www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Thursday, September 26, 2013

အာဆီယံ အာရှအဝေးပြေးလမ်းမ အမှတ် ၂ နှင့် အမှတ် ၃ ပေါင်းဆုံရာမြို့ ကျိုင်းတုံ


ကျိုင်းတုံ ၊ ၂၆-၉-၂ဝ၁၃
         
အာဆီယံ အာရှ အဝေးပြေး လမ်းမ အမှတ် ၂ (AH-1) နှင့်အမှတ် ၃ (AH-3) တို့သည် ကျိုင်းတုံ မြို့လယ် ၊ လွပ်လပ်ရေး ကျောက်တိုင် အဝိုင်းပတ်တွင် ပေါင်းဆုံ ကြသည်ဟု သိရသည်။

မြန်မာနိုင်ငံ တွင် ထိုင်းနိုင်ငံမှ မြဝတီ - တမူး ( အိန္ဒိယ နယ်စပ် ) အထိ ၁၆၆၅ ကီလိုမီတာ ရှည်သော အာဆီယံ အာရှ အဝေးပြေး လမ်းမ ၁ (AH-1) ၊ တာချီလိတ်မှ ကျိုင်းတုံ - တောင်ကြီး - မိတ္ထီလာထိ ၈၇ဝ ကီလိုမီတာ ရှည်သော အာဆီယံ အာရှ အဝေးပြေး လမ်းမ ၂ (AH-2) ၊ ကျိုင်းတုံမှ မိုင်းလားထိ ၉၃ ကီလိုမီတာ ရှည်သော အာဆီယံ အာရှ အဝေးပြေး လမ်းမ ၃ (AH-3) ၊ မန္တလေးမှ မူဆယ်ထိ ၄၅၃ ကီလိုမီတာ ရှည်သော အာဆီယံ အာရှ အဝေးပြေး လမ်းမ ၄ (AH-4) ၊ လွိုင်လင် မှ သီပေါ ထိ ၂၃၉ ကီလိုမီတာ ရှည်သော အာဆီယံ အာရှ အဝေးပြေး လမ်းမ ၁၁၁ (AH-111) ၊ သထုံမှ ကော့သောင်း ထိ ၁၁၄၅ ကီလိုမီတာ ရှည်သော အာဆီယံ အာရှ အဝေးပြေး လမ်းမ ၁၁၂ (AH-112) ၊ ဟူ၍ အာဆီယံ အာရှ အဝေးပြေး လမ်းမ ခြောက်ခု ရှိကြောင်းလည်း ထပ်မံ သိရသည်။


ကျိုင်းတုံမြို့တွင် ပေါင်းဆုံသည့် အာဆီယံ အာရှ အဝေးပြေး လမ်းမ ၂ (AH-2) နှင့်  ၃ (AH-3)သည် လာအို -မြန်မာ ချစ်ကြည်ရေး တံတား စီမံကိန်း ပြီးစီးပါက အာဆီယံ အာရှ အဝေးပြေး လမ်းမ ၂ (AH-2) ဖြင့် မြန်မာ -လာအို - ဗီယက်နမ် နှင့် ကမ္ဘောဒီးယား နိုင်ငံသို့ ဆက်သွယ် သွားလာ နိုင်ပြီး အာဆီယံ အာရှ အဝေးပြေး လမ်းမ ၃ (AH-3) ဖြင့် မြန်မာ - တရုတ် နှင့် အခြား ဆက်စပ် နိုင်ငံများသို့ သွားလာ နိုင်မည် ဖြစ်ရာ အာဆီယံ အာရှ အဝေးပြေး လမ်းမ ၂ (AH-2) နှင့် အာဆီယံ အာရှ အဝေးပြေး လမ်းမ ၃ (AH-3) တို့ ပေါင်းစုံရာ မြို့ကျိုင်းတုံ သည် ကုန်စည် ကူးသန်း သယ်ယူ ပို့ဆောင် ရောင်းဝယ်ရေး နှင့် စီးပွားရေး အရ အချက်အချာ ကျသော ဒေသ ဖြစ်လာပြီး ဒေသ လူနေမှုဘဝ တိုးတက် မြင့်မား လာကာ အလုပ်အကိုင် အခွင့်အလမ်း ကောင်းများ ကိုလည်း ရရှိနိုင်မည် ဖြစ်ကြောင်း သိရှိရသည်။



No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page