www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Thursday, August 11, 2016

ပြန်လည်ပေါင်းစည်းသွားပြီ ဖြစ်သည့် တူရကီ-ရုရှား ဆက်ဆံရေး



( ရှိန်းထက် )

အရှေ့အလယ်ပိုင်း အင်အားကြီး နှစ်နိုင်ငံ၏ ပေါ်ထွက် လာနိုင်သည့် စစ်ပွဲသစ်တစ်ပွဲ အဖြစ် ထင်မြင်ချက် ပေးခြင်း ခံခဲ့ရသည့် တူရကီ - ရုရှား တင်းမာမှုသည် ပြေလျော့သွားခဲ့ပြီ ဖြစ်ပြီး စီးပွားရေး စီးဆင်းမှုများလည်း တစ်ကျော့ပြန်လည် စတင်လာတော့မည် ဖြစ်သည်။

နိုဝင်ဘာ၂၄ ရက်က ISIS တို့ကို ဗုံးကြဲပြီး ပြန်လာသော ရုရှား တိုက်လေယာဉ် Su-24 ကို ဆီးရီးယားနယ်စပ်၌ တူရကီစစ်တပ်၏ F-16 များက ပစ်ချခဲ့သည်။ ရုရှားလေယာဉ်မှူး တစ်ဦးသေဆုံးခဲ့ပြီး ရုရှားသမ္မတပူတင် က တူရကီကို စစ်ရေးအရ တုံ့ပြန်မှုအထိ ပြုလုပ်ရန် ဆိုးဆိုးရွားရွား ဆုံးဖြတ်ချက်ချ ခဲ့သည်။ ပြီးခဲ့သည့် ရာစုနှစ်များဆီကို ကြည့်မည်ဆိုလျှင် လည်း ရုရှားနှင့် တူရကီတို့သည် ရန်သူတော် ဟောင်းကြီးများ ဖြစ်ကြသည်။

ရုရှားတို့သည် အော်တိုမန် အင်ပါယာ၏ လွှမ်းမိုးမှုနှင့် ခြိမ်းခြောက်မှုကို အနည်းနှင့်အများ ခံခဲ့ရပြီး ပင်လယ်နက် အုပ်စုဟူ၍ ပင်လယ်နက်၌ တူရကီရေတပ်ကို ကာကွယ်ရန် အမြဲတမ်းတပ်ဖွဲ့များ စေလွှတ်ခဲ့ ရသည်အထိ တူရကီတို့ ရုရှားကို ခြိမ်းခြောက် နိုင်ခဲ့သည်။ သို့သော်လည်း ထိုအချိန်က ထူးဆန်းစွာပင် အတင်းမာဆုံး နှစ်နိုင်ငံကြား စစ်မဖြစ်ခဲ့ကြဘဲ ပြီးဆုံးခဲ့ကြကာ အသီးသီး အင်အား ဆုတ်ယုတ်လျက် အင်ပါယာများ ပျက်စီးခဲ့ကြသည်။

ထိုသမိုင်းကြောင့် နှစ်နိုင်ငံသည် တင်းမာမှု အမြင့်မားဆုံးသို့ ရောက်ရှိကာ ရုရှားက ဆီးရီးယား၌ လေကြောင်းရန် ကာကွယ်ရေးစနစ် S-400 များကို ချထားခဲ့သည်။ ဆီးရီးယားနယ်ထဲ ဝင်လာသည့် တူရကီစစ်လေယာဉ် မှန်သမျှကို ပစ်ချမည်ဟု ကြုံးဝါးခဲ့သည်။ တူရကီသမ္မတ အာဒိုဂန် ကလည်း ရုရှားတို့ မီးနှင့်ကစား နေသည်။ သူ့ကိုယ်သူ ပျက်စီးရာ ပျက်စီးကြောင်း ကြံစည်နေသည်ဟု စကားလုံး ထိုးစစ်ဆင် ခဲ့သည့်အပြင် ပူတင် ကို အရှိုက်ထိစေမည့် စကားများဖြင့် ထပ်မံစစ်ခင်း ပြန်သည်။ ထို့ကြောင့် ပူတင်သည် တူရကီနှင့် စီးပွားရေး အရရော နိုင်ငံရေးအရပါ အဆက်အသွယ် ဖြတ်တောက်ပစ်ခဲ့ပြီး ပထမခြောက်လ အတွင်းမှာပင် တူရကီနှင့် ရုရှားစီးပွားရေး အရ ဆက်ဆံရေးသည် အမေရိကန် ဒေါ်လာ ဘီလီယံနှင့်ချီ ကျဆင်းခဲ့ရသည်။ ပူတင်က တူရကီသို့ ပျံသန်းနေသည့် လေကြောင်းလိုင်း များအားလုံးကို ရပ်တန့်ခိုင်း လိုက်သည်။ ရုရှားပြည်တွင်းမှာ ရှိသည့် တူရကီ ဆောက်လုပ်ရေး ကုမ္ပဏီများ၊ အဆောက်အအုံ အလှဆင်သည့် ကုမ္ပဏီများနှင့် ပရိဘောဂ ကုမ္ပဏီများအားလုံး ကို ရပ်တန့်ခိုင်းခဲ့ကာ တူရကီ နိုင်ငံသားများကို ပြည်တော်ပြန် ခိုင်းခဲ့သည်။ ရာနှင့်ချီသော တူရကီကုမ္ပဏီများ လုပ်ငန်း ရပ်တန့်ခဲ့ရကာ တူရကီ နိုင်ငံသားများ ရုရှားမြေမှ လှည့်ပြန်ခဲ့ရသည်။

တူရကီသည် ရုရှား၏ အကြီးမားဆုံး စီးပွားရေးမိတ်ဖက် နိုင်ငံ တစ်နိုင်ငံ ဖြစ်သကဲ့သို့ တူရကီအတွက်လည်း ရုရှားသည် မရှိမဖြစ် စီးပွားဖက်နိုင်ငံ တစ်နိုင်ငံဖြစ်သည်။ တူရကီသည် ရုရှားထံမှ ရေနံကို နှစ်စဉ် ကုဗမီတာ ဘီလီယံနှင့်ချီကာ ဝယ်ယူရသည်။ ထို့ကြောင့် စီးပွားရေးအရ အဆက်အသွယ် ဖြတ်တောက် လိုက်သောအခါ ရုရှားအတွက်လည်း နစ်နာရ တူရကီ အတွက်လည်း နစ်နာခဲ့ရသည်။

The Turkish resort of Antalya has been hit hard by a decline in visitors from Russia, a key tourism market.

စွမ်းအင်ကဏ္ဍ အတွက် တူရကီက ၂ဝ၁၅ ခုနှစ်တုန်းက မပူပင်ခဲ့ရပေ။ ISIS တို့၏ မှောင်ခိုဈေးကွက် က အသက်သာဆုံး ဈေးနှုန်းဖြင့် ရေနံကို တူရကီတို့ ရခဲ့သောကြောင့် ဖြစ်သည်။ သမ္မတ အာဒိုဂန်မိသားစုပင် ISIS ကြောင့် အမေရိကန်ဒေါ်လာ သန်းချီ အမြတ်ထွက်ခဲ့ သည်ဟုပင် ဆိုကြသေးသည်။ ယခုတော့ ISIS လည်း ရေနံမှောင်ခို လမ်းကြောင်း လုပ်မရတော့ တူရကီ၏ စွမ်းအင်ကဏ္ဍ အတွက် စိုးရိမ်စရာ ဖြစ်လာသည်။ စွမ်းအင်ကဏ္ဍ အတွက် ယခင်အတိုင်း ရုရှားကို လိုအပ်လာသည်။ ထို့ပြင် တူရကီခရီးသွား ကဏ္ဍသည် ရုရှားခရီးသွားများ အပေါ်တွင် အဓိကမှီခို နေရသည့်အတွက် ခရီးသွားဝင်ငွေ လျော့နည်းလာသည်။ ထိုအချိန် ရုရှားသည်လည်း မျှော်မှန်းထားသည့် တရုတ်နှင့် ဘီလီယံရာနှင့်ချီ ကုန်သွယ်ရေး ရည်မှန်းချက်များ ကလည်း ပြည့်မလာ၊ စစ်ဘက် ကိုသာလိုက်ခဲ့သဖြင့် နိုင်ငံစီးပွားရေး ကလည်း ကျဆင်း လာသောကြောင့် ၂ဝ၁၅ ခုနှစ် စစ်အသုံးစရိတ် ကိုပင် လျှော့ချခဲ့ ရသည်။

ထို့ကြောင့် ရုရှားသည် တူရကီကို ပြန်ဆက်ဆံလိုသည်။ ထိုအချိန် တူရကီတွင် ဇူလိုင် ၁၅ ရက်က မအောင်မြင်သည့် အာဏာသိမ်းပွဲ ဖြစ်ပွားခဲ့သည်။ ရုရှားက အာဒိုဂန်ကို ဖုန်းဆက် သတင်းမေးခဲ့သည်။ တူရကီ ပြည်သူများကို ချီးကျူးစကား ဆိုခဲ့သည်။ ထိုကဲ့သို့ဖုန်းဆက် သတင်းမေးခဲ့သည့် ရုရှား၏ အပြုအမူသည် တူရကီနှင့် ပြန်လည် အဆင်ပြေရန် လမ်းကြောင်းတစ်ခု ဖြစ်ခဲ့သည်။ သြဂုတ် ၉ ရက်က အာဒိုဂန်နှင့် ပူတင် တွေ့ဆုံစဉ်တွင် အာဏာသိမ်းမှု ကျဆုံးခဲ့စဉ်က ရုရှား၏ ဖုန်းဆက် သတင်းမေးမှုသည် တူရကီကို အလေးထားမှု ဖြစ်ကြောင်း၊ ယခင် ဆက်ဆံရေးအတိုင်း နှစ်နိုင်ငံကြားတွင် ရှိနေသေးသည့် ပြယုဂ်တစ်ခုအဖြစ် မြင်ကြောင်း ဆိုခဲ့သည်။ 

ထိုဖုန်းမဆက်ခင် က အာဒိုဂန် သည် ရုရှားကို ၄င်းတို့ပစ်ချခဲ့သည့် တိုက်လေယာဉ် အတွက် လျော်ကြေးပေးမည်၊ မှားယွင်း ပစ်ချခဲ့ခြင်း ဖြစ်သည် စသည်ဖြင့် တောင်းပန်မှု ဆန်ဆန်စကား ဆိုခဲ့သောကြောင့် ရုရှားက
တူရကီကို အာဏာသိမ်းမှု ကျဆုံးပြီးနောက် ဖုန်းဆက်မေးခြင်း ဖြစ်သည်ဟု လည်း နိုင်ငံရေးလေ့လာသူ များက ဆိုကြသည်။

မည်သို့ပင်ဆိုစေ တူရကီနှင့် ရုရှားတို့သည် ကိုင်းကျွန်းမှီ ကျွန်းကိုင်းမှီ ဖြစ်သည်။ တူရကီကလည်း စီးပွားရေးအရ ရုရှားကို လိုသည်။ ရုရှားကလည်း တူရကီကို လိုသည်။ တစ်ဖက်တွင် စစ်ဘက်ဆိုင်ရာ အရလည်း ISIS ကိုတိုက်ရန် ရုရှားတို့ နယ်စပ်စည်းမျဉ်း များက စိတ်ချရသည့် တူရကီစစ်တပ် ကို အလိုရှိသည်။ အာဒိုဂန်က ပူတင်၏ မွေးရပ်မြေ စိန့်ပီတာစဘတ်မြို့သို့ သွားရောက်ကာ ပူတင်နှင့်တွေ့ပြီး သူ၏ လေးစားသမှုကို ပြသခဲ့သည်။ 

ပူတင်ကလည်း သူ၏ခရီးသွား ပိတ်ပင်မှုများကို ချက်ချင်းဖယ်ရှားကာ နှစ်နိုင်ငံ ဆက်ဆံရေးကို ပြန်လည်စတင်မည်ဟု ဆိုခဲ့သည်။ တူရကီတို့ ရုရှားလေယာဉ် ပစ်ချခဲ့အပြီး ရုရှားမှ တူရကီသို့ ခရီးသွားဝင်ရောက် မှုမှာ ၈ဝ ရာခိုင်နှုန်းအထိ ကျဆင်းခဲ့ကာ ရုရှားသို့ တူရကီ၏ အစားအစာ တင်ပို့မှုမှ ဝင်ငွေ အမေရိကန်ဒေါ်လာ သန်း ၈ဝဝ ကျော် ကျဆင်းခဲ့ရသည်။

ထို့ကြောင့် တင်းမာမှုများကို ဆုပ်ကိုင်သည့် နှစ်နိုင်ငံသည် မည့်သည့် အကျိုးအမြတ်မှ မရရှိဘဲ အကျိုးယုတ်ခဲ့ကြောင်း သတိထားမိ ခဲ့ကြသည်။ တူရကီ၏ စီးပွားရေး ရည်မှန်းချက်သည် EU သို့ဝင်ရောက်ပြီး ကုန်သွယ်ရေးများ ပြုလုပ်လိုခြင်းပင် ဖြစ်သည်။ သို့သော်လည်း ယခုအချိန်ထိ EU သည် တူရကီကိုဝင်ခွင့် မပေးသေးပေ။ တူရကီ၏ ဆိုက်ပရပ်စ်ကို ကျူးကျော်ခြင်း ကဲ့သို့ အရိပ်မည်းများက ရှိနေခဲ့သောကြောင့် ဖြစ်သည်။ ယခု EU မှ အင်္ဂလန်နိုင်ငံ ခွဲထွက်သွားခြင်းသည် တူရကီအတွက် EU သို့ဝင်ရောက်ရန် အခွင့်အရေး ရသွားခဲ့သော်လည်း မည်သည့် အချိန်မှ ခေါ်ယူမည် မသိသည့် EU အဖွဲ့ဝင်အတွက် တူရကီ မမိုက်ရဲသေးပေ။ အကယ်၍ ယခုပင် EU က တူရကီကိုပေးဝင် ပါက ရုရှားနှင့် စီးပွားရေးအရ မဆက်သွယ် ရလည်း တူရကီတို့ စိတ်ပျက်မည် မဟုတ်ပေ။ သို့သော်လည်း EU က ခေါ်မည်၊ မခေါ်မည် မသေချာသည့် အချိန် ရုရှားကို အဆက်အသွယ် ဖြတ်လျှင် တူရကီတို့ ဆုံးရှုံးရမှာ ကျိန်းသေသည်။ ထို့ကြောင့် အာဒိုဂန် က ရုရှားကို မခွာသေးဘဲ သေချာသည့် အရာတစ်ခုကို အရင်ဆုပ်ကိုင် ထားပြီး သူ့စီးပွားရေးကို ထိန်းသိမ်းနေခြင်း ဖြစ်သည်။

တစ်ဖက်တွင် ရုရှားနှင့်ပေါင်းလျှင် သူ့အတွက် စီးပွားရေးအရရော စစ်ရေးအရပါ နစ်နာစရာ မရှိပေ။ ပို၍ပင် အထောက်အကူ ရလိမ့်မည်ဖြစ်သည်။ ထို့ကြောင့် တူရကီတို့ ရုရှားနှင့်ပြန်လည် အဆင်ပြေ နိုင်မည့်လမ်းကြောင်း များကို စပေးခဲ့ခြင်း ဖြစ်ပါကြောင်း ရေးသား လိုက်ရပါသည်။

မြ၀တီနေ့စဉ် ၊ စာ(၂၄)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page