www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Monday, June 6, 2016

အနော်ရထာလမ်း ၊ ပြည်လမ်းနှင့် ကမ္ဘာအေးဘုရားလမ်း တို့ရှိ လမ်းလယ်ကွန်ကရစ်တုံးများ နေရာတွင် ပန်းခုံများ ပြုလုပ်သွားမည်



ရန်ကုန် ၊ ၆-၆-၂၀၁၆

ရန်ကုန်မြို့ အတွင်း မေလ နောက်ဆုံးပတ် မှ စတင်ဖယ်ရှား ခဲ့သော အနော်ရထာလမ်း အပါအဝင် ပြည်လမ်းနှင့် ကမ္ဘာအေးဘုရား လမ်းတို့ရှိ လမ်းလယ် ကွန်ကရစ်တုံးများ နေရာ၌ Flower Box (ပန်းခုံ)များ ပြုလုပ် သွားမည် ဖြစ်ကြောင်း အမှတ်(၂) ယာဉ်ထိန်း ရဲတပ်ဖွဲ့ခွဲမှူးရုံး မှ သိရသည်။

''ဖယ်ရှားလိုက်တဲ့ ကွန်ကရစ်တုံး တွေ နေရာမှာ Flower Box တွေ ပြုလုပ်မှာပါ။ အဓိကနေရာ ဖြစ်တဲ့ အနော်ရထာ လမ်းကို အရင် လုပ်ခဲ့တာပါ။ ပြည်လမ်းနဲ့ ကမ္ဘာအေး ဘုရားလမ်း မှာရှိတဲ့ ကွန်ကရစ်တုံး တွေကို ထပ်ပြီးဖယ်ဖို့ တိုင်းဒေသကြီး အစိုးရကို တင်ပြ ထားပါတယ်'' ဟု အမှတ်(၂) ယာဉ်ထိန်း ရဲတပ်ဖွဲ့ခွဲမှူးရုံး မှ ဒုတိယရဲမှူး အောင်ကိုဦး က ပြောသည်။

အဆိုပါ လမ်းလယ် ကွန်ကရစ်တုံးများ ပြန်လည် ဖယ်ရှားခြင်းကို လေ့လာမှု ပြုလုပ်ပြီးမှသာ လိုအပ်ချက်ကို တိုင်းဒေသကြီး အစိုးရအား တင်ပြခြင်း ဖြစ်ပြီး အဆင့်ဆင့် ဆောင်ရွက်မှု အနေဖြင့် သုဓမ္မာ လမ်းမကြီးနှင့် ကမ်းနားလမ်း တို့၌ လမ်းလယ် ကွန်ကရစ်တုံးများ ရှိနေ သေးပြီး လိုအပ်ပါက ဆက်လက် ဖယ်ရှား သွားမည် ဖြစ်ကြောင်း သိရသည်။

လက်ရှိ ဖယ်ရှားထားသည့် နေရာ၌ လမ်း၏ ခံနိုင်ရည် နည်းပါးမှုကြောင့် ချိုင့်ခွက်များ ဖြစ်၍ လမ်းများ ပျက်စီးနေပြီး ယာဉ်မောင်း မကျွမ်းကျင်လျှင် ယာဉ် မတော်တဆမှု ဖြစ်ပွားမည်ကို စိုးရိမ်ရကြောင်း၊ လမ်းများ ပျက်စီးနေမှု ကို ပြုပြင်ပေးရန် တိုင်းဒေသကြီး အစိုးရအဖွဲ့ ထံသို့ တင်ပြမည် ဖြစ်ကြောင်း သိရသည်။

ထို့ပြင် ဆောက်လုပ်ပြီးစီး ထားသည့် ခုံးကျော်တံတား အဆင်းတွင် လမ်းကူးသူနှင့် ယာဉ်သွားလာမှု အဆင်ပြေ စေရန် စတီး သံဆန်ခါတန်း များ တပ်ဆင် သွားမည်ဖြစ်ပြီး တိုင်းဒေသကြီး အစိုးရအဖွဲ့ ၏ ခွင့်ပြုချက် ရပါက စတင်ပြုလုပ် သွားမည် ဖြစ်ကြောင်း အမှတ်(၂) ယာဉ်ထိန်းရဲ တပ်ဖွဲ့ခွဲမှူးရုံး မှ သိရသည်။ (၄၄၇)

မြ၀တီနေ့စဉ် ၊ စာ(၆)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page