စင်ကာပူရေတပ် မှ စစ်ရေယာဉ် RSS Endeavour (210) မြန်မာနိုင်ငံမှ ပြန်လည်ထွက်ခွာရာ တပ်မတော်(ရေ)မှ အရာရှိကြီးများနှင့် အရာရှိ ၊ စစ်သည် ၊ မိသားစုများက ပို့ဆောင် နှုတ်ဆက်စဉ်
ရန်ကုန် ၊ ၂၀-၉-၂၀၁၄
စင်ကာပူရေတပ် ဗိုလ်လောင်း များအား ပင်လယ်ပြင် လက်တွေ့ လေ့ကျင့်ခန်းများ လေ့ကျင့် ဆောင်ရွက်ရန် နှင့် နှစ်နိုင်ငံ ရေတပ်များအကြား ချစ်ကြည် ရင်းနှီးမှု ရရှိစေရန် ရည်ရွယ်၍ Midshipman Sea Training
Deployment 2/2014 ခရီးစဉ် အဖြစ် ရောက်ရှိနေသော စင်ကာပူ ရေတပ်မှ Landing Platform Dock (LPD) အမျိုးအစား စစ်ရေယာဉ် RSS Endeavour (210) သည် ယမန်နေ့ နံနက် ၈ နာရီ ၄၅ မိနစ်တွင် သန်လျင် (သီလဝါ) MITT ဆိပ်ကမ်းမှ ပြန်လည် ထွက်ခွာရာ တပ်မတော်(ရေ ) မှ အရာရှိကြီးများ နှင့် အရာရှိ၊ စစ်သည်၊ မိသားစုများက ပို့ဆောင် နှုတ်ဆက် ကြသည်။
အဆိုပါ စစ်ရေယာဉ်တွင် လိုက်ပါလာ သော အရာရှိ၊ စစ်သည်များ သည် စက်တင်ဘာ ၁၅ ရက်မှ ၁၉ ရက်အထိ ၅ ရက်ကြာ ချစ်ကြည်ရေး ခရီးစဉ် အတွင်း နှစ်နိုင်ငံ ရေတပ် ချစ်ကြည်ရေး အားကစား ပြိုင်ပွဲများ ပြုလုပ်ခြင်းနှင့်
သုဝဏ္ဏ အားကစားရုံ သို့ သွားရောက် လေ့လာ ခဲ့ကြကြောင်း သိရှိရသည်။ (၁၀၀)
#Themyawadydaily
.jpg)
No comments:
Post a Comment