www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Thursday, January 31, 2019

နိုင်ငံတော် သမ္မတ ဦးဝင်းမြင့်ထံ အိန္ဒိယ သမ္မတ နုိုင်ငံနှင့် ဟန်ဂေရီနိုင်ငံတို့မှ သံအမတ်ခန့်အပ်လွှာများ သီးခြားစီ ပေးအပ်

နိုင်ငံတော် သမ္မတ ဦးဝင်းမြင့်ထံ အိန္ဒိယ သမ္မတ နုိုင်ငံနှင့်  ဟန်ဂေရီနိုင်ငံတို့မှ သံအမတ်ခန့်အပ်လွှာများ သီးခြားစီ ပေးအပ်
-
နေပြည်တော်  ဇန်နဝါရီ  ၃ဝ 
-
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးဝင်းမြင့်ထံ မြန်မာနိုင်ငံ ဆိုင်ရာ အိန္ဒိယ သမ္မတနိုင်ငံသံအမတ်ကြီးအဖြစ်ခန့်အပ်ရန် သဘောတူညီပြီးဖြစ်သော သံအမတ်ကြီး မစ္စတာ ဆော်ရက်(ဘ်)ကူမားသည် ယနေ့ နံနက် ၁ဝ နာရီတွင်  နေပြည်တော်ရှိ နိုင်ငံတော် သမ္မတ အိမ်တော် သံတမန်ဆောင် ဧည့်ခန်းမ၌   ၎င်း၏ သံအမတ်ခန့်အပ်လွှာကို ပေးအပ်သည်။ 
-
အလားတူ ပြည်ထောင်စု သမ္မတ မြန်မာနိုင်ငံတော် နိုင်ငံတော်သမ္မတ ဦးဝင်းမြင့်ထံ မြန်မာနိုင်ငံဆိုင်ရာ  ဟန်ဂေရီနိုင်ငံ သံအမတ်ကြီးအဖြစ် ခန့်အပ်ရန် သဘောတူညီပြီးဖြစ်သော သံအမတ်ကြီး မစ္စတာ ဆေးလ်ဗက် စတာဘတ်စ်သည် ယနေ့ နံနက် ၁ဝ နာရီ ၄၅ မိနစ် တွင် နေပြည်တော်ရှိ နိုင်ငံတော်သမ္မတအိမ်တော် သံတမန်ဆောင်ဧည့်ခန်းမ၌ ၎င်း၏ သံအမတ်ခန့်အပ်လွှာကို ပေးအပ်သည်။
-
-
အဆိုပါသံအမတ်ခန့်အပ်လွှာ ပေးအပ်ပွဲ အခမ်းအနားများသို့ အပြည်ပြည်ဆိုင်ရာ ပူးပေါင်း ဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကျော်တင်နှင့် နိုင်ငံခြားရေးဝန်ကြီးဌာန သံတမန်ရေးရာဦးစီးဌာန ညွှန်ကြား ရေးမှူးချုပ် ဦးသန့်စင် တို့ တက်ရောက်ကြသည်။
-
#မြ၀တီနေ့စဉ်သတင်းစာ


No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page