အလုပ်အကိုင် အခွင့်အလမ်း နှင့် ဘ၀တန်ဖိုး

အလုပ်အကိုင် အခွင့်အလမ်း နှင့် ဘ၀တန်ဖိုး

ပြည်ထောင်စု သမ္မတ မြန်မာ နိုင်ငံတော် အစိုးရ၏ နိုင်ငံသစ် တည်ဆောက်ရေး လုပ်ငန်းစဉ် များတွင် ပညာရေး ကဏ္ဍ အဆင့် မြှင့်တင်ရေး အတွက် ကျောင်းများ ဥပဓိရုပ် ကောင်းအောင် တည်ဆောက် ပြုပြင်ခြင်း၊ ဆရာ အင်အား တိုးချဲ့ ခန့်ထားခြင်း၊ ပညာရေး ဝန်ထမ်းများအား အဆင့် တိုးမြှင့် ပေးခြင်းနှင့် ကျောင်းနေအရွယ် ကလေးများ အားလုံး ကျောင်းနေနိုင်ရေး တို့ကို တစ်ပြိုင်တည်း ဆောင်ရွက်လျက် ရှိသည်။

အခြေခံပညာ ကဏ္ဍ ဆရာအင်အား တိုးချဲ့ ခန့်ထားရေးတွင် တိုင်းဒေသကြီး များနှင့် ပြည်နယ် အစိုးရအဖွဲ့ များသည် သက်ဆိုင်ရာ ဒေသအလိုက် ၂ဝ၁၄-၂ဝ၁၅ ပညာသင်နှစ် အတွက် နေ့စားလပေး မူလတန်းပြ ဆရာ၊ ဆရာမများ ရာထူး ခန့်ထားရေး လျှောက်လွှာများ ခေါ်ယူလျက် ရှိသည်။ လျှောက်ထား လိုသူများသည် ပြည်ထောင်စု သမ္မတ မြန်မာ နိုင်ငံသား ဖြစ်ရန် လိုအပ်ပြီး ပညာ အရည်အချင်း နှင့် အသက် ကန့်သတ်ချက်များ မှာ Ph.D ဘွဲ့ရသူများ အတွက် အသက် ၄ဝ နှစ်နှင့်အောက် ၊ M.A, M.Sc ဘွဲ့ရသူများ အတွက် အသက် ၃၅ နှစ်နှင့် အောက်၊ တက္ကသိုလ်ဝင်တန်း အောင်မြင်ပြီး သူများနှင့် နဝမတန်း အောင်မြင်ပြီး သူများအတွက် အသက် ၂၅ နှစ် မကျော်လွန် သေးသူများ လျှောက်ထား နိုင်သည်။ အသက် ကန့်သတ်ချက် ရက်စွဲမှာ သက်ဆိုင်ရာ တိုင်းဒေသကြီး များနှင့် ပြည်နယ်များ အလိုက် ကွာခြားမှု ရှိကြောင်း တွေ့ရသည်။ တက္ကသိုလ် ဝင်တန်း အောင်မြင်ပြီး သူများနှင့် နဝမတန်း အောင်မြင်ပြီး သူများသည် အသက် ၂၅ နှစ် မကျော်လွန် သေးသူများ လျှောက်ထား နိုင်သည့် အခွင့်အလမ်းသည် လူငယ်လူရွယ်များ အလုပ်အကိုင် ရရှိရေးအတွက် အခွင့်အလမ်း ကောင်း တစ်ရပ် ဖြစ်သည်။ အထူးသဖြင့် တက္ကသိုလ်ဝင်တန်း အောင်မြင်ပြီး အဝေးသင် တက္ကသိုလ် ဆက်တက် လိုသူများမှာ ဝင်ငွေရ အလုပ်အကိုင် မရှိသဖြင့် ပညာဆက် မသင်နိုင်၊ ပညာဆက် မသင်နိုင်၍ ဘွဲ့မရသဖြင့် အလုပ်အကိုင် မရနိုင်သော သံသရာလည် နေသူများ အတွက် အခွင့်အလမ်း ကောင်းဖြစ်သည်။

အလုပ်အကိုင် အခွင့်အလမ်း အခြေအနေ လေ့လာ သူများ၏ ဆန်းစစ်ချက် အရ အလုပ်လက်မဲ့ အခြေအနေ များမှာ အလုပ်ရွေး နေသူများ၊ လက်ရှိ အလုပ်မှ နုတ်ထွက်၍ အခွင့်အလမ်း ပိုကောင်းသော အလုပ်တစ်ခုသို့

ကူးပြောင်းရန် စောင့်ဆိုင်း နေသူများ၊ တစ်ဦးတည်း လုပ်ကိုင်၍ လုပ်ငန်း လည်ပတ် နိုင်သော လုပ်ငန်းတစ်ခု တည်းတွင် မိသားစုဝင် အားလုံး ဝင်ရောက် လုပ်ကိုင် နေကြခြင်းကြောင့် ပြုန်းတီး နေသော အပို လုပ်အားများ စသည်ဖြင့် အမျိုးမျိုး တွေ့ရသည်။

၂ဝ၁၃-၂ဝ၁၄ ပညာသင်နှစ် က ခန့်ထားခဲ့သော နေ့စားလပေး မူလတန်းပြ ဆရာ၊ ဆရာမများအား မြို့နယ် အခြေပြု မူလတန်း ဆရာအတတ်ပညာ အထူးမွမ်းမံ သင်တန်းများကို ယခုဧပြီလ တတိယရက် သတ္တပတ် မှစ၍ မြို့နယ်အလိုက် ဖွင့်လှစ် သင်ကြား ပေးလျက် ရှိရာ သင်တန်း ကာလမှာ တစ်လ ကြာမြင့်မည် ဖြစ်သည်။

၂ဝ၁၃-၂ဝ၁၄ ပညာသင်နှစ် တွင် တစ်နိုင်ငံလုံး အတိုင်းအတာဖြင့် နေ့စားလပေး ဆရာ၊ ဆရာမ ၂၉၃၅၃ ဦး ခန့်ထား ပေးခဲ့ပြီး သင်တန်း များပြီးဆုံးသွား ပါက အမြဲတမ်း ပညာရေး ဝန်ထမ်းအဖြစ် ခန့်အပ် သွားမည် ဖြစ်ကြောင်း ပညာရေး စီမံကိန်းနှင့် လေ့ကျင့်ရေး ဦးစီးဌာနမှ သိရသည်။ မကြာမီ စတင် ဖွင့်လှစ်တော့မည် ဖြစ်သော ၂ဝ၁၄-၂ဝ၁၅ ပညာသင်နှစ် အတွက် တစ်နိုင်ငံလုံးရှိ မူလတန်းကျောင်း များတွင် ဆရာ၊ ဆရာမ အင်အား တိုးချဲ့ ခန့်ထားရန် လျာထားရာ တိုင်းဒေသကြီး များနှင့် ပြည်နယ်များ အလိုက် လိုအပ်ချက် နေ့စားလပေး ဆရာ၊ ဆရာမများ ဆက်လက် ခန့်ထား ပေးသွားမည် ဖြစ်သည်။

သို့ဖြစ်၍ သတ်မှတ်ချက် များနှင့် ကိုက်ညီသော နေ့စားလပေး မူလတန်းပြ ဆရာ၊ ဆရာမ တာဝန် ထမ်းဆောင် လိုသူများသည် အလုပ်အကိုင် အခွင့်အလမ်းကို အမိအရ ဆုပ်ကိုင်၍ လောကတွင် အနန္တ ဂိုဏ်းဝင် ဆရာဘဝ ကို တန်ဖိုးထား နားလည် ကြပါရန် တိုက်တွန်း နှိုးဆော် လိုက်ရ ပါသည်။ ။

( အယ်ဒီတာ့အာဘော် )

#Themyawadydaily