အင်ဒိုနီးရှားနိုင်ငံရောက် မြန်မာရေလုပ်သား ၁၂၈ ဦး ထပ်မံရောက်ရှိ

ရန်ကုန် ၊ ၁၈-၅-၂၀၁၅

အင်ဒိုနီးရှားနိုင်ငံရှိ ဘန်ဂျီနာကျွန်း၊ တူရယ်ကျွန်း နှင့် ဒိုဘိုကျွန်း တို့တွင် အကြောင်း အမျိုးမျိုးဖြင့် ရောက်ရှိနေသော မြန်မာ ရေလုပ်သား ၁၂၈ ဦးသည် ကမ္ဘောဇဘဏ် အုပ်စုနှင့် MAI လေကြောင်းလိုင်းတို့ ပူးပေါင်း စီစဉ်သည့် စင်းလုံးငှား လေယာဉ် အခမဲ့ဖြင့် ယမန်နေ့ ညပိုင်းတွင် ဒုတိယအသုတ် အဖြစ် ရန်ကုန် အပြည်ပြည် ဆိုင်ရာ လေဆိပ်သို့ ရောက်ရှိလာသည်။

ရောက်ရှိလာသည့် မြန်မာ ရေလုပ်သားများမှာ ရန်ကုန်တိုင်း ဒေသကြီးမှ ၁၅ ဦး၊ ဧရာဝတီတိုင်း ဒေသကြီးမှ ၂ဝ ဦး၊ ပဲခူးတိုင်း ဒေသကြီး (အရှေ့ပိုင်း)မှ ၁၅ ဦးနှင့် ပဲခူးတိုင်း ဒေသကြီး (အနောက်ပိုင်း)မှ နှစ်ဦး၊ တနင်္သာရီတိုင်း ဒေသကြီးမှ ၂ဝ ဦး၊ မန္တလေးတိုင်း ဒေသကြီးမှ တစ်ဦး၊ စစ်ကိုင်းတိုင်း ဒေသကြီးမှ တစ်ဦး၊ မကွေးတိုင်း ဒေသကြီးမှ တစ်ဦး၊ မွန်ပြည်နယ်မှ ၃၁ ဦး၊ ကရင်ပြည်နယ်မှ ၁၂ ဦးနှင့် ရခိုင်ပြည်နယ်မှ ၁ဝ ဦးတို့ဖြစ်သည်။

ဒုတိယအသုတ် ရောက်ရှိလာသော မြန်မာ ရေလုပ်သား ၁၂၈ ဦးကို မြန်မာနိုင်ငံ လူကုန်ကူးမှု တားဆီး နှိမ်နင်းရေး ရဲတပ်ဖွဲ့ (ဗဟို)မှ တစ်ဦးလျှင် ငွေကျပ်တစ်သိန်း၊ ကမ္ဘောဇဘဏ် အုပ်စုမှ တစ်ဦးလျှင် ငွေကျပ် ငါးသောင်း၊ IOM က တစ်ဦးလျှင် ငွေကျပ် တစ်သောင်း၊ ငါးလုပ်ငန်း ဦးစီးဌာနမှ တစ်ဦးလျှင် ငွေကျပ်ငါးထောင် ထောက်ပံ့ ပေးအပ်သည်။

ရန်ကုန်တိုင်း ဒေသကြီး လူမှုဝန်ထမ်း ဦးစီးဌာနမှ လူမှုဝန်ထမ်းအတတ်သင် သိပ္ပံကျောင်း (ကျိုက်ဝိုင်း)တွင် ရေလုပ်သား များအား ခေတ္တစောင့်ရှောက် ထားရှိပြီး ကျန်းမာရေး စစ်ဆေးမှုများ၊ နိုင်ငံသား စိစစ်ရေးကတ်ပြား ရှိ၊ မရှိ မရှိလျှင် ယာယီ ခရီးသွားလာခွင့် ကတ်များ ထုတ်ပေးခြင်း၊ ပြည်တွင်း၌ အလုပ်အကိုင် ရရှိရေးအတွက် ပံ့ပိုးကူညီမှုများ ဆောင်ရွက် ပေးသွားမည် ဖြစ်ကြောင်း လူမှုဝန်ထမ်း ဦးစီးဌာနမှ သိရသည်။

''အင်ဒိုနီးရှား နိုင်ငံဟာ ကျွန်းနိုင်ငံ ဖြစ်ပြီး ကျွန်းအကြီး အသေး စုစုပေါင်း တစ်သိန်း ခုနစ်သောင်း ခန့်ရှိတယ်။ သူတို့နိုင်ငံက လူတွေတောင် ဒီကျွန်းတွေ အတော် များများကို မရောက်ဖူးဘူး။ ဝေးလံခေါင်းပါး တဲ့ကျွန်း တော်တော် များများ ကိုတော့ တရားဥပဒေ စိုးမိုးမှု မရှိကြောင်း သိရပါတယ်။ မြန်မာနိုင်ငံ ရေလုပ်သားတွေက ထိုင်းငါးဖမ်း စက်လှေတွေနဲ့ အင်ဒိုနီးရှား ရေပိုင်နက်ထဲ ရောက်တဲ့ အခါမှာ မြန်မာ စည်းရုံးရေး ပွဲစားတွေက တစ်ဆင့် အင်ဒိုနီးရှား လူကုန်ကူး ဂိုဏ်းကြီး တွေနဲ့ ချိတ်ဆက်မိပြီး ဝေးလံ ခေါင်းပါးပြီး ဆက်သွယ်ရ ခက်ခဲတဲ့ ကျွန်းတွေပေါ်ကို လူကုန်ကူး ခံရတယ်လို့ သိရတယ်'' ဟု မြန်မာနိုင်ငံ လူကုန်ကူးမှု တားဆီး နှိမ်နင်းရေး ရဲတပ်ဖွဲ့မှ ရဲမှူး ရဲဝင်းအောင် က သုံးသပ် ပြောကြားသည်။

မြန်မာ ရေလုပ်သား များအား ပြန်လည် ခေါ်ယူရေး အတွက် အင်ဒိုနီးရှား နိုင်ငံသို့ ဧပြီ ၁၄ ရက်မှ မေ ၃ ရက်အထိ လူကုန်ကူးမှု တားဆီး နှိမ်နင်းရေး ရဲတပ်ဖွဲ့မှ ဒုတိယ ရဲမှူးကြီး ခင်မောင်လတ်၊ လူမှုဝန်ထမ်း ဦးစီးဌာနမှ တာဝန်ရှိ သူများ၊ လူဝင်မှု ကြီးကြပ်ရေးနှင့် အမျိုးသား မှတ်ပုံတင်ရေး ဦးစီးဌာနမှ ကိုယ်စားလှယ်နှင့် အင်ဒိုနီးရှား သံရုံးမှ တာဝန်ရှိ သူများ၊ အလုပ်သမား သံအရာရှိများ ပူးပေါင်းကာ သတင်းရရှိရာ ကျွန်းများသို့ စုံစမ်း စစ်ဆေးမှုများ ပြုလုပ်ခဲ့သည်။

ဘန်ဂျီနာကျွန်း၊ တူရယ်ကျွန်း နှင့် ဒိုဘိုကျွန်း တို့တွင် အများဆုံး တွေ့ရှိရပြီး ဒယ်နီကျွန်း၊ အမ်ဘိုကျွန်း တို့တွင်လည်း လူကုန်ကူးခံ မြန်မာ ရေလုပ်သားများ စစ်ဆေး တွေ့ရှိခဲ့ရာ စုစုပေါင်း ၅၃၅ ဦးရှိကြောင်း သိရသည်။

ထို့ပြင် ဝေးလံ ခေါင်းပါးသည့် ကျွန်းများ၌လည်း ရှိနေနိုင် သေးကြောင်း တာဝန်ရှိ သူများ၏ သုံးသပ်ချက်များ အရ သိရသည်။

ကျန်ရှိ နေသေးသော အင်ဒိုနီးရှား နိုင်ငံရောက် လူကုန်ကူးခံ ရေလုပ်သား များကို မေ ၂၂ ရက်တွင် တတိယ အသုတ်အဖြစ် ကမ္ဘောဇဘဏ် အုပ်စုမှ MAI လေကြောင်းလိုင်းနှင့် ပူးပေါင်းကာ လေယာဉ် တစ်ခေါက်လျှင် အမေရိကန် ဒေါ်လာ တစ်သိန်းကျော် အကုန်အကျ ခံပြီး လေယာဉ် စင်းလုံးငှား အခမဲ့ ခေါ်ဆောင် ပေးမည်ဖြစ်ကြောင်း MAI လေကြောင်းလိုင်းမှ တာဝန်ရှိသူ မအေးမရသာ ထံက သိရသည်။

ယမန်နေ့ည ဒုတိယအသုတ် အဖြစ် ရောက်ရှိ လာသော မြန်မာ ရေလုပ်သား များအား လူကုန်ကူးမှု တားဆီး နှိမ်နင်းရေး ရဲတပ်ဖွဲ့မှ တပ်ဖွဲ့မှူး ရဲမှူးချုပ် ဝင်းနိုင်၊ ရန်ကုန်တိုင်း ဒေသကြီး လူမှုဝန်ထမ်း ဦးစီးဌာနမှ တိုင်းဦးစီးမှူး နှင့် တာဝန်ရှိသူများ၊ လူကုန်ကူးခံ ရေလုပ်သား များ၏ မိသားစုဝင် များက ရန်ကုန် အပြည်ပြည် ဆိုင်ရာ လေဆိပ်တွင် ကြိုဆိုခဲ့ကြသည်။

မောင်မျိုး (ဧရာဝတီ)

#Themyawadydaily