ကျေးရွာတချို့ မြစ်ရေလျှံမှုကြောင့် ကွမ်းစိုက်ခင်းများ ရေထိပျက်စီးခဲ့သဖြင့် ကွမ်းဈေးမြင့်တက်

မကွေး ၊ ၁၀-၈-၂၀၁၆

မကွေးတိုင်း ဒေသကြီး၌ မိုးများပြီး မြစ်ရေလျှံမှုကြောင့် ကျေးရွာတချို့ ရှိ ကွမ်းစိုက်ခင်းများ ရေထိပျက်စီး ခဲ့သဖြင့် ကွမ်းဈေးများ အဆမတန် မြင့်တက် နေကြောင်း သိရသည်။

''အဓိကကတော့ မကွေး၊ မင်းဘူး၊ တောင်တွင်းကြီး ဒေသတွေကို ဒီဘက်က စိုက်တဲ့ ကွမ်းရွက်တွေ တင်ပို့ရတာ များပါတယ်။ ဒါပေမဲ့ လက်ရှိမှာ ကွမ်းရွက်တွေက ရေထိပျက်စီး ခဲ့လို့ ဈေးကွက်ကို လိုသလောက် မတင်ပို့ နိုင်တော့ဘူး။ ဒါကြောင့် ကွမ်းက ဈေးတက်သွား တာပါ။ ဧရာဝတီမြစ် အနောက်ဘက် ကမ်းမှာရှိတဲ့ ရွာတွေအပြင် မင်းဘူး (စကု)နယ်၊ ပင်လယ်သက်ရွာ၊ လက်ခုပ်ရွာ၊ ကျောင်းတော်ရာရွာ၊ ကျောက်ကုန်းရွာ၊ ပွင့်ဖြူ၊ ရှောက်တောရွာ တွေမှာလည်း စိုက်ပျိုးမှု ရှိပေမယ့် ရေဝင်မှုတွေ ဖြစ်ပွားနေ ပါတယ်'' ဟု ကွမ်းစိုက် တောင်သူ တစ်ဦးထံမှ သိရသည်။

တစ်နိုင်ငံလုံး အတိုင်းအတာဖြင့် ပန်းတနော် ကွမ်းကို အဓိက စိုက်ပျိုးကြပြီး စားသုံးသူများ အနေဖြင့်လည်း ပန်းတနော် ကွမ်းရွက်ကို ပိုမို ကြိုက်နှစ်သက် ကြသည်။ လက်ရှိတွင် စိုက်ပျိုးထားသည့် ဒေသထွက်

ကွမ်းခြံများ ရေဝင်ပျက်စီး သောကြောင့် တခြားဒေသမှ ထွက်ရှိသည့် ပန်းတနော် ကွမ်း အပါအဝင် တခြားကွမ်းများ အစားထိုး ဝင်ရောက်မှုများ ရှိနေသည်။

အဆိုပါ ကွမ်းစိုက်ခင်းများ ပျက်စီးမှုကြောင့် ကွမ်းဈေးသည် တစ်ပိဿာလျှင် ငွေကျပ် ၇၅ဝဝ မှ ၁၅ဝဝဝ အထိ မြင့်တက် သွားကြောင်း ကွမ်းရောင်းဝယ် သူများထံမှ သိရသည်။ (သီရိ)

မြ၀တီနေ့စဉ် ၊ စာ(၆)