www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Friday, January 29, 2016

မိုးယွင်းကြီးအင်း တောရိုင်းတိရစ္ဆာန် ဘေးမဲ့တောသို့ ၂၀၁၅ ခုနှစ်အတွင်း ပြည်တွင်းပြည်ပ ခရီးသွား ၁၈၅၁၅ ဦး လာရောက်လည်ပတ်ခဲ့




ပဲခူး ၊ ၂၈-၁-၂၀၁၆

မြန်မာနိုင်ငံရှိ ကမ္ဘာ့အကြီးဆုံး ရေတိမ်ဒေသ (Ramsar Site) အဖြစ်၂ဝဝ၅ ခုနှစ် တွင် သတ်မှတ်ခံရသော မိုးယွန်းကြီးအင်း တောရိုင်းတိရစ္ဆာန် ဘေးမဲ့တော သို့ ၂ဝ၁၅ ခုနှစ်တွင် ပြည်တွင်းခရီးသွား ၁၈၂၁၃ ဦး နှင့် ပြည်ပ ခရီးသွား ဧည့်သည် ၃ဝ၂ ဦး စုစုပေါင်း ၁၈၅၁၅ ဦး လာရောက် ခဲ့ကြောင်း မိုးယွန်းကြီးအင်း တောရိုင်း တိရစ္ဆာန် ဘေးမဲ့တော တည်ရှိရာရုံးမှ သိရသည်။

မိုးယွန်းကြီးအင်း တောရိုင်းတိရစ္ဆာန် ဘေးမဲ့တောသို့ ၂ဝ၁၄ ခုနှစ်အတွင်းက ပြည်တွင်း ခရီးသွား ၁၁၂၈ဝ ဦးနှင့် ပြည်ပ ခရီးသွား ဧည့်သည် ၃၃၃ ဦး စုစုပေါင်း ၁၁၆၁၃ ဦး လာရောက်ခဲ့ သဖြင့် ယခုနှစ်တွင် လာရောက်သူ ၇ဝဝဝ နီးပါး ပိုမိုလာရောက် ခဲ့သဖြင့် ယမန်နှစ်ထက် ပြည်တွင်း ခရီးသွား အရေအတွက် သိသိသာသာ မြင့်တက်လာ ခဲ့ရာ နိုင်ငံခြား ခရီးသွားဧည့်သည် အရေအတွက်မှာ လျော့နည်း လာသည်။

မိုးယွန်းကြီးအင်း တောရိုင်း တိရစ္ဆာန် ဘေးမဲ့တော သည် ရန်ကုန်မြို့နှင့် ၆၉ ဒသမ ၂ မိုင်ခန့် ကွာဝေးသည့် ပဲခူးတိုင်း ဒေသကြီး ဘုရားကြီးနှင့် ဝေါမြို့နယ် အတွင်း တည်ရှိပြီး ဧရိယာ စတုရန်းမိုင် ၄ဝ ကျယ်ဝန်းကာ ပွင့်လင်းရာသီ ဖြစ်သည့် စက်တင်ဘာလမှ ဧပြီလအထိ ပြည်တွင်း ပြည်ပခရီးသွား ဧည့်သည်များ လာရောက် လည်ပတ်လေ့ ရှိကြောင်း သိရသည်။

မိုးယွန်းကြီးအင်း တောရိုင်း တိရစ္ဆာန် ဘေးမဲ့တော သည် နိုင်ငံတကာ ရေတိမ်ဒေသ ထိန်းသိမ်းရေး အဖွဲ့ (Ramsar Convention) မှ မြန်မာနိုင်ငံ၌ အရေးကြီး ထိန်းသိမ်းရမည့် နေရာတစ်ခု အဖြစ် ပထမဆုံး သတ်မှတ်ခံထား ရသည့် နေရာဖြစ်ပြီး ဒုတိယမြောက် ရမ်ဆာရေတိမ် ဒေသအဖြစ် ကချင်ပြည်နယ်ရှိ အင်းတော်ကြီး တောရိုင်း တိရစ္ဆာန် ဘေးမဲ့တောကို အတည်ပြု သတ်မှတ်ခဲ့ကြောင်း သိရသည်။ (၄၄၇)

မြ၀တီနေ့စဉ် ၊ စာ(၂၀)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page