တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် ထိုင်းဘုရင့်လေတပ် ဦးစီးချုပ် AIR CHIEF MARSHAL CHAIYAPRUK DIDYASARIN အားလက်ခံတွေ့ဆုံ

-

နေပြည်တော်၊ ဇန်န၀ါရီ  ၈ 

-

တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ထိုင်းဘုရင့် လေတပ်ဦးစီးချုပ် Air Chief  Marshal  Chaiyapruk  Didyasarin အား ယနေ့နံနက်ပိုင်းတွင် နေပြည်တော်ရှိ ဇေယျာသီရိဗိမာန်၌ လက်ခံတွေ့ဆုံသည်။ 

-

အဆိုပါတွေ့ဆုံပွဲသို့ တပ်မတော် ကာကွယ်ရေးဦးစီးချုပ် နှင့်အတူ ကာကွယ်ရေး ဦးစီးချုပ် (လေ) ဗိုလ်ချုပ်ကြီး မောင်မောင်ကျော်၊ ကာကွယ်ရေးဦးစီးချုပ်ရုံး(ကြည်း)မှ ဒုတိယ ဗိုလ်ချုပ်ကြီး စိုးထွဋ်နှင့်တပ်မတော်အရာရှိကြီးများ တက်ရောက်ကြပြီး ထိုင်းဘုရင့် လေတပ် ဦးစီးချုပ် နှင့်အတူ ထိုင်းဘုရင့်လေတပ်အကြံပေး Air Marshal Songpon Jangsri ၊  မြန်မာနိုင်ငံဆိုင်ရာ ထိုင်းဘုရင့် လေတပ်စစ်သံမှူး Group Captain Pruit Tugesuin နှင့် တာဝန်ရှိ သူ များ တက်ရောက်ကြသည်။

-

ထိုသို့ တွေ့ဆုံရာတွင် တပ်မတော် ကာကွယ်ရေး ဦးစီးချုပ်က မြန်မာ-ထိုင်းနှစ်နိုင်ငံသည် အိမ်နီးချင်း မိတ်ဆွေဟောင်း၊ မိတ်ဆွေကောင်း နိုင်ငံများဖြစ်ကြောင်း၊ တပ်မတော်နှစ်ရပ် အကြား ချစ်ကြည်ရင်းနှီးမှုသည် နှစ်နိုင်ငံ အတွက်အရေးကြီးကြောင်း၊ ယခုအခါတပ်မတော် နှစ်ရပ် အကြား ချစ်ကြည်ရင်းနှီးမှု ခိုင်မာကောင်းမွန်ခြင်းကြောင့် နှစ်နိုင်ငံအကြား ချစ်ကြည် ရင်းနှီးမှုကိုများစွာ အထောက်အကူဖြစ်စေကြောင်း၊ နှစ်နိုင်ငံ တပ်မတော်နှစ်ရပ်အကြား ချစ်ကြည်ရင်းနှီးမှုမှ တစ်ဆင့် နယ်စပ်ဒေသ တည်ငြိမ်အေးချမ်းအောင် ဆောင်ရွက် နိုင်ခဲ့ ကြောင်း ပြောကြားသည်။

-

ထို့နောက် ထိုင်းဘုရင့်လေတပ် ဦးစီးချုပ်က မိမိတို့ချစ်ကြည်ရေး ကိုယ်စားလှယ် အဖွဲ့အား လှိုက်လှဲစွာ ကြိုဆိုမှု အတွက်ကျေးဇူးတင်ရှိပါကြောင်း၊ မြန်မာ့တပ်မတော်(လေ)မှပထမဆုံးအကြိမ် အပ်နှင်းသည့်ဂုဏ်ထူးဆောင် လေသူရဲတောင်ပံ တံဆိပ်အား မိမိကို အပ်နှင်းသည့်အတွက် ၀မ်းမြောက် ဂုဏ်ယူပါကြောင်း၊ နှစ်နိုင်ငံတပ်မတော် နှစ်ရပ်နှင့် တပ်မတော်(လေ) နှစ်ရပ်အကြား ချစ်ကြည်ရင်းနှီးမှုနှင့်ပူးပေါင်းဆောင်ရွက်မှုများ ပိုမို တိုးတက်ကောင်း မွန်အောင် ဆောင်ရွက်သွားမည်ဖြစ်ပါကြောင်းပြောကြားသည်။

-

ယင်းနောက် နှစ်နိုင်ငံတပ်မတော် နှစ်ရပ်အကြား ချစ်ကြည်ရင်းနှီးမှုနှင့် ပူးပေါင်း ဆောင်ရွက် မှုများ ပိုမိုတိုးတက် ကောင်းမွန်စေရေးအတွက် အဆင့်အလိုက်ချစ်ကြည်ရေး ခရီးစဉ်များ အပြန်အလှန်လည်ပတ်ရေး၊ ချစ်ကြည် ရေးအားကစားပွဲများ၊ ယဉ်ကျေးမှု ဖလှယ်ခြင်းနှင့် (ကြည်း၊ရေ၊လေ) တပ်ဖွဲ့များ အချင်းချင်း ပူးပေါင်း ဆောင်ရွက် မှုများကို အကောင်အထည် ဖော် ဆောင်ရွက်နေမှုအခြေအနေများ၊ နှစ်နိုင်ငံနယ်စပ်ဒေသတည်ငြိမ် အေးချမ်းရေး ဆောင်ရွက် နိုင်မှုနှင့် သဘာဝ ဘေးအန္တရာယ် ကြိုတင်ကာကွယ်ရေး ဆိုင်ရာများတွင် ပူးပေါင်း ဆောင်ရွက်ရေး ကိစ္စရပ်များအားရင်းနှီးစွာ ဆွေးနွေးခဲ့ကြသည်။ 

-

-

ယင်းနောက် တပ်မတော် ကာကွယ်ရေး ဦးစီးချုပ်နှင့် ထိုင်းဘုရင့် လေတပ်ဦးစီးချုပ် တို့သည် အမှတ်တရ လက်ဆောင်ပစ္စည်း အပြန်အလှန်ပေးအပ်ပြီး တက်ရောက်လာကြသူများနှင့်အတူစုပေါင်းဓာတ်ပုံရိုက်ခဲ့ကြ ကြောင်းသတင်းရရှိသည်။

-

#မြ၀တီနေ့စဉ်သတင်းစာ