ထုံးဖြူသုတ်ကြသူများ

မောင်ခိုင်ကျော် (မြိတ်)

ကျွန်တော်တို့ ငယ်ငယ်တုန်းက ကျောင်းများတွင် ကျောင်းစစ် လာမည်ဟု သတင်းရလျှင် အနှစ်နှစ် အလလ က ညစ်ပတ် ယိုယွင်း နေသော ကျောင်းနံရံ ၊ ခြံစည်းရိုး များကို ထုံးဖြူ အလျင် အမြန် သုတ်ပြီး ဖုံးဖိ ရ၏။ ဆက်တီ ၊ စားပွဲ ၊ ကုလားထိုင် ၊ ပန်ကာ များကို ကျောင်းသား မိဘများ ထံမှ ငှားရမ်းကာ ပြီးပြည့်စုံသော ကျောင်းတစ်ခု အဖြစ် အလျင် အမြန် ဖန်တီးရ၏။ မိမိကျောင်း၏ လိုအပ်ချက် များကို အရှိကို အရှိအတိုင်း မတင်ပြရဲ။ ကျောင်းစစ် ပညာရေးမှူး ကို " ခေါင်းညိတ် ၊ သွားဖြဲ " ပြပြီး ဆရာ - ဆရာမ များ ကိုယ်တိုင် စနစ်ဆိုး တစ်ခု၏ သားကောင် အဖြစ်သို့ ရောက်ရှိ ခဲ့ရ၏။

ဒေသတစ်ခု လမ်းတစ်လမ်း တွင် လူကြီး လာမည် ဆိုလျှင်လည်း လမ်းဘေး ဈေးသည် ၊ ဈေးဆိုင် တဲများ ကြိုတင် ဖယ်ရှား ထားရ၏။ ခွေဝဲစား များလည်း အမဲသားတုံး လက်ချက် မိသွား၏။ လကမ္ဘာလမ်း လည်း ခဏတာ အတွင်း အပေါက်ဖာ ပြီးသွား၏။ နေရာတကာ ထုံး ဖြူဖြူ ဖွေးဖွေး နှင့် ထိုလူကြီး၏ အမြင်တွင် ပသာဒ ဖြစ်နေတော့၏။ ထိုလူကြီး များ၏ အထင်တွင် ယခင် အခြားရက် များ၌လည်း ဤလမ်း ၊ ဤဒေသ၌ ဤကဲ့သို့ပင် ရှင်းလင်း တောက်ပြောင် နေပြီး သကာရည် ရွှမ်းသော ရပ်ကွက် လူကြီး၏ ဖော်လံဖား မျက်နှာကို ကြည့်ပြီး " စံပြ ရပ်ကွက် ၊ စံပြလမ်း " ဖြစ်သည်ဟု ချီးမြှောက် မှတ်ချက် ချသွား လေ၏။

အမှန်မှာ ဆင်းရဲ ဒုက္ခ ရောက်နေသော ပြည်သူများ၏ မျက်နှာကို မြင်စေ ချင်သည်။ လမ်းဘေး ဈေးသည် များ၏ သ၀ သရုပ် သကန် အမှန်ကို သိစေချင်သည်။ ပုပ်ဟောင် နေသော လမ်းဘေး အမှိုက်ပုံ များနှင့် ပိတ်ဆို့ နေသော ရေမြောင်း များကို  ကြည့်စေချင် သည်။ မီးပြတ်ည၏ ပြည်သူ့ဘ၀ကို စာနာ စေချင်သည်။ ခြင် ၊ ယင် ၊ ကြွက် မျိုးတိုးပွား လာမှုကို ဆန်းစစ် စေချင်သည်။ အရှိကို အရှိအတိုင်း ၊ အသိကို အသိအတိုင်း အထက် တာဝန် ရှိသူများကို တင်ပြ စေချင်သည်။ သို့သော် ယနေ့ ဒီမိုကရေစီ အသွင် ကူးပြောင်းစ အချိန်ထိတော့ ထုံးဖြူသတ် ထားသည့် စာတမ်းကို အစီရင်ခံ နေတုန်းပင်။

ရာစုနှစ် တစ်ဝက်မျှ ခံစား ခဲ့ရသော အာဏာရှင် စနစ်၏ ထုံးဖြူ သုတ်လိမ်း လိမ်လည်မှု များကြောင့် နိုင်ငံတော်ကြီး ကမ္ဘာ့ အဆင်းရဲဆုံး နိုင်ငံစာရင်း ၀င်သွားသည်။ သစ်တောကြီး များ ပျောက်သွားသည်။ ရာသီဥတု များ ဖောက်လာသည်။ ပြည်သူတို့၏ အမှန်တရားများ လမ်းပျောက် ခဲ့သည်။ ပြည်သူ့ သယံဇာတ များ တိုင်းတစ်ပါး လက်ထဲ ရောက်ခဲ့ လေပြီ။ အကျင့် စာရိတ္တ များ ဆိုးလာသည်။ ပြည်သူ့ ဘဏ္ဍာကို ခိုးသော ၊ တိုးပြည် ဘဏ္ဍာကို ခိုးသော သူခိုးကြီး ၊ သူခိုးလေး များ ပေါများ လာသည်။ တရားရေး မဏ္ဍိုင် ယိုင်လဲလု မတတ် ဖြစ်နေပါပြီ။ ၀န်ထမ်း အများစု ကတော့ " လာဘ်ပေး လာဘ်ယူ တို့ ကြည်ဖြူ ၊ လာဘ်ယူ လာဘ်ပေး နောင်ရေးအေး "  ဆိုတဲ့ ဆောင်ပုဒ် လေးကို အကြိုက်တွေ့ နေတုန်းပါပဲ။

" ညစ်နွမ်းနေသော စိတ်ဓာတ် ၊ အောက်တန်း ကျလှသော အပြုအမူ ၊ နိမ့်ပါးလှသော သမာဓိ - သိက္ခာ များနှင့် " အလွယ်တကူ ထုံးဖြူ သတ်လိမ်းပြီး ပြည်သူ လူထုကို မလိမ်ညာ ပါနှင့်တော့။

ပွင့်လင်း မြင်သာမှုများ ရှိစေချင်သည်။ အမည်းကို အမည်း ၊ အဖြူကို အဖြူ ၊ အရှိကို အရှိအတိုင်း ထုတ်ဖော် ပြောပြနိုင်သော သတ္တိများ မွေးစေချင်သည်။ ကံကြမ္မာ အကြောင်းမလှ၍ ပြည်သူများ၏ ဆင်းရဲ မွဲတေမှု ကို ချက်ချင်း မပြောင်းလဲ နိုင်သော်မှ ထုံးဖြူသုတ် အရောင်ဆိုး ထားသည့် ခေတ်ဟောင်း အမွေဆိုး ကြီးကိုတော့ ယခုပင် ပြောင်းလဲ သင့်ပါပြီ။ ဘုရား ၊ ကျောင်း ၊ ကန် ၊ ပုထိုး ၊ စေတီ က ထုံးဖြူ သင်္ကန်းသည် ပြည်သူ ပြည်သား တို့၏ စိတ်ထား အမှန်ကို ဖော်ပြ နေခြင်း ဖြစ်သည်။  ။