ရန်ကုန် ၊ ၁၀-၁၀-၂၀၁၂
ဒိုဟာ - ရန်ကုန် ခရီးစဉ်ကို အောက်တိုဘာလ
၂၈ ရက်မှ စတင်ကာ နေ့စဉ် ပြေးဆွဲပေးမည် ဖြစ်ကြောင်း ကာတာ လေကြောင်းလိုင်းမှ သိရသည်။
ယင်းလေကြောင်းလိုင်းသည် အာဆီယံနိုင်ငံများ
ဖြစ်သည့် ကွာလာလမ်ပူ ၊ ဘာလီ ၊ ဟိုချီမင်း ၊ ဂျကာတာ ၊ ဘန်ကောက် ၊ ဟနွိုင်း ၊ စင်ကာပူ
၊ မနီလာ ၊ ဖူးခက် လေဆိပ်များအား ဆက်လက် ထွက်ခွာ ဆင်းသက် လျက်ရှိရာ ရန်ကုန် လေဆိပ်သည်
ဒသမမြောက် ဆင်းသက်သည့် လေဆိပ်ဖြစ်ကြောင်း သိရသည်။
ကာတာလေကြောင်းလိုင်းသည် ဒိုဟာ - ရန်ကုန်
ခရီးစဉ်အတွက် Business Class ၈ ခုံနှင့် Economy Class ၁၀၂ ခုံ ပါဝင်သည့် Airbus A
319 လေယာဉ်ဖြင့် ပျံသန်း ပြေးဆွဲ ပေးမည် ဖြစ်သည်။ ကာတာ လေကြောင်းလိုင်းကို ၁၉၉၄ ခုနှစ်က
ဒေသတွင်း လေကြောင်းလိုင်း တစ်ခုအဖြစ် စတင် ပျံသန်းပြေးဆွဲ ခဲ့ပြီး ၁၉၉၇ ခုနှစ်မှ စတင်ကာ
နိုင်ငံတကာ လေကြောင်းလိုင်း အဖြစ် ပျံသန်း ပြေးဆွဲခဲ့သော လေကြောင်းလိုင်း တစ်လိုင်း
ဖြစ်ကြောင်း ၊ ရန်ကုန် - ဒိုဟာ ခရီးစဉ်မှ ဥရောပ ၊ အရှေ့အလယ်ပိုင်း ဒေသ ၊ အာဖရိက နှင့်
အမေရိကတိုက် များသို့ပါ ချိတ်ဆက် ပြေးဆွဲရန် အစီအစဉ် ရှိကြောင်းလည်း သိရှိရသည်။
.jpg)
No comments:
Post a Comment