စာသင်ကျောင်း အခြေပြု မီးဘေးလုံခြုံရေး အသိပညာပေး လက်တွေ့ သရုပ်ပြ

-

ထန်တလန်  ဇန်နဝါရီ  ၃၁ 

-

ချင်းပြည်နယ် ထန်တလန်မြို့နယ် မီးသတ်ဦးစီးဌာနဦးစီးမှူး ဦးရွှေကျုံးလျန် ဦးဆောင်သော မီးသတ်တပ်ဖွဲ့ဝင်များသည် စာသင်ကျောင်း အခြေပြု မီးဘေးလုံခြုံရေးအသိပညာပေး ဗီဒီယိုပြသခြင်းနှင့်လက်တွေ့မီးငြှိမ်းသတ်ခြင်း သရုပ်ပြပွဲကို ယနေ့ နံနက် ၉ နာရီတွင် အမှတ်(၂)အခြေခံပညာ မူလတန်း လွန်ကျောင်းဆောင်ရှေ့၌ ကျင်းပသည်။ 

-

ရှေးဦးစွာ ပညာပေးဇာတ်လမ်းပြသပြီး မြို့နယ်မီးသတ်ဦးစီးဌာနဦးစီးမှူး ဦးရွှေကျုံးလျန်က မီးဘေးလုံခြုံရေးအတွက် အိမ်တိုင်းမီးသတ်ဆေးဘူး ဆောင်ထားသင့်ကြောင်း၊ မီးဘေး အန္တရာယ်နှင့်ကြုံတွေ့လာပါက မီးဘေးလုံခြုံရေးဆောင်ရွက်ပုံ၊ကယ်ဆယ်ရေး ဆောင်ရွက်ပုံနှင့်မီးသတ်ဆေးဘူးအသုံးပြုပုံတို့ကို ဒေသဘာသာ စကားဖြင့်အသေးစိတ် ရှင်းလင်းကာ ကျောင်းသား၊ ကျောင်းသူများအားလက်တွေ့ သရုပ်ပြသခဲ့သည်။ 

-

အဆိုပါ မီးဘေးလုံခြုံရေး အသိပညာပေးလက်တွေ့သရုပ်ပြပွဲကို  မြို့နယ်မီးသတ် ဦးစီးဌာန ဦးစီးမှူးနှင့်  မီးသတ်တပ်ဖွဲ့ဝင်များ၊ ကျောင်းဆရာကြီးနှင့် ဆရာ၊ ဆရာမများ၊ ကျောင်းသား၊ ကျောင်းသူများ စုစုပေါင်း အင်အား ၁၅ဝ ဦးခန့် တက်ရောက်ကြကြောင်း သိရသည်။       

-

ထယ်လ်ဏ

-

#မြ၀တီနေ့စဉ်သတင်းစာ