သိမ်းဆည်းရမိ တရားမဝင်သစ်များနှင့် မော်တော်ယာဉ်များကို တွေ့ရစဉ်။
နေပြည်တော် ၁၆-၇-၂ဝ၁၈
ရှမ်းပြည်နယ် (မြောက်ပိုင်း) သိန်းနီမြို့နယ် ရေပူစစ်ဆေးရေးဂိတ်၌ လုံခြုံရေး ဆောင်ရွက်နေသော ပူးပေါင်းအဖွဲ့က မော်တော်ယာဉ် ဖြတ်သန်းသွားလာမှုများကို စစ်ဆေးစဉ် ယနေ့မွန်းလွဲ ၁နာရီခွဲခန့်တွင် လားရှိုး-မူဆယ် ပြည်ထောင်စု ကားလမ်းမကြီး၊ မိုင်တိုင်အမှတ် (၁၉၂/၃) မိုင်၊ပန်ဖတ်ကျေးရွာအနီး၌ မသင်္ကာဖွယ် ရပ်တန့်ထားသည့် TOYOTA CROWN အမျိုးအစား ယာဉ်အမှတ် SHN 6H/------၊TOYOTA MARK II အမျိုးအစား ယာဉ်အမှတ် MDY 7I/------၊ TOYOTA HIACE အမျိုးအစား ယာဉ်အမှတ် MDY 7G/----နှင့် ယာဉ်အမှတ် MDY 1M/------- မော်တော်ယာဉ်လေးစီးကို စစ်ဆေးရှာဖွေခဲ့ရာ ၎င်းမော်တော်ယာဉ်များပေါ်မှ ပိတောက်
သစ်ဓားရွေတုံး စုစုပေါင်း ၁၁၃တုံး (ခန့်မှန်း၅ ဒသမ ၈၂၇၂တန်)ကို ပိုင်ရှင်မဲ့သိမ်းဆည်း ရမိခဲ့သည်။
အဆိုပါသိမ်းဆည်းရမိ တရားမဝင်သစ်များနှင့် မော်တော်ယာဉ်များကို သိန်းနီမြို့နယ် သစ်တောဦးစီးဌာနသို့ စနစ်တကျ လွှဲပြောင်းအပ်နှံခဲ့ကြောင်း သတင်းရရှိသည်။
#Themyawadydaily
.jpg)
No comments:
Post a Comment