ကျောက်မဲ ၊ ၂-၁၀-၂၀၁၃
ရှမ်းပြည်နယ် ( မြောက်ပိုင်း ) ကျောက်မဲ မြို့နယ် ၊ နားမွန်း ကျေးရွာရှိ ကျေးရွာ အုပ်ချုပ်ရေးမှူး ဦးကျော်ဦး ၏ နေအိမ် သို့ စက်တင်ဘာလ ၂၈ ရက် နံနက် ၄ နာရီက SSA ( ရွက်ဆစ် ) အဖွဲ့မှ ခေါင်းဆောင် ( စိစစ်ဆဲ ) အင်အား ၂၀ ဦးခန့် ရောက်ရှိ လာပြီး အကြောင်းမဲ့ နေအိမ် တံခါးအား အတင်း ရိုက်ချိုး ဖျက်ဆီး၍ လက်နက်များ ဖြင့် ပစ်ခတ်ရာ နေအိမ် အတွင်းရှိ မိုင်းတင်း ပြည်သူ့စစ် ( ဌာနေ) အဖွဲ့မှ စိုင်းအောင်မျိုးသိန်း ဦးစီး ၄ ဦးမှ ပြန်လည် ခုခံခဲ့ပြီး ကျေးရွာရှိ ပြည်သူ့စစ် ( ဌာနေ ) အဖွဲ့ဝင်များ လာရောက် ပူးပေါင်း သဖြင့် SSA ( ရွက်ဆစ် ) အဖွဲ့များမှာ ရွာ၏ အနောက်ဘက်သို့ ဆုတ်ခွာ သွားခဲ့သည်။
တိုက်ခိုက်မှု ဖြစ်ပွား ခြင်းကြောင့် နားမွန်းရွာသား ဦးရွှေအောင် ( ခ) ဆွေအောင် ၂၇ နှစ် (ဘ) ဦးကျော်ဦး ၏ ဘယ်ဘက် လက်မောင်း လက်နက်ငယ် ကျည်ဖောက်ဝင် ဒဏ်ရာ ရရှိခဲ့ပြီး ၊ ဦးကျော်ဦး ၏ နေအိမ် အချို့ အစိတ်အပိုင်း များ ပျက်စီး ခဲ့သည်။
ဒဏ်ရာ ရရှိခဲ့သည့် လူနာအား ကျောက်မဲ ပြည်သူ့ ဆေးရုံသို့ ပို့ဆောင်၍ ဆေးဝါး ကုသပေးလျက် ရှိပြီး ဆုတ်ခွာ သွားသည့် SSA ( ရွက်ဆစ် ) အဖွဲ့များ နောက်သို့ နယ်မြေခံ စစ်ကြောင်း များမှ လိုက်လံ ရှင်းလင်း လျက်ရှိသည်။
နိုင်ငံတော် အစိုးရ၏ ထာဝရ ငြိမ်းချမ်းရေး ရရှိစေရန် ရည်မှန်းချက် ထား၍ တိုင်းရင်းသား လက်နက်ကိုင် အဖွဲ့အစည်း များနှင့် ဆွေးနွေး အကောင် အထည်ဖော် နေချိန် ယခုကဲ့သို့ SSA ( ရွက်ဆစ် ) အဖွဲ့၏ အရပ်ဘက် အုပ်ချုပ်ရေးမှူး နှင့် ဒေသခံ တိုင်းရင်းသား များအပေါ် ဥပဒေမဲ့ လုပ်ရပ် များကြောင့် ဒေသခံ ပြည်သူများ အနေဖြင့် ကျေနပ်မှု မရှိဘဲ ဝေဖန် ပြစ်တင်လျက် ရှိကြောင်း သိရှိရသည်။
.jpg)
No comments:
Post a Comment