www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Thursday, September 26, 2013

ရွှေ့ပြောင်း အလုပ်သမားအခွင့်အရေး စာချုပ်မူကြမ်း ရေးဆွဲလျက်ရှိ


ရန်ကုန် ၊ ၂၆-၉-၂၀၁၃

ရွှေ့ပြောင်း လုပ်သားများ ၏ အခွင့်အရေး ကာကွယ် မြှင့်တင်ရန် အာဆီယံ ကော်မတီ က ကြီးမှူး ရေးဆွဲလျက် ရှိသည့် ရွှေ့ပြောင်း လုပ်သား အခွင့်အရေး စာချုပ်မူကြမ်း ကို ရန်ကုန်မြို့ တွင် ဆွေးနွေး ရေးဆွဲလျက် ရှိကြောင်း အလုပ်သမား ၀န်ကြီးဌာန ညွှန်ကြားရေးမှူးချုပ် ဦးမျိုးအောင် က ပြောကြား ခဲ့သည်။

၉ ကြိမ်မြောက် ဆွေးနွေးပွဲ ဖြစ်သည့် အဆိုပါ ဆွေးနွေးပွဲ ကို မြန်မာနိုင်ငံ က ပထမဦးဆုံး အကြိမ် အိမ်ရှင်အဖြစ် ရန်ကုန်မြို့ ၊ ကန်တော်ကြီး ပဲလေ့စ် ဟိုတယ်၌ လက်ခံ ကျင်းပခဲ့ရာ ယခုလ ၂၃ ရက်မှ ၂၅ ရက်နေ့ အထိ ၃ ရက်တိုင် ကြာမြင့် ခဲ့သည်။ အာဆီယံ ရွှေ့ပြောင်း လုပ်သား အခွင့်အရေး စာချုပ် မူကြမ်း ကို ၂၀၁၄ ခုနှစ်အတွင်း အပြီးသတ် ရေးဆွဲနိုင်ရန် မျှော်မှန်း ထားကြောင်း သိရသည်။


နိုင်ငံတကာ ရွှေ့ပြောင်း လုပ်သား  အခွင့်အရေး ဆိုင်ရာ သဘောတူ စာချုပ်ကို ရေးထိုးနိုင်ခြင်း မရှိ သေးသော်လည်း အာဆီယံ ဒေသတွင်း ရွှေ့ပြောင်း အလုပ်သမား အခွင့်အရေး ဆိုင်ရာ စာချုပ် ပေါ်ထွက်လာရန် အာဆီယံ နိုင်ငံများက ကြိုးပမ်းလျက် ရှိကြောင်း သိရသည်။ အာဆီယံ ဒေသအတွင်း ချုပ်ဆိုသော စာချုပ်သည် ၂၀၁၅ ခုနှစ်တွင် ဖြစ်ပေါ်လာမည့် အာဆီယံ စီးပွားရေး အသိုက်အ၀န်း ( AEC ) တည်ထောင်ပုံ အတွက် ဒေသခံ နိုင်ငံများအား စံသတ်မှတ်ချက် မူတည်ကာ ရေးဆွဲခြင်း ဖြစ်ကြောင်း သိရသည်။ အာဆီယံ ဒေသတွင်း ၁၀ နိုင်ငံတွင် နိုင်ငံတကာ ရွှေ့ပြောင်း လုပ်သား အခွင့်အရေး ဆိုင်ရာ သဘောတူ စာချုပ်၌ လက်မှတ် ရေးထိုး ထားသည့် နိုင်ငံများ အဖြစ် အင်ဒိုနီးရှား နှင့် ဖိလစ်ပိုင် နိုင်ငံတို့သာ ရှိကြောင်း ၊ အာဆီယံ ဒေသတွင်း နိုင်ငံများ အနက် မြန်မာနိုင်ငံ သည် ရွှေ့ပြောင်း လုပ်သား အများဆုံး နိုင်ငံအဖြစ် ရပ်တည်လျက် ရှိကြောင်း နိုင်ငံတကာ ရွှေ့ပြောင်း လုပ်သား အဖွဲ့အစည်း ( IOM ) ထံမှ သိရှိရသည်။

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page