ပြည်ထောင်စုသမ္မမြန်မာနိုင်ငံတော်
မြန်မာနိုင်ငံ ရင်းနှီးမြှုပ်နှံမှုကော်မရှင်
အမိန့်ကြော်ငြာစာအမှတ် ၂/၂၀၁၄
၁၃၇၅ ခုနှစ် ပြာသိုလပြည့်ကျော် ၉ ရက်
( ၂၀၁၄ ခုနှစ် ဇန်န၀ါရီလ ၂၄ ရက် )
မြန်မာနိုင်ငံ ရင်းနှီးမြှုပ်နှံမှု ကော်မရှင်မှ ခွင့်ပြုမိန့် ရရှိရေး အတွက် ဆောင်ရွက် ရသည့် လုပ်ငန်းစဉ် များကို အများ ပြည်သူတို့ ရှင်းလင်းစွာ သိရှိနိုင်ရန် နိုင်ငံခြား ရင်းနှီးမြှုပ်နှံမှု ဥပဒေ ပုဒ်မ ၅၆ ၊ ပုဒ်မခွဲ (ခ)အရ အပ်နှင်း ထားသော လုပ်ပိုင်ခွင့်ကို ကျင့်သုံး၍ ဤအမိန့် ကြော်ငြာစာကို ထုတ်ပြန် လိုက်သည်။
၁။ မြန်မာနိုင်ငံ ရင်းနှီးမြှုပ်နှံမှု ကော်မရှင်မှ ခွင့်ပြုမိန့် ရရှိရေးအတွက် အဆိုပြုချက်များ တင်ပြရာတွင် ငွေကြေး ကုန်ကျမှု များပြားကြောင်း သတင်းများ ထွက်ပေါ်လျက် ရှိရာ ရင်းနှီးမြှုပ်နှံ သူများနှင့် ကမကထ ပြုသူများ အနေဖြင့် ကော်မရှင်က ဆောင်ရွက်သည့် ခွင့်ပြုမိန့် ထုတ်ပေးခြင်း နှင့် သက်ဆိုင်သော လုပ်ငန်းစဉ် များကို ပွင့်လင်း မြင်သာစွာ သိရှိရန် လိုအပ်လျက် ရှိသည်။
၂။ မြန်မာနိုင်ငံ ရင်းနှီးမြှုပ်နှံမှု ကော်မရှင်မှ ခွင့်ပြုမိန့် ရရှိရေးအတွက် ဆောင်ရွက်သည့် လုပ်ငန်းစဉ် အဆင့်ဆင့်မှာ အောက်ပါ အတိုင်း ဖြစ်ပါသည်-
- (က) သတ်မှတ်ထားသော အဆိုပြုချက် ပုံစံတွင် ရင်းနှီးမြှုပ်နှံသူ သို့မဟုတ် ကမကထ ပြုသူက ရေးသား ဖြည့်သွင်းပြီး ပြည့်စုံသော အဆိုပြုချက် ပြုစုရခြင်း။
- (ခ) အဆိုပြုချက်ကို နေပြည်တော်ရှိ မြန်မာနိုင်ငံ ရင်းနှီးမြှုပ်နှံမှု ကော်မရှင်ရုံး အဖွဲ့သို့ သော် လည်းကောင်း ၊ ရန်ကုန် (ရုံးခွဲ) သို့သော် လည်းကောင်း သွားရောက် တင်ပြရခြင်း နှင့် တင်ပြလာသော အဆိုပြုချက်ကို ကော်မရှင်ရုံး အဖွဲ့ ဝန်ထမ်းများက စာရွက်စာတမ်း ပြည့်စုံမှု ရှိ- မရှိ စိစစ် လက်ခံခြင်း။
- (ဂ) ပြည့်စံသော အဆိုပြုချက် ကို နေပြည်တော် ၌ အပတ်စဉ် ကျင်းပသည့် အဆိုပြုချက် စိစစ်ရေးအဖွဲ့ ( Proposal Assessment Team ) အစည်းအဝေး သို့ တင်ပြ ဆွေးနွေးခြင်း။
- (ဃ) အဆိုပြုချက် စိစစ်ရေးအဖွဲ့ (Proposal Assessment Team ) အစည်းအဝေးက အတည်ပြုလျှင် အဆိုပြုချက် ကို လက်ခံကြောင်း သို့မဟုတ် ငြင်းပယ်ကြောင်း အဆိုပြုချက် တင်သွင်းသူထံ သို့ အကြောင်း ပြန်ကြားခြင်း။
- (င) လက်ခံပြီးသည့် အဆိုပြုချက် နှင့် စပ်လျဉ်း၍ သက်ဆိုင်ရာ တိုင်းဒေသကြီး သို့မဟုတ် ပြည်နယ် အစိုးရအဖွဲ့ သဘောထား နှင့် သက်ဆိုင်ရာ ဝန်ကြီးဌာန သဘောထားများ တောင်းခံခြင်း။
- (စ) သဘောထား မှတ်ချက်များ ပြည့်စုံပါက မြန်မာနိုင်ငံ ရင်းနှီးမြှုပ်နှံမှု ကော်မရှင် အစည်းအဝေးသို့ အဆိုပြုချက် ကို တင်ပြ ဆွေးနွေးခြင်း နှင့် အဆိုပါ အစည်းအဝေး သို့ ရင်းနှီးမြှုပ်နှံသူ သို့မဟုတ် ကမကထ ပြုသူကို ဖိတ်ကြား၍ တက်ရောက် ဆွေးနွေး တင်ပြခွင့် ပြုခြင်း။
- (ဆ) မြန်မာနိုင်ငံ ရင်းနှီးမြှုပ်နှံမှု ကော်မရှင် အစည်းအဝေး က ခွင့်ပြုကြောင်း ဆုံးဖြတ်လျှင် ရင်းနှီးမြှုပ်နှံသူ သို့မဟုတ် ကမကထ ပြုသူထံ ခွင့်ပြုမိန့် ထုတ်ပေးခြင်း။
၃။ မြန်မာနိုင်ငံ ရင်းနှီးမြှုပ်နှံမှု ကော်မရှင်မှ ခွင့်ပြုမိန့် ရရှိရေးအတွက် အပိုဒ် ၂ ပါအတိုင်း အဆင့်ဆင့် ဆောင်ရွက်ရာတွင် ရင်းနှီးမြှုပ်နှံ သူနှင့် ကမကထ ပြုသူတို့သည် ဝန်ဆောင်ခ နှင့် အခြား အခကြေးငွေများ ပေးဆောင်ရန် မလိုအပ်ကြောင်း ဖော်ပြအပ် ပါသည်။
၎။ ဤအမိန့် ကြော်ငြာစာပါ ကိစ္စနှင့် စပ်လျဉ်း၍ အသေးစိတ် သိရှိ လိုပါက အောက်ပါ တယ်လီဖုန်း နံပါတ်များ ကို ဆက်သွယ် မေးမြန်း နိုင်ပါသည်-
ညွှန်ကြားရေးမှူးချုပ် ဝ၆၇-၄ဝ၆၁၂၁
ဒုတိယ ညွှန်ကြားရေးမှူးချုပ် ဝ၆၇-၄ဝ၆၃၄၂
ညွှန်ကြားရေးမှူး ( နိုင်ငံခြား ရင်းနှီးမြှုပ်နှံမှုဌာန) ဝ၆၇-၄ဝ၆၃၃၄
ညွှန်ကြားရေးမှူး(မြန်မာနိုင်ငံသား ရင်းနှီးမြှုပ်နှံမှုဌာန) ဝ၆၇-၄ဝ၆၁၃၉
(၀င်းရှိန်)
ဥက္ကဋ္ဌ
.jpg)
No comments:
Post a Comment