www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Tuesday, May 17, 2016

Gutter Oil ( မြောင်းဆီ )



( KSL )

မြောင်းဆီဆိုတဲ့ အထဲမှာ ရေဆိုးမြောင်း တွေကနေ ခပ်ယူတဲ့ ဆီတွေပါ သလို စားသောက်ဆိုင်၊ ဟိုတယ်တွေက အသုံးပြုပြီး စွန့်ပစ်ဆီတွေ၊ စားသောက်ကုန် စက်ရုံတွေကနေ အသုံးပြုပြီး စွန့်ပစ်ဆီတွေ အားလုံးပါဝင် နေတတ်တယ်။ စွန့်ပစ်ဆီတွေမှာ ပါလာတဲ့ အမှိုက်အဖတ်တွေ ဖယ်ရှား၊ အပူပေး ဆူပွက်စေပြီး အပေါ်ယံ ဝေ့တက်လာတဲ့ ဆီတွေကို ခပ်ယူပြီး Refine စက်ရုံ တချို့ကို ရောင်းကြတယ်။ အဲဒီအခါ စက်ရုံကြီးတွေက မည်းနက်နံစော် နေတဲ့ ဆီတွေကို Recycle Refining လုပ်ပြီး တချို့ကို စားသုံးဆီ ( Cooking Oil ) အဖြစ် တရားမဝင် ရောင်းချကြ တာပါ။ 

တရားဝင် လုပ်ငန်းအနေနဲ့ Biofuel ဆပ်ပြာဆီ စသဖြင့် လူသုံးကုန်နဲ့ တိရစ္ဆာန် အစာလုပ်ငန်း တွေမှာ အသုံးပြုဆီ အဖြစ် ထုတ်လုပ် ရောင်းချခွင့်ကို တရုတ်နိုင်ငံမှာ ခွင့်ပြုထားတယ်။

Cutter Oil ပြဿနာကို တခြားတိုင်းပြည် တွေမှာ တွေ့ရခဲပေမယ့် တရုတ်နိုင်ငံနဲ့ ထိုင်ဝမ်မှာတော့ အဖြစ်များ တာကို တွေ့ရတယ်။ ဒါကြောင့် ပြည်ပနိုင်ငံကြီး တချို့က သူတို့ နိုင်ငံသားတွေ တရုတ်နဲ့ ထိုင်ဝမ်ကို အလည်အပတ် သွားရင် လမ်းဘေးက အစားအစာတွေ မစားဖို့ တားမြစ် ကြေညာ ရတဲ့ထိ ဖြစ်လာတယ်။

တရုတ်နိုင်ငံနဲ့ထိုင်ဝမ်က လမ်းဘေး စားသောက်ဆိုင် တွေနဲ့ တချို့ စားသောက်ဆိုင်ကြီး တွေကလဲ ဈေးနှုန်း သက်သာတဲ့ မြောင်းဆီ ( Cutter Oil ) ကို ဝယ်ယူသုံးစွဲမှုတွေ ရှိလာပါတယ်။ မြောင်းဆီ ပြုတ်ပြီး အကြမ်းကို တစ်တန် ဒေါ်လာ ၃ဝဝ လောက်နဲ့ စက်ရုံတွေက ဝယ်ယူ၊ အရောင် အနံ့ သန့်စင်ပြီး ( Refined ) တစ်တန် ဒေါ်လာ ၇ဝဝ လောက်နဲ့ စားသုံးဆီ အဖြစ် ရောင်းချတတ် ကြတယ်။ (တစ်ဒေါ်လာ ငွေကျပ် ၁၃ဝဝ နဲ့ တွက်ချက်ရင် တစ်ပိဿာ ငွေကျပ် ၁၅ဝဝ လောက် ရှိပါတယ်။ ဒါဟာ လက်လီဈေးကွက် ကရတဲ့ သတင်းကို အခြေခံ တွက်ချက်တာ ဖြစ်တယ်။ လက်ကားဈေး ကတော့ ဒီထက် နည်းနိုင်တယ်။) ဒီလိုဈေးနှုန်း သက်သာပြီး အကြော်ဆီ အဖြစ်နဲ့ရော မုန့်လုပ်ငန်းသုံးဆီ အဖြစ်ပါ သုံးရ အဆင်ပြေတဲ့ အတွက် တရုတ်နိုင်ငံမှာ အသုံးများ လာပါ တော့တယ်။

Cutter Oil ကို ဘယ်လိုပဲ အဆင့်မြင့် နည်းပညာတွေ အသုံးပြု ထုတ်လုပ်ပါစေ လူ့ရဲ့ ကျန်းမာရေး ကို ဆိုးဆိုးရွားရွားစွာ ထိခိုက်စေနိုင်တဲ့ ဓာတုဗေဒ ဖြစ်စဉ် ပြောင်းလဲမှု တွေကို သိပ္ပံပညာရှင် တွေနဲ့ ဆရာဝန်တွေက အသေးစိတ် လေ့လာတင်ပြ လာကြတယ်။ ( Professor Ding Hongbin , Dalian University of Technology , in northeastern China) ဒါကြောင့် တရုတ် အစိုးရက ဥပဒေ ထုတ်ပြန်ပြီး တားမြစ်အရေးယူ ဆောင်ရွက် လာခဲ့တယ်။

၂ဝ၁၁ ခုနှစ် စက်တင်ဘာ ၁၃ ရက်က AP သတင်းမှာ လူ ၃၂ ယောက်ကို တရုတ် ရဲဌာနက မြောင်းဆီ လုပ်ငန်းနဲ့ ပတ်သက်ပြီး အရေးယူ ဖမ်းဆီးခဲ့တယ်။ မြောင်းဆီ တန် ၁ဝဝ လောက်ကို နိုင်ငံတစ်ဝန်းက သိမ်းဆည်းရမိ ခဲ့တယ်လို့ ဖော်ပြခဲ့တယ်။ တရုတ် နိုင်ငံ ကျန်းမာရေး ဌာနကလဲ စက်ရုံ ခြောက်ရုံနဲ့ ကုမ္ပဏီကြီး (Jinan Green Bio Oil Co.,Ltd) တစ်ခုကို အရေးယူ ဆောင်ရွက် ခဲ့တယ်။

ဒီလို ဆက်တိုက် အရေးယူ ဆောင်ရွက်နေ ပေမယ့်လဲ ဝိသမ လောဘသမား တွေကတော့ လုပ်နေကြဆဲ ပါပဲ။ ဒါကြောင့် တရုတ်နဲ့ ထိုင်ဝမ်မှာ စားသောက်ကုန် အတု ပြဿနာတွေ မကြာမကြာ ဖြစ်နေတာ တွေကို youtube မှာ သတင်း Video တွေ ရှာကြည့်ရင် တွေ့နိုင်တယ်။ (ကြက်ဥအတု၊ အေးခဲ အသားအတု၊ အမဲသားအတု .....)

ဘယ်လိုခွဲခြားကြမလဲ

တကယ်တော့ အလွယ်တကူ ခွဲခြားဖို့ ဆိုတာ ခက်ခဲပါတယ်။ မြောင်းဆီမှာ သာမန် စားသုံးဆီ တွေထက် ပြည့်ဝဆီနဲ့ ဆီသား မှုန်စေတတ်တဲ့ သတ္တုဓာတ်တွေ ပိုမို ပါဝင်တယ်။ မြောင်းဆီကို ထွင်းဖောက် မြင်နိုင်ပြီး ကြည်လင်တဲ့ ဖန်ခွက်တစ်ခု ထဲမှာ ထည့်မယ်။ တူညီတဲ့ တခြား ဖန်ခွက်တစ်ခု မှာ တခြား ကောင်းတဲ့ စားသုံးဆီ ( ပဲဆီ ဒါမှမဟုတ် နှမ်းဆီ စသဖြင့်) ထည့်မယ်။ အဲဒီဖန်ခွက် နှစ်ခုလုံးကို အပူချိန် ၅ ဒီဂရီ စင်တီဂရိတ်ထိ လျှော့ချ အအေးခံ ရမယ်။ လိုအပ်ရင် သုည ဒီဂရီ စင်တီဂရိတ် ထိ လျှော့ချရပါ လိမ့်မယ်။ အဖြူရောင် တိမ်ခိုးတွေလို ဖြစ်ပြီး အရင်ဆုံး မှုန်ဝါးသွားတဲ့ ဆီက မြောင်းဆီပါ။ ဒီနေရာမှာ သတိပြုစရာ သုံးချက်ရှိတယ်။
  • ၁။ တခြား ဆီကောင်းဆိုတဲ့ နေရာမှာ အရောအနှော ကင်းပြီး သန့်ဖို့လိုမယ်။ ဖြစ်နိုင်ရင် ပြည်ပနိုင်ငံတွေက တရားဝင် တင်သွင်းတဲ့ Refined Oil တွေကို အသုံးပြု စမ်းသပ် သင့်တယ်။
  • ၂။ အပူချိန် မှတ်သားမှု တိကျ သေချာဖို့ လိုမယ်။ ရေခဲသေတ္တာရဲ့ အပူချိန် လျှော့ချ ပေးနိုင်မှု ကို ကြိုတင်လေ့လာ စမ်းသပ် ထားသင့်တယ်။
  • ဥပမာ- ရေခဲသေတ္တာထဲ ထည့်ပြီး အချိန် ဘယ်လောက်ကြာရင် အပူချိန် ဘယ်လောက်ရောက်သွား နိုင်တယ် ဆိုတာမျိုးပါ။
  • ၃။ မြောင်းဆီ ထုတ်လုပ်သူ တွေဟာ တခြားဆီ တွေနဲ့ ရောနှောမှုတွေ ရှိတတ်တာကြောင့် တခြားဆီကောင်း ပါဝင်မှု များရင် များသလို စမ်းသပ်မဲ့ ဆီဟာ ကောင်းနေတတ် တယ်။ ဒါ့ပြင် မဂ္ဂနီစီယမ် ဓာတုပစ္စည်း တစ်မျိုးကို အသုံးပြုပြီး ပြည့်ဝဆီ ( Free Fatty Acid ) ကို လျှော့ချ ထားမှုမျိုး ရှိနိုင်တယ်။ ဒါပေမဲ့ Benzopyrene , Aflatoxin , Heavtmetal စတဲ့ ကင်ဆာရောဂါ ဖြစ်စေတတ်တဲ့ အရာတွေကို ဖယ်ထုတ် မပစ်နိုင် တာကြောင့် အထူး သတိပြု သင့်တယ်။ (စားသောက်ကုန် ဆိုင်ရာ ဓာတ်ခွဲခန်း တွေမှာ စမ်းသပ် အဖြေရှာ သင့်တယ်။)

သတင်းတချို့မှာ မြောင်းဆီ ကုန်ကြမ်းတွေကို အထက်က ဖော်ပြပြီး နေရာတွေမှာ တင်မကဘဲ စွန့်ပစ် အသားငါး အပိုင်းအစတွေ၊ အသားဆီတွေ နဲ့ ရက်လွန် အသားတွေ ကပါ ထုတ်လုပ် ရယူနေတယ် လို့ ကြားသိ ရပါတယ်။ ဒါကြောင့် ကျန်းမာရေး ကိုပိုပြီး ဘေးအန္တရာယ် ဖြစ်စေလာတာ သေချာပါတယ်။

မြောင်းဆီ၏ ဘေးအန္တရာယ်များ
  • - အချိန် ကြာမြင့်စွာ စားသုံးပါက အသည်း ပျက်စီးခြင်း၊ အသည်းကင်ဆာ ဖြစ်ခြင်းနှင့် မသန်စွမ်း ကလေးများ မွေးဖွားတတ်ခြင်း။
  • - နှလုံးရောဂါနှင့် ဆီးချိုရောဂါ ဖြစ်စေတတ်သော အခွင့်အလမ်းများ တိုးပွားစေခြင်း
  • - Alzheimer ရောဂါ ဖြစ်စေတတ်ခြင်း။
  • - Benzopyrene ( A yellow Crystalline Aromatic Carcinogenic Hydrocarbon, C20H12) ဟု ခေါ်သည့် ကင်ဆာရောဂါ ဖြစ်စေမှုကို အားပေးမှု မြင့်သော ပစ္စည်းများသည် မြောင်းဆီကို အပူပေးသုံးလေ တိုးပွားလေ ဖြစ်သောကြောင့် အလွန် အန္တရာယ် ကြီးမားသည်။
အဲဒီလို လူသားအားလုံး အတွက် အလွန် အန္တရာယ် ကြီးမားတဲ့ မြောင်းဆီ ( Cutter Oil , တရုတ် အခေါ် Di-gou-you ) ကိုတင်သွင်းတာ၊ ထုတ်လုပ်တာ၊ ရောင်းချတာ၊ ရောစပ် ရောင်းချတာ၊ စားသုံးတာတွေ မပြုလုပ်ကြဖို့ တိုက်တွန်း နှိုးဆော် လိုက်ရပါတယ်။

ရတနာပုံနေ့စဉ် ၊ စာ(၂၃)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page