ရန်ကုန် ၊ ၂၅-၅-၂၀၁၆
မြန်မာနိုင်ငံ အတွင်းရှိ ဖွံ့ဖြိုးမှု နည်းပါးသည့် ဒေသများ၌ ရင်းနှီးမြှုပ်နှံမှုများ ပိုမို ဝင်ရောက် လာစေရန် အခွန်နှုန်းထားများ လျှော့ချပြီး ဆွဲဆောင် သွားမည် ဖြစ်ကြောင်း ရင်းနှီးမြှုပ်နှံမှု နှင့် ကုမ္ပဏီများ ညွှန်ကြားမှု ဦးစီးဌာန မှ သိရသည်။
ဖွံ့ဖြိုးမှု နည်းပါးသည့် ဒေသများဖြစ် သော ချင်း၊ ကယားနှင့် ရခိုင်ပြည်နယ် တို့၌ အဓိက လိုအပ်နေသည့် လျှပ်စစ်နှင့် အခြေခံ အဆောက်အအုံများ ဖြစ်သော လမ်း၊ တံတား ဆိုင်ရာများ၌ ရင်းနှီးမြှုပ်နှံ လိုသူများအား အထူး အခွင့်အရေး အနေဖြင့် ရင်းနှီးမြှုပ်နှံ ခွင့် ပေးသွားမည် ဖြစ်ပြီး နိုင်ငံခြား ရင်းနှီးမြှုပ်နှံမှု ဥပဒေသစ်တွင် အဆိုပါ အချက်များကို ထည့်သွင်း ပြင်ဆင်သွားမည် ဖြစ်ကြောင်း သိရသည်။
လက်ရှိတွင် ပြည်ပနိုင်ငံ များမှ လာရောက် ရင်းနှီးမြှုပ်နှံလျက် ရှိသည့် ကုမ္ပဏီ အများစုသည် ဖွံ့ဖြိုးမှု နည်းပါး နေသေးသည့် ဒေသများ၌ ဖွံ့ဖြိုးရေးဆိုင်ရာ ရင်းနှီးမြှုပ်နှံ မှုများထက် ဒေသ၏ သယံဇာတ များပေါ် တွင်သာ ရင်းနှီးမြှုပ်နှံ လိုသူ များပြားကြောင်း MCRB အဖွဲ့မှ ထုတ်ပြန်သည့် ၂ဝ၁၅ ခုနှစ် မြန်မာနိုင်ငံ ဆိုင်ရာ စီးပွားရေး အစီရင်ခံစာတွင် ဖော်ပြ ထားသည်။
ထို့ပြင် ပြည်တွင်းသို့ ဝင်ရောက် လာသည့် နိုင်ငံခြား ရင်းနှီးမြှုပ်နှံမှု များသည် ရန်ကုန် နှင့် မန္တလေး အစရှိသည့် မြို့ကြီးတို့၌သာ အကျိုးအမြတ် များသောကြောင့် အဓိက လာရောက် ရင်းနှီးမြှုပ်နှံ ကြကြောင်း သိရသည်။
၂ဝ၁၆-၂ဝ၁၇ ဘဏ္ဍာနှစ်တွင် ရင်းနှီး မြှုပ်နှံမှု ပြုလုပ်မည့် ပြည်တွင်း ပြည်ပလုပ်ငန်း ပေါင်း ၈ဝ ကျော်ကို မြန်မာနိုင်ငံ ရင်းနှီး မြှုပ်နှံမှု ကော်မရှင်ထံ တင်ပြထားပြီး မြန်မာနိုင်ငံ ရင်းနှီးမြှုပ်နှံမှု ကော်မရှင်ကို အသစ် ပြန်လည် ဖွဲ့စည်းမည်ဖြစ်၍ ပြည်ပမှ လာရောက် လုပ်ကိုင်မည့် ကုမ္ပဏီများအား ခွင့်ပြုမိန့် ထုတ်ပေးခြင်းကို ခေတ္တ ရပ်ဆိုင်းထားကြောင်း သိရသည်။ (၄၄၇)
မြ၀တီနေ့စဉ် ၊ စာ(၆)
.jpg)
No comments:
Post a Comment