EDUCATION PROJECT & SKILLS COMPETITION-2018 ပြိုင်ပွဲ ကျင်းပ

-

မကွေး  ဒီဇင်ဘာ  ၂၃ 

-

မကွေးတိုင်းဒေသကြီး မကွေးမြို့ အမှတ်(၁) အခြေခံပညာ   အထက်တန်းကျောင်းရှိ ပန်းဟေဝန်ခန်းမ၌ ၂ဝ၁၈-၂ဝ၁၉ ပညာသင်နှစ် Education Projects & Skills Competition-2018 ပြိုင်ပွဲကို ယနေ့နံနက်ပိုင်းတွင် ကျင်းပသည်။ 

-

ရှေးဦးစွာ ပြိုင်ပွဲတွင် မကွေးတိုင်းဒေသကြီး အတွင်း မြို့နယ် ၂၅ မြို့နယ်ရှိ အလယ်တန်းအဆင့်    ကျောင်းသား၊ ကျောင်းသူ ၈၄ ဦး၊   မူလတန်းအဆင့် ကျောင်းသား၊ ကျောင်းသူ ၇ဝ ဦး  စုစုပေါင်းကျောင်းသား၊ ကျောင်းသူ ၁၅၄ ဦး ဝင်ရောက် ယှဉ်ပြိုင်ကြရာ မကွေးတိုင်းဒေသကြီး အစိုးရအဖွဲ့ဝင် လူမှုရေးဝန်ကြီး၊    တိုင်းဒေသကြီး ပညာရေးမှူးနှင့် တာဝန်ရှိသူများက ကြည့်ရှုအားပေးကြသည်။       

-

အလယ်တန်းအဆင့်တွင် နွှဲပျော်ဆင်နွှဲ ကျောင်းစုံညီပွဲ ခေါင်းစဉ်ဖြင့်  Project  ရေးဆွဲခြင်းကို လည်းကောင်း၊  မူလတန်းအဆင့်တွင် မေးခွန်းပေး၍ လည်းကောင်း ကျောင်းသား၊ ကျောင်းသူများက ယှဉ်ပြိုင်ဖြေဆိုကြသည်။ 

-

အဆိုပါ Education Project & Skills Competition-2018 ပြိုင်ပွဲကို  မကွေးတိုင်း ဒေသကြီး အတွင်းရှိ အခြေခံပညာ ကျောင်းများမှ ကျောင်းသား၊ ကျောင်းသူများ ICT နည်းပညာနှင့် ပတ်သက်ပြီး နိုင်ငံတကာနှင့် ယှဉ်ကာ စနစ်တကျ ကျွမ်းကျင်စွာ အသုံးပြုတတ်လာစေရေး၊ ICT  နည်းပညာ သုံးစွဲမှု ပိုမိုဖွံ့ဖြိုးတိုးတက် လာစေရေး   ရည်ရွယ်ကျင်းပခြင်း ဖြစ်ကြောင်း သိရသည်။

-

#မြ၀တီနေ့စဉ်သတင်းစာ