တပ်မတော်သားများနှင့် ဌာနဆိုင်ရာ အဖွဲ့ဝင်များက လမ်းရေကျော်မှုများဖြစ်ပေါ်လျက်ရှိသည့် နေရာ၌ခရီးသည်နှင့် ကုန်ပစ္စည်းများအားသယ်ယူ ပို့ဆောင်ခြင်းများ ဆောင်ရွက်ပေးစဉ်။
နေပြည်တော် ၁-၈-၂ဝ၁၈
ရှမ်းပြည်နယ် (မြောက်ပိုင်း) လားရှိုးမြို့၌ ဇူလိုင် ၂၈ရက်မှစတင်၍ မိုးသည်းထန်စွာ ရွာသွန်းပြီး နမ့်မျှော်-မိုင်းယော်-မိုင်းကျက် ကားလမ်းရေကျော်မှု များကြောင့် ခရီးသွား ပြည်သူများနှင့် ဒေသခံပြည်သူများ သွားလာရေး အခက်အ ခဲများဖြစ်ပေါ်လျက်ရှိရာ ယနေ့တွင် အရှေ့မြောက်တိုင်း စစ်ဌာနချုပ် လားရှိုးတပ်နယ်မှ တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များနှင့် မီးသတ်တပ်ဖွဲ့ဝင်များက ခရီးသည်နှင့် ကုန်ပစ္စည်းများကို ဖိုက်ဘာလှေများဖြင့် သယ်ယူ ပို့ဆောင်ခြင်းများ ဆောင်ရွက်ပေးသည်။
လမ်းရေကျော်မှုများ ဖြစ်ပေါ်လျက်ရှိသည့် နမ့်မျှော်-မိုင်းယော်-မိုင်းကျက် ကားလမ်းရှိ မိုင်တိုင်အမှတ်(ဝ/၁-ဝ/၂)ကြား၊ မိုင်တိုင်အမှတ်(ဝ/၃-ဝ/၄) ကြားနှင့် မဲလုံးတံတားအဝင်၊ အထွက်လမ်းတို့၌ ရေအနက်သုံးပေမှ ငါးပေခန့်နှင့် ရေပြင်အကျယ် ပေ ၃ဝဝမှ ၅ဝဝခန့်ထိ ရေကျော်မှုများ ဖြစ်ပေါ်လျက်ရှိရာ မော်တော်ယာဉ် သွားလာမှုများ ရပ်ဆိုင်းခဲ့ပြီး အဆိုပါနေရာများ၌ တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များနှင် မီးသတ်တပ်ဖွဲ့ဝင်များက ခရီးသည်များနှင့် ကုန်ပစ္စည်းများကို ဖိုက်ဘာလှေများဖြင့် သယ်ယူရွှေ့ပြောင်း ပို့ဆောင်ပေးပြီး လိုအပ်သည့်ကူညီ ကယ်ဆယ်ရေး လုပ်ငန်းများ ဆောင်ရွက်ပေးသည်။
ယင်းသို့ဆောင်ရွက် ပေးနေမှုများကို တိုင်းမှူး ဗိုလ်ချုပ်အောင်ဇော်အေးနှင့် အဖွဲ့ဝင်များက သွားရောက်ကြည့်ရှု၍ လိုအပ်သည်များ ညှိနှိုင်းဆောင်ရွက် ပေးခဲ့ကြောင်း သတင်းရရှိသည်။
#Themyawadydaily
.jpg)
No comments:
Post a Comment