www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Monday, July 25, 2016

၂၀၁၈ ခုနှစ်ကို မြန်မာ့ခရီးသွားနှစ် အဖြစ် သတ်မှတ်ရန်စီစဉ်



ရန်ကုန် ၊ ၂၅-၇-၂၀၁၆

၂ဝ၁၈ ခုနှစ်ကို မြန်မာ့ ခရီးသွားနှစ် (Visit Myanmar Year) အဖြစ် သတ်မှတ်ရန် အကောင်အထည်ဖော် စီစဉ်နေပြီး ခရီးသွားပြပွဲ များတွင် နိုင်ငံတကာ ခရီးသွား ဝန်ဆောင်မှုများ ထည့်သွင်း ဖော်ပြလာခြင်း နှင့်အတူ ခရီးသွား ဝန်ဆောင်မှုများ တိုးချဲ့လုပ်ကိုင် သွားမည် ဖြစ်ကြောင်း မြန်မာနိုင်ငံ ခရီးသွား လုပ်ငန်းရှင်များ အသင်းမှ သိရသည်။

ခရီးသွားနှစ် မတိုင်မီ မြန်မာနိုင်ငံ၌ ခရီးသွား လုပ်ငန်းများ တိုးချဲ့လုပ်ကိုင် နိုင်ရန် ဟိုတယ် အခန်းခများနှင့် ခရီးစရိတ် များကို အိမ်နီးချင်းနိုင်ငံ များထက် လျှော့ချနိုင်ရန် လိုအပ်ကြောင်း၊ လေကြောင်းလိုင်း လက်မှတ်ခ ဈေးကြီးခြင်း တို့ကိုလည်း ပြန်လည် သုံးသပ်ပြီး သက်ဆိုင်ရာ ဝန်ကြီးဌာန များနှင့် ပူးပေါင်း လုပ်ဆောင် သွားမည် ဖြစ်သည်။

လက်ရှိတွင် ကမ္ဘာ့ လောင်စာဆီ ဈေးနှုန်း ကျဆင်းနေခြင်းက ခရီးသွားလုပ်ငန်း ဖွံ့ဖြိုးရေး အတွက် အခွင့်အရေး တစ်ရပ်ဖြစ်လာ နိုင်ပြီး သယ်ယူ ပို့ဆောင်ရေး စရိတ် လျှော့ချ နိုင်ခြင်းကြောင့် ခရီးသွားလုပ်ငန်း အတွက် ထိရောက်သော အကျိုး ကျေးဇူးများ ရရှိလာမည် ဖြစ်ကြောင်း ကမ္ဘာ့ခရီးသွား အဖွဲ့ချုပ် မှ သုံးသပ်ထားသည်။ ၂ဝ၁၆ ခုနှစ်တွင် မြန်မာနိုင်ငံသို့ နိုင်ငံခြား ခရီးသွား ဧည့်သည် ငါးသန်းခွဲခန့် ဝင်ရောက်ရန် ခန့်မှန်းထားပြီး ၂ဝ၃ဝ ပြည့်နှစ်တွင် နိုင်ငံခြား ခရီးသွား ဧည့်သည် သန်း ၂ဝ ကျော် ဝင်ရောက်ရန် မျှော်မှန်း ထားကြောင်း ဟိုတယ်နှင့် ခရီးသွားလာရေး ဝန်ကြီးဌာန မှ သိရသည်။ (၄၄၇)

မြ၀တီနေ့စဉ် ၊ စာ(၂၄)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger