www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Friday, February 1, 2019

နိုင်ငံတော်အား ကာကွယ် စောင့်ရှောက်လျက် ရှိသည့် တပ်မတော်၏ နိုင်ငံတော်ကာကွယ်ရေး စွမ်းပကား မြှင့်တင်၊ တပ်မတော် (ကြည်း) (လေ)၊ အမြောက်နှင့် သံချပ်ကာ တပ်ဖွဲ့များ၏ ပူးပေါင်း စစ်ဆင်မှု လေ့ကျင့်ခန်းပြုလုပ်

နိုင်ငံတော်အား ကာကွယ် စောင့်ရှောက်လျက် ရှိသည့် တပ်မတော်၏ နိုင်ငံတော် ကာကွယ်ရေး စွမ်းပကား မြှင့်တင်၊ တပ်မတော် (ကြည်း) (လေ)၊ အမြောက်နှင့် သံချပ်ကာ တပ်ဖွဲ့များ၏ ပူးပေါင်း စစ်ဆင်မှု လေ့ကျင့်ခန်းပြုလုပ်
-
နေပြည်တော်၊ ဇန်န၀ါရီ - ၃၁  
-
နိုင်ငံတော်အား ကာကွယ်စောင့်ရှောက်လျက်ရှိသည့် တပ်မတော်၏ နိုင်ငံတော် ကာကွယ်ရေး စွမ်းပကားမြင့်မား စေရန်ရည်ရွယ်၍မိတ္ထီလာတပ်နယ်တွင် တပ်မတော်(ကြည်း)(လေ)၊အမြောက်နှင့်သံချပ်ကာ တပ်ဖွဲ့များ၏ ပူးပေါင်းစစ်ဆင်မှု လေ့ကျင့်ခန်းကို ယနေ့ပြုလုပ်ရာ တပ်မတော်ကာကွယ်ရေး ­­­ဦးစီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက် ကြည့်ရှု စစ်ဆေးသည်။
-
အဆိုပါ လေ့ကျင့်ခန်းသို့ တပ်မတော် ကာကွယ်ရေးဦးစီးချုပ် နှင့်အတူ ဒုတိယ တပ်မတော် ကာကွယ်ရေး ဦးစီးချုပ် ကာကွယ်ရေး ဦးစီးချုပ်(ကြည်း) ဒုတိယ ဗိုလ်ချုပ်မှူးကြီး စိုးဝင်း၊ ကာကွယ်ရေးဝန်ကြီးဌာန ပြည်ထောင်စု ၀န်ကြီး ဒုတိယ ဗိုလ်ချုပ်ကြီး စိန်ဝင်း၊ ကာကွယ်ရေး ဦးစီးချုပ်(ရေ) ဗိုလ်ချုပ်ကြီး တင်အောင်စန်း၊ ကာကွယ်ရေး ဦးစီးချုပ် (လေ) ဗိုလ်ချုပ်ကြီး မောင်မောင်ကျော်၊ ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများ၊ တပ်မတော် တန်းမြင့် လေ့ကျင့်ရေး ကျောင်းများမှ ကျောင်းအုပ်ကြီးများ၊ နိုင်ငံတော် ကာကွယ်ရေး တက္ကသိုလ်နှင့် စစ်ဦးစီး တက္ကသိုလ်တို့မှသင်တန်းသား အရာရှိကြီးများနှင့် တာဝန်ရှိသူများ တက်ရောက်ကြသည်။
-



-
ဦးစွာ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် အဖွဲ့ဝင်များအား လေ့ကျင့်ခန်း တွင်ပါဝင်သည့် လေ့ကျင့်ရေး ခေါင်းဆောင်က လေ့ကျင့်ခန်း အကြောင်းအရာနှင့်ပတ်သက်၍ ရှင်းလင်း တင်ပြသည်။
-

-
ထို့နောက် လေ့ကျင့်ခန်းအား အစီအစဉ်အတိုင်း ဆက်လက်လုပ်ဆောင်ကြရာ လေ့ကျင့်ခန်းတွင် ပါဝင်လုပ် ဆောင်ကြမည့် ခြေလျင်နှင့် သံချပ်ကာတပ်ဖွဲ့များသည် နောက်ပိုင်းဌာနချုပ်မှ ရှေ့တန်းတိုက်ပွဲဝင်နေရာများသို့ သတ်မှတ် နေရာနှင့် လမ်းကြောင်းများအတိုင်း တိုက်ပွဲဝင် ပုံစံချီတက် တပ်ဖြန့်မှုများဆောင်ရွက်ကြသည်။
-

-
ထိုသို့ဆောင်ရွက်နေစဉ်အတွင်း လေကြောင်းချီ တပ်ဖွဲ့များနှင့် အကြမ်းဖက်နှိမ်နှင်းရေး တပ်ဖွဲ့ဝင်များက သတ်မှတ် ရည်မှန်းချက် နေရာများအား စီးနင်းတိုက်ခိုက်ခြင်း၊ တပ်မတော်(လေ)မှလေယာဉ်များနှင့် တိုက်ခိုက်ရေး ရဟတ် ယာဉ်များက ပစ်မှတ်အသီးသီး အား ပစ်ခတ်ချေမှုန်းခြင်း၊ အမြောက်ကြီးများ၊ အတွဲလိုက် ဒုံးများဖြင့် ပစ်မှတ်များအား ပစ်ခတ်ချေမှုန်းခြင်း၊ ခြေလျင်အကူလက်နက်ကြီးများဖြင့် အနီးကပ်ပစ် ခတ်ချေမှုန်းခြင်း၊ ခြေလျင်နှင့်သံချပ်ကာ ပူးပေါင်း တပ်ဖွဲ့များက ရန်သူကိုချေမှုန်းတိုက်ခိုက်ပြီး ရည်မှန်းချက် အသီးသီးကို သိမ်းပိုက်ခြင်းများကို လေ့ကျင့် ဆောင်ရွက်ကြသည်။
-

-
ယင်းနောက် တိုက်ပွဲတွင်ထိခိုက်ဒဏ်ရာ ရရှိသူများကို အရေးပေါ်လူနာတင်ယာဉ်များဖြင့် သယ်ဆောင်ခြင်း၊ အရေးကြီး လူနာများကို ရဟတ်ယာဉ် များဖြင့်သယ်ဆောင်ခြင်း၊ မိမိတပ်များအတွက် လေကြောင်းမှ ခဲယမ်း၊ရိက္ခာချပေးခြင်း စသည့် လေ့ကျင့်ခန်းများကို အပြီးသတ်ဆောင်ရွက်ကြသည်။
-

-
လေ့ကျင့်မှုများ အပြီးတွင် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က တာဝန်ရှိသူများ နှင့်လေ့ကျင့်ခန်းတွင် ပါဝင် ဆောင်ရွက်ခဲ့ကြသူများအား အမှာစကားပြောကြားရာ၌ စစ်၏သဘောတရားမှာ ကြိုတင်ပြင် ဆင်မှုများ ကောင်းမွန်မှသာ စစ်ပွဲကိုအောင်နိုင်မည်ဖြစ်ကြောင်း၊ ထိုသို့ကြိုတင်ပြင်ဆင်မှုများ ဆောင်ရွက်ရာတွင် အုပ်ချုပ် ထောက်ပံ့မှုကိစ္စရပ်များ၊ သတင်းရယူခြင်းကိစ္စရပ်များ ဆောင်ရွက်သကဲ့သို့ လေ့ကျင့်ရေးများ ဆောင်ရွက်ခြင်းသည်လည်းပါဝင်ကြောင်း၊ ကမ္ဘာပေါ်ရှိနိုင်ငံများတွင်လည်း တစ်နိုင်ငံတည်း ဆောင်ရွက်သည့် စစ်ရေးလေ့ကျင့်ခန်းများ ရှိသကဲ့သို့ ဒေသတွင်းနိုင်ငံများ၊ ကမ္ဘာ့နိုင်ငံများနှင့် ပူးတွဲ၊ ပူးပေါင်း၍ လေ့ကျင့်ခြင်းများ လည်းဆောင်ရွက်ကြကြောင်း၊ မိမိတို့ တပ်မတော်သည် နိုင်ငံတော် ကာကွယ်ရေး တာဝန်ကို ထမ်းဆောင်လျက်ရှိရာတွင် ကာကွယ်ရေး ဆိုသည်မှာ ချက်ချင်း ဆောင်ရွက်၍ မရဘဲ ကြိုတင်ပြင်ဆင် လေ့ကျင့်ခြင်းများကို ဆောင်ရွက်ရကြောင်း၊ ယခုလေ့ကျင့်ခန်းသည် တပ်မတော်(ကြည်း)ကို အဓိကထားပြီး တိုက်ခိုက်သိမ်းပိုက်ခြင်း ပုံစံဖြင့် လေ့ကျင့်ခြင်း ဖြစ်ကြောင်း၊ စစ်၏သဘော တရားတွင် မြေပြင်တပ်ဖွဲ့များသည် အဆုံးအဖြတ်ပေးသည့် မြေသိမ်းတိုက်ပွဲများကို ဆင်နွှဲရကြောင်း၊ အမြောက်နှင့် သံချပ်ကာများ၊ လေယာဉ်များ သည် ပစ်အားပေးအဖြစ် ပါဝင်တိုက်ခိုက်ခြင်းဖြစ်ကြောင်း၊ မိမိတို့ ပစ်ခတ်သည့် ပစ်မှတ် ပေါ်သို့ ပစ်ခတ်မှုများ ထိရောက်ရန်လိုကြောင်း၊ ယခုပြုလုပ်သည့်လေ့ကျင့်ခန်းတွင် ပစ်မှတ်များ ပေါ်သို့တိကျထိ ရောက်အောင် ပစ်ခတ်နိုင်သည့်အတွက် ကြည်း၊ လေ၊ အမြောက်၊ သံချပ်ကာများ၏ စွမ်းရည်ကို ဂုဏ်ယူပါကြောင်း၊ အငိုက်ဖမ်းနိုင်ခြင်းသည် တိုက်ပွဲတွင်ပေးဆပ်မှု အနည်းဆုံးဖြင့် အောင်မြင်မှုကိုရရှိစေကြောင်း၊ တိုက်ပွဲများဆင်နွှဲရာတွင် အချိန်ကိုက် လှုပ်ရှားမှုသည်အရေးကြီးပြီး အချိန်ကိုတွက်ချက်၍ ဆောင်ရွက်နိုင်ရမည်ဖြစ်ကြောင်း၊ ထို့အတူ လျှင်မြန်မှုသည်လည်း တိုက်ပွဲအောင်နိုင်ရေးတွင် အရေးကြီးသကဲ့သို့ ရန်သူများအား လက်စတုန်း ချေမှုန်းနိုင်ရန်အတွက် ထုဖြင့်စစ်ဆင်ခြင်းသည်လည်း အရေးကြီးကြောင်း၊ ယနေ့ကျင်းပပြုလုပ်သည့် လေ့ကျင့်ခန်းတွင် အဆိုပါအချက်များအား အခြေခံ၍ လေ့ကျင့်ဆောင်ရွက်ခြင်း ဖြစ်ကြောင်း၊ လေ့ကျင့်ခန်းတွင် ပါဝင်သည့် လက်ရုံးတပ်ဖွဲ့များအနေဖြင့် တိုက်စစ်ဆင်သည့်တပ်များကို လက်တွေ့ကျကျထောက်ပံ့ ကူညီပေးနိုင်အောင် ဆောင်ရွက်နိုင်ကြရမည်ဖြစ်ကြောင်း၊ အုပ်ချုပ် ထောက်ပံ့မှုနှင့် စားသောက်မှုလုပ်ငန်းများ ပိုမိုအဆင်ပြေစေရန်အတွက်တာဝန်ရှိသူအဆင့်ဆင့်မှ ပြင်ဆင် ဆောင်ရွက်ရန် လိုကြောင်း၊ တိုက်ပွဲစွမ်းအား ကိုမြှင့်တင်ရာတွင် အီလက်ထရောနစ် ပစ္စည်းများ ခေတ်မီပြည့်စုံ မှုများသည်လည်း အရေးကြီးကြောင်း၊ လေကြောင်းစွမ်းပကားသည် တိုက်ပွဲစွမ်းအားကို များစွာ အထောက် အကူဖြစ် စေကြောင်း၊ ခေတ်သစ်စစ်ပွဲများ တွင် လေကြောင်းစွမ်းပကားနှင့် အီလက်ထရောနစ် နည်းပညာ သာလွန်သည့် သူများသာ စစ်ပွဲကိုအောင်နိုင် လိမ့်မည်ဖြစ်ကြောင်း၊ ထို့အတူ လေကြောင်းရန်ကာကွယ်ရေး စွမ်းပကားသည်လည်း ခေတ်သစ် စစ်ပွဲများတွင် အရေးပါကြောင်း၊ ထို့အပြင်အသုံးပြုသည့်လက်နက်ခဲယမ်းများကောင်းမွန်မှု၊ ထိရောက်မှု၊ အကွာ အဝေး တိကျမှုများသည် အရေးကြီးသဖြင့် သက်ဆိုင်ရာတပ်ဖွဲ့များမှ အမြဲတမ်းသုတေသနပြု ဆောင်ရွက်သွား ကြရန်လိုကြောင်း၊ အဆိုပါလက်နက် ခဲယမ်းများအား ကျွမ်းကျင်စွာ အသုံးပြု ပစ်ခတ်နိုင်ရန်အတွက် တပ်မတော် တစ်ရပ်လုံးအနေဖြင့် လေ့ကျင့်မှုအမျိုးမျိုးကိုအမြဲမပြတ် ဆောင်ရွက်နေရန်လိုကြောင်း၊ ထို့ပြင် စစ်မြေပြင်တွင် မမျှော်မှန်းနိုင်သည့် အခြေအနေများ ဖြစ်ပေါ်နိုင်သဖြင့် တိုက်ပွဲဝင် စစ်သည်များ၏ ကျန်းမာကြံ့ခိုင်မှုသည် လည်း အရေးကြီးသဖြင့် ကျန်းမာရေးနှင့် ကိုက်ညီသည့် နေထိုင်စားသောက်မှုများပြုလုပ်ကြရန်လိုသကဲ့သို့ ကြံ့ခိုင်မှုရှိ အောင် အမြဲလေ့ကျင့် နေရမည်ဖြစ်ကြောင်း၊ ခေတ်နှင့်အညီပြောင်းလဲလာသည့် စစ်အသုံး အဆောင်ပစ္စည်း၊ နည်းပညာများနှင့် ကိုက်ညီအောင်လည်း ပြောင်းလဲမှုရှိတိုင်းအသုံးပြုနိုင်အောင် လေ့ကျင့်ဆောင်ရွက်နေ ရမည်ဖြစ်ကြောင်း၊ ထို့ကြောင့်မိမိမှ တပ်မတော်တစ်ရပ်လုံး အမြဲတမ်းတိုက်ပွဲဝင် အသင့်ဖြစ်နေရန်အတွက်“လေ့လာ၊ လေ့ကျင့်၊ လိုက်နာ” ကြရမည် ဟူသော ဆောင်ပုဒ်ကို သတ်မှတ်ပေး ထားခြင်းဖြစ် ကြောင်းမှာကြားသည်။
-

-


-
၎င်းနောက် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က လေ့ကျင့်ခန်းတွင် ပါဝင်ခဲ့သည့် ခြေလျင်နှင့် အကူလက်ရုံးတပ်များမှ အရာရှိ၊ စစ်သည်များ အတွက် ဂုဏ်ပြုဆုငွေများချီးမြှင့်ပေး အပ်သည်။ အဆိုပါလေ့ကျင့်ခန်းသို့ ပြည်တွင်း သတင်းမီဒီယာများလည်း တက်ရောက် သတင်းရယူကြပြီး တပ်မတော် ကာကွယ်ရေး ဦးစီးချုပ်နှင့် အဖွဲ့ဝင်များက သတင်းမီဒီယာ များအားရင်းရင်းနှီးနှီး တွေ့ဆုံ နှုတ်ဆက်ခဲ့ကြကြောင်း သတင်းရရှိသည်။
-
#မြ၀တီနေ့စဉ်သတင်းစာ

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger