အင်္ဂလိပ် ဘာသာစကား အကျွမ်းတ၀င် ရှိစေရန်

လင်းကိုကို ၊ ၂၀-၂-၂၀၁၃

ကမ္ဘာတစ်ဝန်း တွင် နည်းပညာ များသည် နေ့စဉ်နှင့်အမျှ တိုးတက်လျက် ရှိသဖြင့် ယနေ့ ခေတ်ကမ္ဘာ ကြီးအား World of Knowledge ဟုပင် တင်စား ခေါ်ဝေါ်လျက် ရှိပေသည်။ ထိုကဲ့သို့ နေ့စဉ်နှင့် အမျှ တိုးတက် ပြောင်းလဲ နေသော နည်းပညာ များအား မျှဝေ ရယူနိုင်ရန် အတွက် မဖွံ့ဖြိုး သေးသော နိုင်ငံများ နှင့် ဖွံ့ဖြိုး တိုးတက်ပြီး နိုင်ငံများ အကြား ဆက်သွယ် ပေးမည့် လမ်းကြောင်း တစ်ခု ခင်းပေးရန် လိုအပ်လာ ပါသည်။ ထိုကဲ့သို့ ဖွံ့ဖြိုးပြီး နိုင်ငံများမှ နည်းပညာ တိုးတက်မှု များအား ဖွံ့ဖြိုးဆဲ နိုင်ငံများသို့ လွှဲပြောင်း ရယူရန် ကြားခံပေးမည့် အရာမှာ နှစ်ဦးနှစ်ဖက် နားလည် ဆက်သွယ် နိုင်မည့် ဘာသာစကား ပင် ဖြစ်ပါသည်။ယနေ့ ကမ္ဘာကြီးတွင် ဘာသာစကား မျိုးစုံရှိသည့် အနက် ကျွန်တော်တို့ နိုင်ငံ အနေဖြင့် ဖွံ့ဖြိုးပြီး နိုင်ငံများမှ နည်းပညာ များကို ရယူနိုင်ရန် အတွက် အသုံးများသော ဘာသာစကား မှာ အင်္ဂလိပ် ဘာသာစကား ဖြစ်ပါသည်။

မြန်မာနိုင်ငံ သည် တစ်ချိန်က အင်္ဂလိပ် လက်အောက်ခံ ကိုလိုနီ ဘ၀ကျရောက် ခဲ့သဖြင့် အင်္ဂလိပ် ဘာသာစကား ကို ရုံးသုံးအဖြစ် ကျင့်သုံးခဲ့ ပါသည်။ ထို့ကြောင့် ထိုကာလတွင် လူကြီး လူငယ်များ အနေဖြင့် အင်္ဂလိပ် ဘာသာကို ယဉ်ပါးမှု ရှိခဲ့ပြီး အင်္ဂလိပ် ဘာသာဖြင့် ဆောင်းပါး ၊ ကဗျာ ၊ ၀တ္ထု စသည်တို့ကို ရသမြောက်အောင် ရေးနိုင် သည်အထိ အင်္ဂလိပ် စာကို ကျွမ်းကျင်မှု ရှိခဲ့ပါသည်။

ဘာသာစကား ၏ သဘော သဘာဝမှာ နေ့စဉ် ထိတွေ့ နေရပါက ထို ဘာသာစကား ဖြင့် ယဉ်ပါးပြီး နားလည် တတ်ကျွမ်းမှု မြန်ဆန် သည်ကို တွေ့ရှိ ရပါသည်။ ဥပမာ အားဖြင့် ပုဂံ ရှေးဟောင်း မြို့တော် နှင့် အလားတူ နိုင်ငံခြားသား များလာရောက်မှု များသောဒေသရှိ ကလေးများသည် မိမိတို့ ၀မ်းရေးအား ထိန်းကျောင်းမှု ပြုရာမှ နိုင်ငံခြား သားများနှင့် ထိတွေ့မှု များလာပြီး နိုင်ငံခြား ဘာသာစကား များ နားလည် ပြောဆို လာနိုင်သည်ကို တွေ့ရှိ ရပါသည်။ ၄င်းတို့ အနေဖြင့် အင်္ဂလိပ် ဘာသာအပြင် ပြင်သစ် ၊ ဂျာမန် စသော ဘာသာစကား များကိုပင် ပြောဆို လာနိုင်သည်ကို တွေ့ရှိ ရပါသည်။

ကျွန်တော် ငယ်စဉ်က အသက် ၉ နှစ်ခန့်မှ ၁၆ နှစ်ခန့်အထိ ရှမ်းပြည်နယ် မြောက်ပိုင်း တွင် နေထိုင်ခဲ့ရ စဉ်က ဘေးပတ်ဝန်းကျင် ရှိ သူငယ်ချင်း များမှာ ရှမ်းလူမျိုး နှင့် ကချင်လူမျိုး များသာ ဖြစ်ပါသည်။ ကစား အတူတူ ၊ စားအတူတူ ၊ စာသင် အတူတူ ဖြစ်သဖြင့် စနစ်တကျ လေ့လာ့ သင်ယူမှု မပြုသော်လည်း များမကြာမီ ကချင်စကား နှင့် ရှမ်းစကား တို့ကို နားလည် လာပြီး မိမိပြောဆို လိုသည်ကို ပြန်ပြောနိုင်သည့် အခြေအနေ အထိ ရောက်ရှိ ခဲ့ပါသည်။ ယခုအခါ ထိုကချင် ၊ ရှမ်း ဘာသာစကား များနှင့် မထိတွေ့ သည်မှာ ကြာပြီ ဖြစ်သဖြင့် တစ်လုံးစ နှစ်လုံးစ သာ မှတ်မိပါ တော့သည်။

ထို့အတူ နိုင်ငံ တစ်နိုင်ငံသို့ ပညာတော်သင် သွားကြသော လူငယ်တစ်စုသည် ထိုနိုင်ငံ၏ ဘာသာစကား စသည်တို့ကို စနစ်တကျ လေ့ကျင့် သင်ကြားပြီးမှ သွားကြခြင်း ဖြစ်သော်လည်း အကြို သင်တန်း ၊ ပထမနှစ် သင်တန်း စသည်တို့တွင် မြန်မာလူငယ် တို့၏ရလဒ်မှာ အခြား ဖွံ့ဖြိုးဆဲ နိုင်ငံများ ဖြစ်သည့် အာဖရိက ၊ အာရှ နိုင်ငံများမှ သင်တန်းသား များထက် ပိုမို နိမ့်ကျ ဆိုးရွား နေသည်ကို ကြုံတွေ့ ရပါသည်။ ထို့ကြောင့် သင်တန်းသား များထဲမှ အသက်အရွယ် ရော ၊ ပညာအရပါ ၀ါစဉ်ကြီးသော ပါရဂူ သင်တန်းသား တစ်ဦးအား မည်ကဲ့သို့ ဖြစ်ရသည်ကို လေ့လာ ဖော်ထုတ်ရန် တာဝန် ပေးခဲ့သည်။ အဆိုပါ သင်တန်းသား မှ လေ့လာရာတွင် မြန်မာ လူငယ်တို့၏ ဥာဏ်ရည် မမီ၍ ရလဒ်ဆိုးဝါး ရခြင်း မဟုတ်ဘဲ သင်ကြား ပို့ချချက် နှင့် မေးခွန်းကို နားမလည် ၍ ဖြစ်ကြောင်း တွေ့ရှိ ရပါသည်။ အခြား နိုင်ငံများမှ သင်တန်းသား များကမူ ဘာသာစကား ကို မိမိတို့ လူငယ်များထက် ပိုမို ကျွမ်းကျင်သဖြင့် စာမေးပွဲ ရလဒ် ကောင်းမွန်ကြောင်း တွေ့ရှိရပါသည်။ အခြား သင်တန်းသားများ ဘာကြောင့် မိမိတို့ထက် ဘာသာစကား ကျွမ်းကျင်မှု ကောင်းရသည်ကို ဆက်လက် လေ့လာရာ အဓိက အချက်ကြီးကို တွေ့ရှိရ ပါတော့သည်။ ထို အဓိက အချက်မှာ အခြား မဟုတ်ပေ။ မြန်မာ လူငယ်များသည် တိုင်းတစ်ပါးတွင် နေထိုင် ပညာသင်ကြား ရသဖြင့် အခြား နိုင်ငံသား များနှင့် အပေါင်းအသင်း သိပ်မလုပ်ဘဲ အဆောင်တွင် စည်းလုံး ညီညွတ်စွာ နေကြသည်။ သင်တန်းမှ ပြန်ရောက် သည်နှင့် မိမိတို့ အချင်းချင်း မိခင် ဘာသာစကား ဖြင့် ပြောဆို နောက်ပြောင် ၊ ကစားခုန်စား ပြုလုပ်ကြသည်။ အခြား နိုင်ငံများမှ သင်တန်းသား များကမူ ဌာနေ အတန်းတူ သင်တန်းသား များနှင့် သင်တန်းချိန် ရော သင်တန်း ပြင်ပချိန် တွင်ပါ ကူးလူးဆက်ခံ ၊ ရောနှော နေကြသည်။ ၄င်းတို့ချည်း တစ်ဆောင်တည်း ၌ စုပြုံ မနေဘဲ နိုင်ငံတကာ သင်တန်းသား များ၏ အဆောင် များတွင် ကျပန်း နေထိုင်ပြီး ကစား ခုန်စားပြုကြ ၊ ပေါင်းသင်း ဆက်ဆံကြ၏။

ထိုအချက်က ဘာသာစကား ကျွမ်းကျင်မှုကို ဖြစ်စေသဖြင့် သူတို့နှင့် နှိုင်းယှဉ်လျှင် မြန်မာ လူငယ်များ စာမေးပွဲတွင် ရလဒ်ဆိုးဝါး ရခြင်း ဖြစ်ကြောင်း တွေ့ရှိရသည်။ ထို့ကြောင့် မြန်မာ သင်တန်းသား များကိုလည်း အခြား နိုင်ငံစုံမှ သင်တန်းသား များနှင့် ရောနှော နေထိုင်စေပြီး မြန်မာစကား ပြောဆိုခြင်း ကို ကြပ်မတ် လျော့ချစေခဲ့ သဖြင့် သုံးလအတွင်း နိုင်ငံတကာ သင်တန်းသား များကို အမှီလိုက် နိုင်ခဲ့ပြီး နောက်ပိုင်းတွင် ထိပ်ပိုင်း စာရင်းဝင် သင်တန်းသား များဖြစ်သွားကြောင်း မှတ်သား သိရှိဖူးပါသည်။

ဆိုလိုသည်မှာ ဘာသာစကား တစ်ခုကို ကျွမ်းကျင် တတ်မြောက် လိုပါက ထို ဘာသာစကား နှင့် အကျွမ်းတ၀င် ထိတွေ့နေ စေရန် ဖြစ်ပါသည်။ လူမျိုးခြား တို့အကြားတွင် နေထိုင် ခြင်းဖြင့် ထိုလူမျိုးခြား တို့နှင့် မလွဲမသွေ ဆက်ဆံ ရမည်ဖြစ်ရာ ထိုလူမျိုးခြား တို့နှင့် ဆက်သွယ်ရမည့် ဘာသာစကား ကို မဖြစ်မနေ အသုံးပြု ရတော့မည် ဖြစ်သည်။ ဤတွင် သုံးစွဲရမည့် ဘာသာစကား နှင့် စပ်လျဉ်း၍ သိရှိသမျှ ဝေါဟာရ ၊ အသုံးအနှုန်း တို့ဖြင့် မိမိ၏ ခံစားမှု ပေါ်လွင်အောင် မဖြစ်မနေ ပြောဆို ရတော့မည် ဖြစ်ပါသည်။ ထိုသို့ ပြောဆိုမှသာ ဘာသာစကား ကျွမ်းကျင်မှုကို ရရှိ ပိုင်ဆိုင်နိုင်မည် ဖြစ်ပါသည်။

မြန်မာနိုင်ငံတွင် လူငယ် အများစု အနေဖြင့် အင်္ဂလိပ် ဘာသာစကား ၏ အရေးပါပုံကို သိရှိသဖြင့် အင်္ဂလိပ်စာ သင်တန်းများကို အပြိုင်အဆိုင် တက်ကြသည်။ ဘယ်နေရာမှ ဘယ်ဆရာ ကောင်းသည် ဆိုပါက ထိုနေရာသို့ အလုအယက် သွားတတ် ကြသည်။ ဘယ်ဆရာ ဘယ်လောက်နဲ့ အတတ်သင် ပေးမည်ဟု ဆိုပါက သွားတက် ကြပြန်သည်။ သို့သော် တိုးတက်မှုကား မရှိကြပေ။ အဘယ့်ကြောင့် ဆိုသော် သင်တန်း ပြင်ပ ရောက်သည်နှင့် မိခင် ဘာသာစကားကို သာ ပြောဆိုကြပြီး လူကြားထဲတွင် အင်္ဂလိပ် လို ပြောရမှာ မ၀ံ့မရဲ ဖြစ်နေ၍ ဖြစ်ပါသည်။

ယခုအခါ ငွေကြေး တတ်နိုင်သူ တို့သည် မူကြိုအရွယ်မှု စ၍ မူလတန်း ၊ အလယ်တန်း ၊ အထက်တန်း အဆင့်တို့ အထိ အင်္ဂလိပ်လို သာသင်သော ပုဂ္ဂလိက သင်တန်းကျောင်း များနှင့် နိုင်ငံခြား သံရုံးများမှ ဖွင့်လှစ်သော သင်တန်းများသို့ ပို့လွှတ်သော ဓလေ့ ခေတ်စားလျက် ရှိသည်။ ထိုကျောင်းများတွင် တက်ရောက် သင်ကြား နေသော ကလေးငယ် အများစုသည် ကျောင်းတွင် မြန်မာစကား လုံးဝ မပြောကြဘဲ နိုင်ငံခြားသား နှင့် ပြည်တွင်း ဆရာများ၏ ကြပ်မတ် သင်ကြား ပေးမှုကြောင့် အင်္ဂလိပ် စကားကို ထမင်းစား ရေသောက် ပြောလာနိုင် ကြသည်ကို တွေ့ရှိရသည်။ နိုင်ငံတော်အဆင့် ကျင်းပသော အင်္ဂလိပ်စာ စွမ်းရည် ပြိုင်ပွဲ စသည်တို့တွင် အစွမ်းပြသူ အများစုသည် ပြင်ပ အင်္ဂလိပ်စာ သင်တန်းများမှ လေ့လာဆည်းပူး ခဲ့ကြသူများ ဖြစ်ကြောင်း သိရှိရ ပါသည်။ ထို့ကြောင့် နိုင်ငံတော် အတွင်းရှိ ကျောင်းသား လူငယ်များ အင်္ဂလိပ်စာ စွမ်းရည် တိုးတက် မြင့်မားစေရေး အတွက် အင်္ဂလိပ်စာ နှင့် ထိတွေ့နေ စေမည့် ၀န်းကျင်ကို ဖန်တီးပေးရမည် ဖြစ်ပါသည်။

ကျွန်တော်တို့ နိုင်ငံတွင် ယခင်က ကိုရီးယား စကား ၊ ကိုရီးယား လူမျိုးတို့နှင့် ထိတွေ့ ဆက်ဆံမှု နည်းပါး ခဲ့သည်။ ကိုရီးယား စကားကို မည်သူမျှ အကျွမ်းတ၀င် မရှိခဲ့ပေ။ ယခုမူ မည်သည့် နေရာသွားသွား ဈေး၌ ၊ ကျောင်း၌ ၊ အလုပ်ခွင်၌ အိုပါး ၊ အာဘူဂျီး ၊ အညာဇယော တို့ကို ကြားနေရသည်။ အချို့ လူငယ်များ ဘာသာစကား ပါရမီ ရှိ၍လား မသိ ကိုရီးယား စကားလုံး အများစု၏ အဓိပ္ပာယ်ကို သိရှိ နားလည်လျက် ရှိသည်။ ဤသည်မှာ Free to Air လွှင့်သော MRTV , MRTV 4 ၊ မြ၀တီ နှင့် Channal 7 ရုပ်သံ တို့တွင် ပြသလျက် ရှိသော ကိုရီးယား ဇာတ်လမ်းတွဲ များ၏ အကျိုးဆက် များပင် ဖြစ်ပါသည်။

ထို့ကြောင့် မြန်မာ လူငယ်များ အကြားတွင် အင်္ဂလိပ်စာ တတ်ကျွမ်း နားလည်မှု စွမ်းရည် မြှင့်တင် ပေးရန် အတွက် အင်္ဂလိပ် ဘာသာစကား နှင့် လူထုကို ထိတွေ့ ပေးရန် လိုအပ်မည် ဖြစ်သည်။ ထို့ကြောင့် အခမဲ့ ထုတ်လွှင့်သော ရုပ်မြင် သံကြား ဌာနများမှ Prime - Time အချိန် များတွင် ထုတ်လွှင့်လျက် ရှိသော ကိုရီးယား ဇာတ်လမ်းတွဲ များနေရာတွင် ဆွဲဆောင်မှု ရှိသော ကာလပေါ် အင်္ဂလိပ် စကားပြော ၊ မြန်မာ စာတမ်းထိုး ဇာတ်လမ်းတွဲ များ ၊ အင်္ဂလိပ် စာတမ်းထိုး ဇာတ်လမ်းတွဲ များကိုပါ အစားထိုး ပြသခြင်းဖြင့် လူထုနှင့် အင်္ဂလိပ် ဘာသာစကား ထိတွေ့ ပေးသင့်သည်ဟု ထင်မိပါသည်။ အင်္ဂလိပ် စကားပြော ၊ မြန်မာ စာတမ်းထိုး ဇာတ်လမ်းများ ကြည့်ခြင်း အားဖြင့် နားထောင်မှု စွမ်းရည် Listening Skill နှင့် ဝေါဟာရ ကြွယ်ဝမှု Vocabulary တိုးတက် လာမည် ဖြစ်ပြီး ၊ အင်္ဂလိပ် စာတန်းထိုး ဇာတ်ကား ကြည့်ခြင်း အားဖြင့် အင်္ဂလိပ်စာ ဖတ်စွမ်းရည် Reading Skill မြင့်မား လာမည် ဖြစ်ပါသည်။ တစ်ဘက်မှလည်း ကလေး သူငယ်များ စိတ်ဝင်စား စေမည့် ရောင်စုံ သရုပ်ဖော်ပုံ များဖြင့် ရိုက်နှိပ် ထားသော အင်္ဂလိပ် စာအုပ်များကို ကျောင်း စာကြည့်တိုက် များအတွင်းသို့ ဖြန့်ဝေ ပေးရန် လိုမည်ဟု ထင်မိပါသည်။

ကျွန်တော်တို့ လူလားမြောက် စဉ်က ငါးတန်းရောက်မှ အင်္ဂလိပ်စာ စတင် သင်ကြားရပြီး အင်္ဂလိပ် စကားပြော သည်ကို ရုတ်ချသော အချိန် နှင့် ကြုံရသဖြင့် အင်္ဂလိပ်စာ ညံ့ခဲ့ရ ပါသည်။ နောင် အင်္ဂလိပ်စာ လေ့လာ လိုသည့် အသက်အရွယ်တွင် အင်္ဂလိပ် စာတန်းထိုး ဂျပန် ဇာတ်ကားများ ၊ ဟောင်ကောင် အက်ရှင်ကား များကို ကြည့်ပြီး ခေတ်ပေါ် အင်္ဂလိပ် စကား အသုံးအနှုန်း များကို လေ့လာ ခဲ့ရပါသည်။ 7 Nights in Japan , Murder in the Deep , Princess and Photograper , Take me away ကဲ့သို့သော ဇာတ်ကားများ နှင့် တီလုံး ၊ ဒေးဗစ်ချမ်း ၊ ဂျက်ကီချန်း ၊ ဂျက်လီ တို့၏ အက်ရှင် ကားများ ဖြစ်သည်။ တစ်ဖန် မြန်မာ့ ရုပ်မြင်သံကြား မှ ည ၁၀ နာရီခန့်တွင် အင်္ဂလိပ် ဘာသာဖြင့် သတင်းလွှင့် ပေးသောကြောင့် လေ့လာခွင့် ရရှိခဲ့ ပေသည်။

သို့ဖြစ်ပါ၍ မြန်မာ လူငယ်ထု များအကြား အင်္ဂလိပ် ဘာသာစကား အကျွမ်းတ၀င် ရှိစေရေး အတွက် ပြန်ကြားရေး ၀န်ကြီးဌာန ၊ ပညာရေး ၀န်ကြီးဌာန နှင့် တာဝန်ရှိ သူများအနေဖြင့်

• အင်္ဂလိပ် စကားပြော ၊ မြန်မာ စာတမ်းထိုး ဇာတ်လမ်းတွဲများအား ရုပ်မြင်သံကြားတွင် ပြသရေး
• အခြားဘာသာစကား ပြော ဇာတ်ကားများအား အင်္ဂလိပ် စာတမ်းထိုး၍ ပြသရေး
• မြန်မာ့အသံ နှင့် ရုပ်မြင်သံကြား တွင် ညပိုင်း သင့်တော်သော အချိန်၌ အင်္ဂလိပ် ဘာသာဖြင့် သတင်း ကြေညာပေးရေး
• နိုင်ငံတကာတွင် အသုံးပြု နေသော အင်္ဂလိပ် ဘာသာစကား မြှင့်တင်ရေး စာအုပ် စာစောင်အား အခြေခံ ပညာကျောင်း များ (တောရော မြို့ပါမကျန် ) ၏ စာကြည့်တိုက် များသို့ ဖြည့်တင်း ပေးရေး
• လက်ရှိ ဆောင်ရွက်နေသော အင်္ဂလိပ် ဘာသာစကား ကျွမ်းကျင်မှု ပြိုင်ပွဲများ ၊ ကျပန်း စကားပြော ပြိုင်ပွဲများအား ကျင်းပရေး တို့ကို အရှိန်အဟုန် ဖြင့် ဆောင်ရွက် သင့်ပါကြောင်း ရေးသား တင်ပြ လိုက်ရပါသည်။