www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Friday, September 7, 2018

ပေါင်မြို့နယ် ရန်ကုန်-မော်လမြိုင်ကားလမ်းတွင် ယာဉ်သုံးစီး ဆင့်တိုက်မှုဖြစ်ပွား၍ လူသုံးဦးဒဏ်ရာရ


ပေါင် ၇-၉-၂ဝ၁၈

မွန်ပြည်နယ် ပေါင်မြို့နယ် ဘန့်ဘွေး ကုန်းကျေးရွာ ရန်ကုန်မော်လမြိုင် ကားလမ်းတွင် စက်တင်ဘာ ၅ ရက်က ယာဉ်သုံးစီး ဆင့်တိုက်မှု ဖြစ်ပွားခဲ့ရာ လူသုံးဦး ဒဏ်ရာရရှိ ခဲ့ကြောင်း ပေါင်မြို့မ ရဲစခန်းမှ သိရသည်။

ရန်ကုန်ဘက်မှ မော်လမြိုင်ဘက်သို့ ယာဉ်မောင်း ကျော်မင်းထက် ပဲခူးမြို့နေသူ မောင်းနှင်လာသော Fuso အမျိုးအစား ၁၂ဘီးယာဉ်သည် ရှေ့မှ သွားနေသော ယာဉ်မောင်း ဦးချစ်သိန်း မောင်းနှင်သည့် လိုက်ထရပ်ယာဉ်ကို ဝင်ရောက် တိုက်မိခဲ့သဖြင့် အဆိုပါ လိုက်ထရပ် ယာဉ်က ၎င်းရှေ့တွင် သွားနေသည့် ယာဉ်မောင်း မောင်တူးမောင်းနှင်သော Nissan Clipper ယာဉ်ကို ထပ်မံတိုက်မိမှု ဖြစ်ပွားခဲ့ကြောင်း သိရသည်။

အဆိုပါ ယာဉ်တိုက်မိမှုကြောင့် လိုက်ထရပ် ယာဉ်ပေါ် ပါခရီးသည် ဒေါ်မြညွန့်နှင့် Nissan Clipper ယာဉ်ပေါ်ပါ မအေးအေးမြင့်၊ မသီတာဝင်းတို့တွင် ဒဏ်ရာ(မစိုးရိမ်ရ) များ အသီးသီးရရှိခဲ့ကြောင်း သိရသည်။

ဖြစ်စဉ်နှင့် ပတ်သက်၍ ယာဉ်မောင်း ကျော်မင်းထက်ကို ပေါင်မြို့မရဲစခန်းက ယာဉ် (ပ)၅၉/၂ဝ၁၈၊ ရာဇသတ်ကြီးပုဒ်မ-၃၃၇/ ၂၇၉ ဖြင့် အမှုဖွင့်စစ်ဆေး ဆောင်ရွက်လျက် ရှိကြောင်း သတင်းရရှိသည်။

# မြဝတီနေ့စဉ်သတင်းစာ

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page