www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Monday, December 7, 2015

ပုဂံဒေသ၏ နေ၀င်ချိန်ကို ကြည့်ရှုနိုင်ရန် စူဠာမဏိစေတီဘေး၌ ယဉ်ကျေးမှုအမွေအနှစ်များ မထိခိုက်စေဘဲ နေရာသစ်တစ်ခုအား ဖန်တီးပေးသွားမည်



ရန်ကုန် ၊ ၇-၁၂-၂၀၁၅

ပုဂံဒေသ၏ နေဝင်ချိန်ကို ပြည်တွင်း၊ ပြည်ပခရီးသွား ဧည့်သည်များ အဆင်ပြေစွာ ကြည့်ရှုနိုင်ရန် စူဠာမဏိစေတီ ဘေး၌ ဂျပန် အပြည်ပြည် ဆိုင်ရာ ပူးပေါင်း ဆောင်ရွက်ရေး အေဂျင်စီ (JICA) မှ ယဉ်ကျေးမှု အမွေအနှစ်များ မထိခိုက် စေဘဲ နေရာသစ် တစ်ခုကို ဖန်တီး ပေးသွားမည် ဖြစ်ကြောင်း သိရသည်။

လက်ရှိတွင် ခရီးသွားရာသီ ဖြစ်သဖြင့် ပုဂံဒေသ၏ နေဝင်ချိန်ကို လာရောက် ကြည့်ရှုကြသည့် ခရီးသွား များပြားလာပြီး နေရာ မလုံလောက်သည့် ပြဿနာကို ဖြေရှင်းနိုင်ရန် နေဝင်ချိန် ကြည့်ရှုနိုင်မည့် နေရာသစ် အဖြစ် စူဠာမဏိစေတီ ဘေးရှိ ရေကန်ပေါင်အား နေဝင်ချိန် ကြည့်ရှုနိုင်မည့် အမြင့်သို့ မြှင့်တင်ပေးကာ ယဉ်ကျေးမှု အမွေအနှစ်များ မထိခိုက် စေမည့် ပုံစံမျိုးဖြင့် ပုံဖော်၍ ကန်ပေါင်ပေါ်မှ ကြည့်ရှုနိုင်ရန် စီစဉ်ပေးသွားမည် ဖြစ်ကြောင်း သိရသည်။

''ခရီးသွားရာသီ ဖြစ်တဲ့အတွက် ပုဂံရဲ့ နေဝင်ချိန်ကို ပြည်တွင်း၊ ပြည်ပကနေ လာကြည့်တဲ့ ခရီးသည်တွေ အများကြီး ရှိတဲ့အတွက် နေရာ မလုံလောက်တဲ့ ပြဿနာကို ဖြေရှင်းနိုင် အောင်နေရာသစ် တစ်ခု ဖန်တီးပေးဖို့
လုပ်ဆောင်မှာ ဖြစ်ပါတယ်။ အဲဒါကြောင့် စူဠာမဏိ စေတီဘေးမှာ ရှိတဲ့ ရေကန်ပေါင်ကို နေဝင်ချိန် ကြည့်နိုင်တဲ့ အနေအထား ရောက်အောင် ရှေးဟောင်း အမွေအနှစ်တွေ မထိခိုက် စေတဲ့ ပုံစံမျိုးနဲ့ မြှင့်တင် ပေးသွားဖို့ စီစဉ်ရတာပါ''ဟု ပုဂံဟိုတယ်ဇုန် ဧည့်လမ်းညွှန် အသင်းမှ တာဝန်ရှိသူ တစ်ဦးက ပြောသည်။

လက်ရှိတွင် ပုဂံရှေးဟောင်း ယဉ်ကျေးမှု ဒေသ၏ နေဝင်ချိန်ကို ရွှေဆံတော်ဘုရား၊ ပြဿဒ်ကြီး ဘုရားနှင့် ဧရာဝတီမြစ် အတွင်းမှ လှေများဖြင့် ကြည့်ရှုနိုင်ရန် ခွင့်ပြုပေး ထားပြီး နေ့စဉ် လာရောက် ကြည့်ရှုသူ ထောင်နှင့်ချီ ရှိကြောင်း၊ ပုဂံဒေသ သို့ နိုင်ငံခြားခရီးသွား ဧည့်သည် ဝင်ရောက်မှုမှာ ၂ဝ၁၄ ခုနှစ်အတွင်း ၂၄ဝဝဝဝ ကျော် ဝင်ရောက်ခဲ့ပြီး ၂ဝ၁၅ ခုနှစ်တွင် လူဦးရေ ၂၅ဝဝဝဝ ကျော်အထိ ဝင်ရောက် နိုင်ကြောင်း သိရသည်။ (၄၄၇)

မြ၀တီနေ့စဉ် ၊ စာ(၆)

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger