မြိတ် ၊ ၂၀-၉-၂၀၁၃
တနင်္သာရီတိုင်း ဒေသကြီး၊ မြိတ်မြို့တွင်
ယခင်က ကုန်းလမ်းဖြင့် သွားလာရန် အလွန်ပင် ခက်ခဲခဲ့ သည်။ ကားများ ရှိသော်လည်း လမ်းပန်း ဆက်သွယ်ရေး မကောင်း သောကြောင့် အဆင့်မြင့်
ကားများ အသုံးပြု နိုင်ခြင်း မရှိပေ။ မှန်လုံ ခရီးသည် တင်ကားများ ရှိသော်လည်း အစီးရေ
နည်းပါးခြင်း ၊ လမ်းကြမ်းမှု ဒဏ်ခံနိုင်ရန် ကားများကို ရွေးချယ် မောင်းနှင် ရခြင်းကြောင့်
ခရီးသည်များ သက်တောင့် သက်သာ ခရီးသွား လာမှု မပြုလုပ် နိုင်ခြင်းများ ဖြစ်ခဲ့ ရပါသည်။
ယခုအခါ လမ်းပန်း ဆက်သွယ်ရေး အဆင်ပြေ
ချောမွေ့လာပြီ ဖြစ်သဖြင့် ယာဉ်ကားလိုင်း ကားဟောင်းများ ဖြစ်ကြသော ရွှေလီရတနာ ၊ ရွှေဝယ်ရတနာ
၊ ကောင်းသစ်စံ ၊ တနင်္သာရီ ၊ ရွှေမြင်းပျံ ၊ အောင်ရတနာ ၊ သီဟမင်း ၊ ကြယ်စင်ဟိန်း ၊ ရွှေဝယ်သူ
၊ ရွှေထားဝယ် ၊ အောင်စည်မင်း ၊ စန်းဝင်း ရတနာ ၊ ဟိုင်ဖိုင် ၊ မင်းထက်ဟိန်း ၊ စသည့် ကားလိုင်း
များလည်း အဆင့်မြင့်တင် ပြေးဆွဲ လာပြီ ဖြစ်ကြောင်း သိရှိရသည်။
အခြား အဆင့်မြင့် ကားလိုင်း သစ်များ
တိုးချဲ့ ပြေးဆွဲ လာကြပြီး ယခုအခါ ''ရွှေပုလဲသီ'' အဆင့်မြင့် အဲယားကွန်း လေအိပ် ကားလိုင်းသစ်
အား တိုးချဲ့ ပြေးဆွဲလျက် ရှိကြောင်း ၊ ရိုးရိုး အဲယားကွန်း ကားနှင့် အထူးရှယ် VIP
(၃၃) ယောက်စီး ဟူ၍ နှစ်မျိုး ပြေးဆွဲ ပေးလျက် ရှိသည်။ ရိုးရိုးတွင် မြိတ် - ရန်ကုန်
၁၈ဝဝဝ ကျပ် ၊ မြိတ် - ထားဝယ် ၇ဝဝဝ ကျပ်နှင့် မြိတ် - မော်လမြိုင် ၁၅ဝဝဝ ကျပ်တို့ ဖြစ်ပြီး
အထူးယာဉ်တွင် မြိတ် - ရန်ကုန် ၂၇ဝဝဝ ကျပ် ၊ မြိတ် - ထားဝယ် ၁ဝဝဝဝ ကျပ် နှင့် မြိတ်
- မော်လမြိုင် ၂ဝဝဝဝ ကျပ် တို့ဖြစ်ပြီး ကားအလယ် အောက်ထပ်တွင် အိမ်သာ ပါရှိကြောင်း ခရီးသည်များ
အတွက် ဝန်ဆောင်မှု အနေဖြင့် စောင် ၊ ရေသန့် ၊ အအေးဗူး ၊ ချောကလက် ၊ မုန့် နှင့် စနိုးတာဝါများ
ကမ်းပေးကြောင်း သိရပါသည်။ တနင်္သာရီတိုင်း ဒေသကြီးရှိ ခရီးသွား ပြည်သူများ ကုန်းလမ်း ခရီးဖြင့် နောင်တွင် အချိန်ကုန် သက်သာပြီး
စိတ်ချမ်းမြေ့စွာ ခရီးသွား လာနိုင်ပြီ ဖြစ်ကြောင်း မြိတ်ခရိုင် မော်တော်ယာဉ် လုပ်ငန်း
ပေါင်းစုံ ထိန်းသိမ်းမှု ကော်မတီ ထံမှ သိရှိရသည်။
.jpg)
No comments:
Post a Comment