www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Monday, February 1, 2016

မန္တလေးတိုင်းဒေသကြီး အတွင်း စက်သုံးဆီဆိုင်ငယ်များ၊ ဂါလန်၅ဝဆံ့ ဆီဘောက်ဆာငယ် များဖြင့် စက်သုံးဆီရောင်းချနေမှုကို အရေးယူသွားမည်



မန္တလေး ၊ ၁-၂-၂၀၁၆

မန္တလေးတိုင်း ဒေသကြီး အတွင်းရှိ ကျေးလက်သွား လမ်းများပေါ်တွင် ယခုအခါ စက်သုံးဆီ ဆိုင်ငယ်လေးများ၊ မော်တော်ယာဉ်များ ပေါ်တွင် ဂါလန် ၅ဝ ဆံ့ ဆီဘောက်ဆာငယ်  များဖြင့် စက်သုံးဆီရောင်းချနေမှု များကို အများအပြား တွေ့မြင် လာရသည်။ ထိုသို့ ရောင်းချနေမှု များသည် ခရီးသွား ယာဉ်မောင်းနှင် သူများ အတွက်များစွာ အဆင်ပြေမှု ရှိသော်လည်း အနီးဝန်းကျင်တွင် လူနေအိမ်များ နီးကပ်နေမှုသည် မီးဘေးအန္တရာယ် အတွက် စိုးရိမ်ရသည့် အနေအထား တစ်ခုဖြစ်ကြောင်း ၎င်း စက်သုံးဆီဆိုင် များနှင့်နီးသော ရပ်ကွက်နေ ပြည်သူများက ပြောပြသည်။

''လမ်းဘေးမှာ စက်သုံးဆီ ဆိုင်ငယ်တွေ ရောင်းချနေမှုကို တရားဝင် ဖွင့်လှစ်ရောင်းချခွင့် ရှိပါသလား ဆိုတဲ့ မေးခွန်းကို တိုင်းဒေသကြီး လွှတ်တော်မှာလဲ မေးမြန်းဖူးတဲ့ အတွက် လမ်းဘေး စက်သုံးဆီ ဆိုင်ငယ် ဂါလန် ၅ဝ ဆံ့ဆိုင်တွေ ဖွင့်လှစ်ရောင်းချမှုကို တရားဝင် ဖွင့်လှစ်ခွင့်ပြု ပေးလို့ မရပါဘူးလို့ ဖြေကြားခဲ့ ပါတယ်။ အဲဒီလို ရောင်းချနေမှုကို တိုင်ကြား လာရင်ပဲ ဖြစ်ဖြစ်၊ ရှောင်တခင် စစ်ဆေးတွေ့ရှိ ရင်ပဲဖြစ်ဖြစ် စက်သုံးဆီ ရောင်းချမှု ဆိုင်ရာ ဥပဒေနဲ့ အရေးယူ ဆောင်ရွက်တာ ခံရနိုင်ပါတယ်။ ထိရောက်တဲ့ အရေးယူ ဆောင်ရွက်မှု တွေကိုလဲ ပြုလုပ်သွားမှာပါ။ ဒါပေမဲ့ မြို့ပေါ်ဆိုင်ကြီး တွေလို မဖွင့်လှစ်နိုင် တဲ့ ကျေးလက်က စက်သုံးဆီ အရောင်းဆိုင်လေး တွေအတွက် ဆိုင်ကယ် သီးသန့် အရောင်းဆိုင်၊ မော်တော်ကား သီးသန့် အရောင်းဆိုင်လေး တွေကိုတော့ ဥပဒေဘောင် အတွင်းကနေ တရားဝင် ဖွင့်လှစ်ခွင့်ပြု ပေးထားပါတယ်။ အခုဆိုရင် စက်သုံးဆီဆိုင် တွေကို တာဝန်ရှိ သူတွေက စစ်ဆေးပေး နေပါတယ်။ ဒီလို စစ်ဆေးကြရာမှာ သတ်မှတ်ချက် တွေနဲ့ ကိုက်ညီမှု မရှိတဲ့  မန္တလေးခရိုင် အတွင်းက စက်သုံးဆီ အရောင်းဆိုင်ကြီး သုံးဆိုင်ကို အရေးယူ ဆောင်ရွက်မှု ပြုလုပ်ပြီး ယာယီပိတ်သိမ်း ခိုင်းထားတယ်။ သတ်မှတ်ချက်တွေ ပြည့်စုံအောင် ဆောင်ရွက်ပြီး ရင်တော့ ပြန်လည် ရောင်းချ ခွင့်ပြု ပေးမှာပါ'' ဟု မန္တလေးတိုင်း ဒေသကြီး လျှပ်စစ်နှင့် စက်မှုလက်မှု ဝန်ကြီးဌာန ဝန်ကြီး ဦးကျော်မြင့် က ပြောပြသည်။

စက်သုံးဆီ ဆိုင်ကြီးများ ဖွင့်လှစ်ရောင်းချ နိုင်ခြင်းမရှိသူများ အတွက် ဆိုင်ကယ် သီးသန့် စက်သုံးဆီ အရောင်းဆိုင် ဖွင့်လှစ်ရန် အခန်းဖွင့် ပေ(၄ဝx အနောက်ဘက် အကျယ်ပေ ၅ဝ) (စတုရန်းပေ ၂ဝဝဝ) အကျယ်အဝန်း မြေနေရာ နှင့်အတူ သတ်မှတ် စည်းကမ်းများ ပြည့်စုံလျှင် ဖွင့်လှစ်နိုင်ေ ကြာင်း၊ မော်တော်ယာဉ် သီးသန့် အရောင်းဆိုင်ကို အခန်းဖွင့်ပေ ၅ဝ၊အနောက်ပေ ၂ဝဝ (စတုရန်းပေ ၁ဝဝဝဝ) အကျယ်အဝန်း မြေနေရာနှင့် သတ်မှတ် စည်းကမ်းများ  ပြည့်စုံလျှင် တရားဝင် ဖွင့်လှစ်ခွင့်ပြု ပေးသည်ဟု လျှပ်စစ်နှင့် စက်မှုလက်မှု ဝန်ကြီးဌာနမှ သိရသည်။

ရတနာပုံနေ့စဉ်

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page