www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Tuesday, January 24, 2017

ပြည်ပမှ ပုသိမ်ထီးဝယ်လိုအား ထုတ်လုပ်မှု၏ ထက်ဝက်ကျော် မြင့်မားလာ



ရန်ကုန် ၊ ၂၄-၁-၂၀၁၇

ဧရာဝတီတိုင်း ဒေသကြီး ပုသိမ်မြို့၏ ထုတ်ကုန်တစ်ခု ဖြစ်သည့် ပုသိမ်ထီးများကို ပြည်ပနိုင်ငံများမှ ပို၍ဝယ်ယူ နေသဖြင့် ထုတ်လုပ်မှု၏ သုံးပုံနှစ်ပုံခန့်ကို ပြည်ပဈေးကွက် များသို့ တင်ပို့ရောင်းချ နေရကြောင်း ပုသိမ်ထီး ထုတ်လုပ်ရောင်းချ နေသူများနှင့် ပြည်ပပို့ကုန် လုပ်ငန်းရှင်များ ထံမှ သိရသည်။

ပြည်တွင်းဈေးကွက် များတွင် ပုသိမ်ထီးများကို ငွေဆောင်၊ ချောင်းသာ၊ ငပလီကမ်းခြေဒေသ ဟိုတယ်များနှင့် နေပြည်တော်၊ ရန်ကုန်၊ မန္တလေး၊ တောင်ကြီး၊ မော်လမြိုင် မြို့တို့ရှိ ဟိုတယ်များ၌ အလှဆင်ရန် ဝယ်ယူနေကြပြီး ရှင်ပြုနားသ အလှူမင်္ဂလာ ပွဲများနှင့် မင်္ဂလာဆောင်တွင် လက်ဖွဲ့ပြန်ပေးရန် အော်ဒါ မှာယူလျက် ရှိသည်။

ထို့ပြင် ပုသိမ်ထီးကို မကွေး၊ ပဲခူး၊ မော်လမြိုင်၊ ဘားအံမြို့တို့မှတစ်ဆင့် မှာယူနေကြပြီး ပြည်ပဈေးကွက် အဖြစ် ဂျာမနီ၊ ပြင်သစ်၊ နယူးဇီလန်၊ သြစတြေးလျ၊ အီတလီ နှင့် အမေရိကန်နိုင်ငံ တို့ကလည်း မှာယူလျက် ရှိသည်။

ပုသိမ်ထီးကို ဘုန်းကြီးဆောင်းထီး၊ ကိုရင်ဆောင်းထီး၊ သီလရှင် ဆောင်းထီး၊ အမျိုးသမီး ဆောင်းထီး၊ ကလေး ဆောင်းထီး၊ အလှဆောင်းထီး ဟူ၍ အမျိုးမျိုး ထုတ်လုပ်ရောင်းချ နေပြီး ပုသိမ်ထီး ဈေးနှုန်းမှာ တစ်လက်လျှင် ငွေကျပ်၂ဝဝဝ မှ ငွေကျပ် တစ်သိန်းကျော် အထိရှိသည်။

ပုသိမ်မြို့ရှိ ပုသိမ်ထီးပင်ရင်း ဈေးကွက် မှ နှစ်စဉ် ဂျာမနီနိုင်ငံသို့ ခြောက်ပေ၊ ရှစ်ပေ ဟိုတယ်သုံး ထီးအလက်ရေ ၄ဝဝ မှ ၅ဝဝ ကြားကို ပင်လယ်ရေကြောင်း မှတင်ပို့ ရောင်းချလျက်ရှိပြီး လိမ္မော်ရောင်၊ နီညိုရောင်၊ မော်ဒယ်စိမ်းရောင် မှာ လူကြိုက်များပြီး အဝါ၊ အဖြူ၊ အနီ၊ အစိမ်းရောင် နှင့် တခြားအရောင် များကိုလည်း ပြုလုပ်ကာ ရောင်းချပေး နေရကြောင်း သိရသည်။

မြ၀တီနေ့စဉ်သတင်းစာ ၊ စာ(၂၄)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page