www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Saturday, January 30, 2016

ကမ်းရိုးတန်းရေကြောင်းဆိုင်ရာ သုတေသနလုပ်ငန်းများကို တောင်ကိုရီးယားနှင့် ပူးပေါင်း ဆောင်ရွက်မည်


ရန်ကုန် ၊ ၃၀-၁-၂၀၁၆

မြန်မာနိုင်ငံ ငါးလုပ်ငန်းကဏ္ဍ ဖွံ့ဖြိုးတိုးတက်ရေး အတွက် ကမ်းလွန်နှင့် ကမ်းရိုးတန်း ရေကြောင်းဆိုင်ရာ သုတေသန လုပ်ငန်းများကို တောင်ကိုရီးယား နိုင်ငံနှင့် ပူးပေါင်းဆောင်ရွက် သွားမည် ဖြစ်ကြောင်း ပို့ဆောင်ရေး ဝန်ကြီးဌာနမှ တာဝန်ရှိသူ တစ်ဦး၏ ပြောကြားချက် အရ သိရသည်။

အဆိုပါ ဆောင်ရွက်မှုကို ယခုနှစ်အတွင်း စတင်မည် ဖြစ်ရာ တောင်ကိုရီးယား နိုင်ငံရှိ ရေကြောင်းပညာ တက္ကသိုလ် အနေဖြင့်လည်း မြန်မာ့ရေကြောင်း အပါအဝင် ငါးလုပ်ငန်း ကဏ္ဍ တိုးတက်ရေး ပါဝင်ဆောင်ရွက် သွားမည် ဖြစ်ကြောင်း၊ ယင်း ရေကြောင်းပညာ တက္ကသိုလ်မှ မြန်မာနိုင်ငံ ငါးသားဖောက် လုပ်ငန်းများ ဖွံ့ဖြိုးတိုးတက် လာစေရေး အတွက် ငါးသားဖောက် လုပ်ငန်း သုတေသန ပြုလုပ်ရန် မြန်မာနိုင်ငံ ငါးလုပ်ငန်း အဖွဲ့ချုပ်သို့ အမေရိကန် ဒေါ်လာ နှစ်သောင်း ပံ့ပိုး ကူညီပေးမည် ဖြစ်ကြောင်း သိရသည်။

ထို့ကြောင့် ငါးသားဖောက် လုပ်ငန်း လေ့လာရေး အတွက် တောင်ကိုရီးယား နိုင်ငံသို့ မြန်မာ ကိုယ်စားလှယ်များ ကိုစေလွှတ်မည် ဖြစ်ကြောင်း၊ ပြည်တွင်း ငါးစားသုံးမှုနှုန်း တိုးတက် လာခြင်းကြောင့် သားငါး ထုတ်လုပ်မှု အပိုင်းများ ဖွံ့ဖြိုးလာစေရေး နှင့် ဘေးအန္တရာယ် ကင်းရှင်းသော အစားအစာများထုတ်လုပ်နိုင်ရေး အတွက် မွေးမြူရေး၊ ရေလုပ်ငန်းနှင့် ကျေးလက်ဒေသ ဖွံ့ဖြိုးရေး ဝန်ကြီးဌာနမှ အကောင်အထည် ဖော်ဆောင် ရွက်လျက် ရှိကြောင်း သိရသည်။

စိုးမိုး

မြ၀တီနေ့စဉ် ၊ စာ(၄)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page