ကလေး ၁၇-၉-၂၀၁၈
စစ်ကိုင်းတိုင်းဒေသကြီး ကလေးမြို့ တာဟန်းရပ်ကွက် ဂန္ဓမာလမ်းနယ်မြေ (၁၆) အိမ်အမှတ် (၁ဝဝ) တွင် ယနေ့ နံနက် ၁၁နာရီ မိနစ် ၃ဝ ခန့်က အင်ဗာတာ အပူလွန်ကဲရာမှ လူနေအိမ်တစ်လုံး မီးလောင်ကျွမ်းမှု ဖြစ်ပွားခဲ့ကြောင်း သိရသည်။
အိမ်ရှင် ဦးနိုးသော့ ကပ်မိသားစုသည် လျှပ်စစ်မီး ပျက်နေသဖြင့် အင်ဗာတာဖွင့်ပြီး ဖုန်းအားသွင်းလျက် အိမ်တံခါးများ ပိတ်ကာ ဘုရားကျောင်း သွားနေကြစဉ် အင်ဗာတာအပူလွန်ပြီး နေအိမ်ကို မီးကူးစက် လောင်ကျွမ်းခဲ့ရခြင်းဖြစ်ကြောင်း သိရသည်။
မီးလောင်ရာနေရာသို့ ကလေးမြို့နယ် မီးသတ်ဦးစီးဌာနမှ မီးသတ်ယာဉ် လေးစီး၊ရေသယ်ယာဉ် နှစ်စီး၊မီးသတ်တပ်ဖွဲ့ဝင် ဦးရေ၃ဝနှင့် မြန်မာနိုင်ငံရဲတပ်ဖွဲ့ဝင် ဦးရေ ၂ဝ တို့ သွားရောက်၍ မီးငြှိမ်းသတ်ရာ မွန်းလွဲ ၁၂နာရီ ကျော်တွင် မီးငြှိမ်းသတ်နိုင်ခဲ့ကြောင်း သိရသည်။
အဆိုပါ မီးလောင်ကျွမ်းမှုကြောင့် ကာလတန်ဖိုးငွေကျပ် လေးသိန်း ခန့်ဆုံးရှုံးခဲ့ပြီး လူနှင့်တိရစ္ဆာန် ထိခိုက်ဒဏ်ရာရရှိမှု၊ သေဆုံးမှုမရှိခဲ့ကြောင်း သိရသည်။
ဖြစ်စဉ်နှင့်ပတ်သက်၍ အိမ်ပိုင်ရှင် နိုးသော့ကပ်ကို ကလေးမြို့မရဲစခန်းက (ပ)၁၆၉၁/၂ဝ၁၈၊ရာဇသတ်ကြီး ပုဒ်မ-၂၈၅ဖြင့် အမှုဖွင့် စစ်ဆေးဆောင်ရွက် လျက်ရှိကြောင်း သတင်းရရှိသည်။
# မြဝတီနေ့စဉ်သတင်းစာ
.jpg)
No comments:
Post a Comment