် ၏ စကားများ မှာလည်း မှန်ကန်လာ ခဲ့သည်။ ၁၉ဝ၉ ခုနှစ်တွင် ဂျော့ကာဇွန် က ဗြိတိသျှတို့၏ အိန္ဒိယကို အောင်ပွဲဟူသော ခေါင်းစဉ်ဖြင့် စာအုပ် ထုတ်ခဲ့သည်။ ထိုစာအုပ်ထဲတွင် အိန္ဒိယတို့၏ အနာဂတ် ဖြစ်လာမည့် အားအကောင်းဆုံး စီးပွားရေး နှင့် စစ်ရေး အကြောင်းကို ရေးသား ထားခဲ့သည်။

ယခုတော့ ထိုစာအုပ်ထဲက အတိုင်းပင် အိန္ဒိယတို့မှာ စီးပွားရေးရော စစ်ရေးမှာပါ ကမ္ဘာ့ အင်အား အကောင်းဆုံး စာရင်းထဲတွင် ပါဝင်လာ ခဲ့သည်။ အာရှ၌ စီးပွားရေး တိုးတက်မှု အားကောင်း လာသော အာဆီယံစီးပွားရေး အသိုက်အဝန်း၏ လုံခြုံရေးကိုပင် ကျောထောက် နောက်ခံ ပြုနိုင်ရန်အထိ အိန္ဒိယတို့ စစ်ရေးက အာရှ၌ အရေးပါလာ ခဲ့သည်။ အာရှဒေသကို စစ်ရေးအရ လွှမ်းမိုးရန် ကြိုးပမ်းမည် ဆိုပါက အိန္ဒိယတို့သည် စီးပွားရေးနှင့် စစ်ရေးမူဝါဒကို ပြောင်းလဲရန် လိုသည်။ စီးပွားရေးအရ တာဂျစ်ကစ္စတန်၊ အီရန်နှင့် ဗီယက်နမ်နိုင်ငံ တို့အပြင် အရှေ့အလယ်ပိုင်း နှင့် အာဖရိက အထိပါ အိန္ဒိယတို့၏ စီးပွားရေးက လက်တံ ရှည်လာခဲ့သည်။

စစ်အေးတိုက်ပွဲ ပြီးဆုံးပြီး နောက်ပိုင်း ကမ္ဘာ လုံးဆိုင်ရာ လုံခြုံရေး ကလည်း အားနည်းလာကာ အရှေ့ အလယ်ပိုင်း ဒေသကလည်း အကြမ်းဖက်ဝါဒ ရှင်သန်လာသည်။ အရှေ့အာရှ ၌လည်း တရုတ်တို့၏ သြဇာလွှမ်းမိုးမှုက အာရှ-ပစိဖိတ် ကိုပင် ခြိမ်းခြောက် လာသောကြောင့် အိန္ဒိယတို့၏ မူဝါဒများ ပြောင်းလဲလာရန် ဖိအားများ ဖြစ်လာခဲ့သည်။

ယခုတော့ ဝန်ကြီးချုပ် မိုဒီ ၏ အုပ်ချုပ်မှု ပုံစံအောက်တွင် အိန္ဒိယတို့၏ စီးပွားရေး နှင့် စစ်ရေးမှာလည်း စနစ်တကျ တိုးတက်လာလျက် ရှိသည်။ စီးပွားရေး ကလည်း ၇ ရာခိုင်နှုန်းကျော် ၈ ရာခိုင်နှုန်း နီးပါး ကမ္ဘာ့တိုးတက်မှု အမြန်ဆုံး ရာခိုင်နှုန်းဖြင့် တိုးတက်လာနေပြီး စစ်ရေးကလည်း ကမ္ဘာ့ အဆင့် (၁ဝ) ထိပ်ပိုင်းစာရင်းတွင် ဝင်ရောက်နေသည်။ ယခု မိုဒီ ၏ စစ်ရေး အသုံးစရိတ် အမေရိကန်ဒေါ်လာ ၅၁ ဘီလီယံ ကို အိန္ဒိယ စစ်ရေး ပညာရှင်တို့က ဝေဖန်မှုများ ရှိနေသောကြောင့် နိုင်ငံ၏ ဂျီဒီပီ ၄ ရာခိုင်နှုန်းအထိ အသုံးပြုရန် အိန္ဒိယတို့ ကြိုးပမ်း နေကြသည်။

ထိုအခါ အိန္ဒိယ၏ စစ်အသုံးစရိတ် သည်  ၈ဝ ဘီလီယံကျော် အထိ ရောက်ရှိလာ တော့မည်ဖြစ်သည်။ ထိုစစ် အသုံးစရိတ် သည် အာဆီယံ၏ လုံခြုံရေးကို အကောင်းဆုံး အကာအကွယ် ပေးနိုင်ရန် အထိ လုံလောက်မှု ရှိသည်။ ဝန်ကြီးချုပ် မိုဒီ က အိန္ဒိယသမုဒ္ဒရာ ကို အပြည့်အဝ ကင်းလှည့်နိုင်ရန် ရေတပ် အင်အားကြီးမား လာရေးကို အကောင်အထည် ဖော်နေပြီး အာဆီယံ၌ လည်း ရေတပ်အင်အားကို အထောက်အပံ့ ပေးလာနေသည်။ တောင်တရုတ် ပင်လယ်ပြင် အရေးတွင် တရုတ်တို့ကို ယှဉ်ပြိုင်ပြီး အိန္ဒိယတို့ စစ်ရေးတွင် ပါဝင်ပတ်သက် လာနိုင်သည်။ ထို့ကြောင့် အမေရိကန်၏ စစ်ရေးအရ အိန္ဒိယနှင့် ဆက်သွယ် ဆောင်ရွက်ချက် များသည်ယခင် ကထက် နှစ်ဆမြင့်တက် လာခဲ့ပြီဖြစ်သည်။

တရုတ်ကို ယှဉ်ပြိုင်ရန် ဂျပန်ကို အမေရိကန်တို့က အထောက်အပံ့ ပေးထားသော်လည်း ဂျပန်၏ မလွတ်လပ်သော စည်းမျဉ်း များကြောင့် စစ်ရေးတွင် အနှောင့်အယှက် များစွာ ရှိနေသည်။ ထို့ကြောင့် လွတ်လပ်သော အိန္ဒိယ စစ်ဘက်ကို ပံ့ပိုးပေးရင်း တရုတ်ကို အကောင်းဆုံး ယှဉ်ပြိုင်နိုင်ရန် အမေရိကန်တို့က အိန္ဒိယကို ရွေးချယ်ခြင်း ဖြစ်သည်။ ယခုအခါ တရုတ်တို့၏ ဖိအားများ အိန္ဒိယ၌ နည်းသထက် နည်းလာနေသည်။ စစ်ရေးအရ လည်း အိန္ဒိယသည် တရုတ်ကိုမီရန် ကြည်းတပ် မြေပြင်အင်အား ၊ ရေတပ်နှင့် လေတပ်အင်အား များကို အကောင်းဆုံး အရှိန်မြှင့် နေသည်။ စစ်ရေးအရ ရုရှား၊ ပြင်သစ် ၊ အမေရိကန် နှင့် အိန္ဒိယ စစ်ဘက်သည် အကောင်းဆုံး ဆက်ဆံရေးများ ရှိနေသောကြောင့် တရုတ်ကို ဆန့်ကျင်ရေးမှာ အိန္ဒိယတို့အတွက် အားသာချက် များစွာ ရှိနေသည်။

တောင်တရုတ် ပင်လယ်ပြင်ကြောင့် ကိုလိုနီ နိုင်ငံကြီး တစ်နိုင်ငံ ဖြစ်ခဲ့သော ပြင်သစ်ကလည်း အာရှ-ပစိဖိတ် စစ်ရေးဗျူဟာ များကို ပြောင်းလာပြီး အမေရိကန် ကလည်း တရုတ်၏ စစ်ရေး ခြိမ်းခြောက်မှုကြောင့် အာရှ စစ်ရေးဗျူဟာ များကို ပြောင်းလာ သဖြင့် ထိုနှစ်နိုင်ငံ၏ အာရုံသည် စစ်ရေး မဟာဗျူဟာ ကျသော သမုဒ္ဒရာ ကိုပိုင်ဆိုင်ပြီး အားအကောင်းဆုံးဖြင့် တိုးတက်လာ နေသည့် အိန္ဒိယကိုသာ ပစ်မှတ်ထား နေတော့သည်။

ယခုအခါ အိန္ဒိယတို့သည် အာဆီယံ ပိုင်နက် လုံခြုံရေးကို အာမခံချက် ပေးနိုင်ရန် ပြင်ဆင်နေပြီး အာဆီယံမှ တစ်ဆင့် အာရှ လုံခြုံရေးအထိ အရောက်လှမ်း နိုင်ရန် ကြိုးပမ်းနေ ပါကြောင်း တင်ပြလိုက် ရပါသည်။

မြ၀တီနေ့စဉ် ၊ စာ(၂၄)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger