ငွေတောင်ဆည်မှ နွေစပါးဧက ၁၆ဝဝ ကျော် ရေပေးဝေမည်

-

ဒီးမော့ဆို  ဇန်နဝါရီ  ၂၉ 

-

ကယားပြည်နယ်  ဒီးမော့ဆိုမြို့နယ်၌ ၂ဝ၁၈-၂ဝ၁၉ ခုနှစ် နွေစပါး ၃၂၅၈ ဧက စိုက်ပျိုးနိုင်ရန် လျာထား ဆောင်ရွက်လျက်ရှိ ပြီး ငွေတောင်ဆည်မှ နွေစပါးဧက ၁၆ဝဝ ကျော်ကို စိုက်ပျိုးရေ ပေးဝေမည် ဖြစ်ကြောင်း သိရသည်။ 

-

၂ဝ၁၈-၂ဝ၁၉ ခုနှစ် ဒီးမော့ဆိုမြို့နယ်၌ ကျေးရွာအုပ်စု ၁၂ အုပ်စုမှ ငွေတောင် ဆည်အပါအဝင် အခြားဆည်၊ ကန် ရှစ်ခုမှ ပေးဝေသော ရေဖြင့် နွေစပါး ၂၈၇၃ ဧက နှင့် သဘာဝရေ၊ ချောင်း/မြောင်း၊ ရေစုပ် ရေတင်စနစ်မှ ပေးဝေသော ရေဖြင့် နွေစပါး ၃၈၅ ဧက စုစုပေါင်း နွေစပါး ၃၂၅၈ ဧက စိုက်ပျိုးနိုင်ရန် လျာထားလျက် ရှိကြောင်း၊  ၂ဝ၁၇-၂ဝ၁၈ ခုနှစ်တွင် ဒီးမော့ဆို မြို့နယ်၌ နွေစပါး ၃၁၇၈ ဧက စိုက်ပျိုး နိုင်ခဲ့ကြောင်း မြို့နယ်စိုက်ပျိုးရေး ဦးစီးဌာနမှ သိရသည်။ 

-

နွေစပါး စိုက်ပျိုးချိန်တွင် ငွေတောင်ဆည်မှ နွေစပါးဧက ၁၆ဝဝ ကျော် ရေပေးဝေနိုင်ရန် လျာထားသော်လည်း ဒေသခံ တောင်သူများက ငွေတောင်ဆည်မှ ရေပိုမိုပေးဝေပေးရန်၊ နွေစပါးပိုမိုစိုက်ပျိုးနိုင်ရန် လိုလားလျက် ရှိကြောင်း သိရသည်။     

-

ရီရယ်(ဒီးမော့ဆို)

-

#မြ၀တီနေ့စဉ်သတင်းစာ