ပြည်ထောင်စု ငြိမ်းချမ်းရေး ညီလာခံ-(၂၁) ရာစုပင်လုံ တတိယ အစည်းအဝေးမှ စကားသံများ

နေပြည်တော် ၁၇-၇-၂ဝ၁၈

ပြည်ထောင်စု ငြိမ်းချမ်းရေး ညီလာခံ-(၂၁)ရာစု ပင်လုံတတိယ အစည်းအဝေး ဆဋ္ဌမနေ့ကို နေပြည်တော်ရှိ မြန်မာ အပြည်ပြည်ဆိုင်ရာ ကွန်ဗင်းရှင်း ဗဟိုဌာန-၂၌ ယနေ့နံနက်ပိုင်းတွင် ကျင်းပရာ အစည်းအဝေးသို့ တက်ရောက် လာကြသူများ၏ စကားသံများကို ဖော်ပြလိုက်ရပါသည်-

ဒုတိယ ဗိုလ်ချုပ်ကြီး တင်မောင်ဝင်း (ငြိမ်းချမ်းရေး ညီလာခံ သဘာပတိ အဖွဲ့ဝင်)

နောက်လုပ်မယ့် ပြည်ထောင်စုငြိမ်းချမ်းရေးညီလာခံ-(၂၁)ရာစုပင်လုံ တတိယအစည်းအဝေးပြီးတာနဲ့ လုံခြုံရေး ကဏ္ဍနဲ့ ပတ်သက်လို့ သူတို့ အလုပ်ရုံဆွေးနွေးပွဲလုပ်ပြီးတော့ ဆွေးနွေးကြမှာပါ။ ဒါကို တိုးတက်အောင် လုပ်ရမယ်။ လုံခြုံရေးကဏ္ဍ မပါလို့မရဘူး၊ ပါမှရမယ်။ လုံခြုံရေး ကဏ္ဍပါနိုင်ဖို့အတွက်ကို နောက်ငြိမ်းချမ်းရေး ညီလာခံတွေမှာ အစုအဖွဲ့ အသီးသီးကနေ ဝိုင်းဝန်းကြိုးပမ်းပြီး ဆောင်ရွက်နေပါတယ်။ အခက်အခဲဆိုတာထက် နှစ်ဖက်စလုံးက သဘောတူညီမှုတော့မရသေးဘူး။ သူ့အမြင်၊ ကိုယ့်အမြင်ဖြစ်နေကြတာပါ။ လုံခြုံရေးဆိုင်ရာ ပေါင်းစည်းရေး ကိစ္စတွေကလည်း မလွဲမသွေ လုပ်ရမယ့်ကိစ္စပဲဖြစ်ပါတယ်။ အစုအဖွဲ့တွေကနေ ညီလာခံပြီးတာနဲ့ အမြန်ဆုံး အလုပ်ရုံ ဆွေးနွေးပွဲတွေ၊ တိုးတက်မှုရလဒ်တွေရအောင်ဆောင်ရွက်ကြမယ်။ ဆွေးနွေးပွဲတွေတစ်ခုပြီးတစ်ခု ရောက်တိုင်းရောက်တိုင်းမှာ ရှေ့ကို ရွေ့သွားမှာပဲ။ ဒုတိယအကြိမ်အစည်းအဝေးမှာ ၃၇ ချက်၊ အခု တတိယ အကြိမ်အစည်း အဝေးမှာ ၁၄ ချက်၊ နောက်အစည်းအဝေးတွေမှာလည်း တိုးတက်လာမှာပဲ၊ တိုးတက် တယ်ဆိုတာ ကောင်းသော ရလဒ်ပဲလေ၊ ရှေ့ကိုပဲ သွားမှာပါ နောက်ဆုတ်စရာမရှိပါဘူး။

ဒုတိယဗိုလ်ချုပ်ကြီး ခင်ဇော်ဦး (ငြိမ်း) (UPDJC အတွင်းရေးမှူးအဖွဲ့ အဖွဲ့ဝင်)

ဒီညီလာခံဟာ သာမန်အားဖြင့်ကြည့်မယ်ဆိုရင် NCA လက်မှတ်မထိုးရ သေးတဲ့အဖွဲ့ တွေတက်ရောက်တာရှိပါ တယ်။ တကယ်တော့ နိုင်ငံရေး အရကြည့်မယ်ဆိုရင် အနှစ်သာရ အများကြီးရှိပါတယ်။ သူတို့ဖွင့်ပွဲ အခမ်းအနားကို လာတက်ပြီဆိုက တည်းက ငြိမ်းချမ်းရေး လမ်းစဉ်ကို သူတို့လက်ခံတယ်ဆိုတဲ့ အနေအထားမျိုးကို တွေ့ရ ပါတယ်။ ပြီးတော့ သူတို့ ရောက်ရှိလာတဲ့အချိန် နိုင်ငံတော်အကြီးအကဲတွေနဲ့ တွေ့ဆုံ ဆွေးနွေးကြတဲ့အခါမှာ သူတို့ဟာ ဒုတိယခေါင်းဆောင်တွေ၊ ဒုတိယဥက္ကဋ္ဌ တွေဖြစ်ပါတယ်။ ပြီးတော့ နိုင်ငံတော်ရဲ့ အမြင်၊ စေတနာ၊ တပ်မတော်ရဲ့ သဘောထား၊ တပ်မတော်ရဲ့ စေတနာတွေကို သူတို့ကိုယ်တိုင် နားနဲ့ကြားသွားတဲ့ အတွက်ကြောင့် ဒါတွေကို သူတို့ရဲ့သက်ဆိုင်ရာ ကော်မတီတွေ၊ ဗဟို ကော်မတီတွေကို တင်ပြမယ်ဆိုရင် အပြုသဘော ဆောင် တဲ့ အတွက်ကြောင့် နိုင်ငံရေးအနှစ်သာရ အများကြီးရှိပါတယ်။ သူတို့တွေလည်းအများကြီး ဝမ်းမြောက်ဝမ်းသာ ရှိပါတယ်။ ဒီကလူကြီးတွေ ကလည်း နွေးနွေးထွေးထွေးနဲ့ဆက်ဆံတယ်၊ အသေးစိတ် ရှင်းပြတယ်၊ ဆွေးနွေးကြ တယ်၊ သူတို့ ကိုယ်တိုင်ကလည်း သူတို့ရဲ့သဘောထား ကိုတင်ပြနိုင်ခွင့် ရလိုက်ခြင်းဟာ သူတို့အတွက် အမြတ် ဖြစ်ပါ တယ်။ ဒါဟာလည်း နိုင်ငံရေး အတွက် အနှစ်သာရ အများကြီးရှိပါတယ်။

ဗိုလ်ချုပ် စိုးနိုင်ဦး (UPDJC အတွင်းရေးမှူးအဖွဲ့ အဖွဲ့ဝင်)

တိုင်းရင်းသားလက်နက်ကိုင်အဖွဲ့အစည်းတွေလက်မှတ်ရေးထိုးထားတဲ့ ဒေသတွေမှာ တိုက်ပွဲတွေမရှိ သလောက် ပါပဲ။ လက်နက်တွေ ကိုင်ထားဆဲဖြစ်တဲ့အတွက် ဒေသခံပြည်သူတွေအနေနဲ့ကတော့ ဘယ်တော့တိုက်ပွဲပြန်ဖြစ် မလဲဆိုတဲ့အယူအဆနဲ့ စိုးရိမ်စိတ်တွေဖြစ်နေတယ်။ မြန်မာနိုင်ငံရေးရဲ့ငြိမ်းချမ်းရေးဖြစ်စဉ် မှာစိုးရိမ်ကြီးမှုတွေ၊ မယုံကြည်မှုတွေ၊ သံသယ စိတ်တွေ အမြန်ဆုံးလျှော့ချဖို့လိုပါတယ်။ ဒါကြောင့် ဆွေးနွေးတဲ့အခါမှာ NCA ကို သေချာ လေ့လာ စေချင်တယ်။ လုံခြုံရေးကဏ္ဍ မှာတော့ ဒုတိယအကြိမ် အစည်းအဝေးနဲ့ တတိယအကြိမ် အစည်း အဝေး ကြားထဲမှာ အလွတ်သဘော ဆွေးနွေးမှု လေးကြိမ် လုပ်ခဲ့ပါတယ်။ လုံခြုံရေးကဏ္ဍ ကတော့ ထိရှလွယ်တဲ့ ကိစ္စဖြစ်ပါတယ်။ နိုင်ငံရေးကဏ္ဍနဲ့ လုံခြုံရေးကဏ္ဍက အပြန်အလှန်ချိတ်ဆက်မှုရှိပါတယ်။နိုင်ငံရေးအရအဆင်မပြေရင် လုံခြုံရေးအရ၊ စစ်ရေးအရ ဆောင်ရွက်ရတာရှိပါတယ်။ ငြိမ်းချမ်းရေးလုပ်ငန်းစဉ် တစ်ခုလုံးမှာ နိုင်ငံ ရေးကဏ္ဍနဲ့ လုံခြုံရေးကဏ္ဍမှာ အဓိကကျတဲ့အချက်တွေ အဆင်ပြေသွားပြီဆိုရင်တော့ ငြိမ်းချမ်းရေး ရဖို့ နီးစပ်သွားပါပြီ။

ဗိုလ်ချုပ်စန်းမြင့် (UPDJC အဖွဲ့ဝင်)

မြေယာနဲ့သဘာဝပတ်ဝန်းကျင်ကဏ္ဍမှာ အချက်နှစ်ချက် သဘောတူနိုင်ခဲ့ပါတယ်။ ဒီကဏ္ဍတွေကို ဆွေးနွေးတဲ့အခါ ဘာကိုအခြေခံသလဲဆိုတော့ နိုင်ငံတစ်နိုင်ငံရဲ့အင်္ဂါရပ်ကိုဖော်ပြတဲ့နေရာမှာ အချက်ငါးချက် ပေါ်မူတည်ပြီး ဆွေးနွေး ပါတယ်။ မြေယာတွေကို နိုင်ငံတော်က လုပ်ပိုင်ခွင့် ချပေးတဲ့အခါမှာ နိုင်ငံသားတွေပဲ ပိုင်ဆိုင်ခွင့်ရှိရ ပါမယ်။ ဒါက ဘာကြောင့်လဲဆိုတော့ ကျွန်တော်တို့နိုင်ငံရဲ့ ပထဝီနိုင်ငံရေးအခြေအနေအရ အင်မတန် အရေးကြီးတဲ့ အနေအထားဖြစ်ပါတယ်။

ဒါကြောင့် မြေပိုင်ဆိုင်မှုကို သတ်မှတ်တဲ့အခါမှာ နိုင်ငံသားများသာ ပိုင်ဆိုင်ခွင့်ရှိရမယ်။ နိုင်ငံခြားသားတွေ၊ တရားမဝင် နေထိုင်တဲ့သူတွေ ပိုင်ဆိုင်ခွင့်မရှိစေရဆိုတဲ့အချက်ကို ဆွေးနွေးပြီး ဖော်ထုတ်ခဲ့တာဖြစ်ပါတယ်။ အလားတူ မြေယာနဲ့ ပတ်သက်ပြီး စီမံကိန်းကြီးတွေ၊ တိုင်းပြည်ဒေသ ဖွံ့ဖြိုးတိုးတက်ရေး၊ ဒေသဖွံ့ဖြိုးတိုး တက်ရေး စတဲ့ စီမံကိန်းတွေ ဖော်ဆောင်တဲ့ အခါမှာ ဖွံ့ဖြိုးမှုကို သွားရင် ပတ်ဝန်းကျင်ကို ထိခိုက်တယ်။ ဒါကြောင့် ပတ်ဝန်းကျင် ထိခိုက်မှု မရှိဖို့၊ ထိခိုက်မှုလျှော့ချပြီး ဖွံ့ဖြိုးတိုးတက်အောင်လုပ်ဖို့၊ ထိခိုက်သွားရင်လည်း အကျိုး သက်ရောက် သွားတဲ့သူတွေကို ခံစားခွင့်ရရှိ အောင်မူတည်ပြီး ဆွေးနွေးခဲ့တာဖြစ်ပါတယ်။မြေယာနဲ့ပတ်သက်ပြီးတော့ နေရာတိုင်းမှာ အငြင်းပွားမှုတွေရှိပါတယ်။ တစ်နိုင်ငံနဲ့တစ်နိုင်ငံ ထိစပ်နေတဲ့နေရာ မှာလည်း အငြင်းပွားမှုရှိပါတယ်။ နိုင်ငံတော်ရဲ့ နယ်နိမိတ်အတွင်းမှာ ရှိတဲ့အတွက် နိုင်ငံတော်ကပဲ ပိုင်ဆိုင်တယ်၊ နိုင်ငံတော် ကပဲ ကာကွယ်ရတယ်၊ ဒါကြောင့် မြေယာသည် နိုင်ငံတော်က ပိုင်ဆိုင်တယ်၊ ဒါကို နိုင်ငံသားတွေက ပိုင်ဆိုင်ခွင့်ရှိတယ်ဆိုတာကို ဆွေးနွေးခြင်းဖြစ်ပါတယ်။

ဦးဇော်ဌေး ( UPDJC အတွင်းရေးမှူးအဖွဲ့ အဖွဲ့ဝင်)

နိုင်ငံရေးအရ နိုင်ငံကို ဘယ်လိုအမည် သတ်မှတ်မလဲဆိုတာ အငြင်းပွားမှုတွေအများကြီးဖြစ်ခဲ့ပါတယ်။ နောက်ဆုံး တော့လည်း အဆင်ပြေသွားခဲ့ပါတယ်။ အဓိကအချက်ကတော့ ငြိမ်းချမ်းရေးဖြစ်စဉ်မှာ NCA ဖြစ်ပေါ်လာတဲ့၊ နိုင်ငံရေး ဆွေးနွေးမှုဖြစ်ပေါ်လာတဲ့ လမ်းကြောင်းကို ဘယ်သူမှမပျောက်စေချင်ကြပါဘူး။ ဖက်ဒရယ်မူရဲ့ အဓိက အရေးကြီးတဲ့ ကိုယ်ပိုင်ပြဋ္ဌာန်းခွင့်၊ ပြည်ထောင်စုမပြိုကွဲရေး၊ မခွဲထွက်ရေး စတဲ့ကိစ္စတွေကို ဒီညီလာခံပြီး တာနဲ့ ကျွန်တော်တို့ ဆက်လုပ်မယ်၊ အဲ့ဒါတွေ ပြေလည်သွားပြီဆိုရင် ကျန်တဲ့ စီးပွားရေး၊ လူမှုရေး စတဲ့ကဏ္ဍ အသီးသီးက ပြေလည် သွားပြီးတော့ နိုင်ငံရေးသဘောတူညီချက်တွေ ရသွားပြီဆိုရင် အားလုံးမျှော်လင့်တဲ့ ငြိမ်းချမ်းရေးရမှာပါ။ အစိုးရက ငြိမ်းချမ်းရေးဖြစ်စဉ်ကြီး ရပ်ဆိုင်းနေတာမျိုး မဖြစ်စေချင်ပါဘူး။ ပုံမှန် သွားနေဖို့ လိုပါတယ်။ ဒါမှလည်း ယုံကြည်မှု ရှိလာမယ်။ အခုညီလာခံမှာ လက်မှတ်မထိုးထားသေးတဲ့ တိုင်းရင်းသား လက်နက်ကိုင်အဖွဲ့ အစည်းတွေလာတက်ကြတယ်။ အလားတူ လက်မှတ်ထိုးပြီးသား ခေါင်းဆောင်တွေကလည်း တွေ့ဆုံပြီး ကြုံတွေ့နေရတဲ့အခက်အခဲတွေကို ပွင့်ပွင့်လင်းလင်း တွေ့ဆုံဆွေးနွေးကြတယ်၊ သဘောတူညီမှု တွေလည်းရတယ်။ ဒါကြောင့် ဒီညီလာခံကို ကျေနပ်အားရမှုရှိပါတယ်။

ဗိုလ်ချုပ် တင်မောင်ဝင်း (နိုင်ငံရေးကဏ္ဍ၊ လုပ်ငန်းကော်မတီဝင်)

နိုင်ငံရေးကဏ္ဍအနေနဲ့ ဆွေးနွေးခဲ့တာကတော့ ခေါင်းစဉ်က ကျား/မဆိုင်ရာ တန်းတူညီမျှမှုဖြစ်ပါတယ်။ အချက် လေးချက်ရှိပါတယ်။ အချက်လေးချက်ကို ဆွေးနွေးစဉ်မှာ နိုင်ငံသားဆိုတဲ့ အသုံးအနှုန်းနဲ့ ပတ်သက်ပြီး ဘယ်နိုင်ငံက ဆိုလိုတယ်ဆိုတာ မပေါ်လွင်ပါဘူး။ ဒီမိုကရေစီနဲ့ ဖယ်ဒရယ်စနစ်ကို အခြေခံသော ပြည်ထောင်စု ဆိုတဲ့ စာသားနဲ့ ပဲဖြစ်နေတဲ့အတွက် ပြည်ထောင်စုသမ္မတမြန်မာနိုင်ငံတော်ဆိုတာကို ထည့်သွင်းသင့်ကြောင်း အကျေအလည် ဆွေးနွေးပြီးတော့မှ နောက်ဆုံး UPDJC အစည်းအဝေးမှာ တပ်မတော်က အဆိုပြု တင်သွင်းသည့် အတိုင်းပဲ ပြည်ထောင်စုသမ္မတ မြန်မာနိုင်ငံတော်ရဲ့ နိုင်ငံသားဆိုတာ ပါဝင်ပြီးတော့မှ နောက်ပိုင်းကတော့ ကျား/ မဆိုင်ရာ အခွင့်အရေးတွေကို ဖွဲ့စည်းပုံအခြေခံဥပဒေမှာလည်း ပါဝင်ပြီး သားဖြစ်ပါတယ်။ ဒါနဲ့ပတ်သက်ပြီးတော့အမျိုးသမီးများ အနည်းဆုံး ၃ဝ ရာခိုင်နှုန်းပါဝင် ဖို့အားပေးရန် အားပေးရန်ဆိုတာ လုံလောက်ပါတယ်။ ၃ဝ ရာခိုင်နှုန်းဆိုတာ သတ်မှတ်ချက် အတိအကျတော့လုပ်လို့မရပါဘူး။ ဒါကိုလည်း အကျေအလည် ဆွေးနွေးပြီး တော့မှ သဘောတူ တာဖြစ်ပါတယ်။ နောက်တစ်ချက်အနေနဲ့ အမျိုးသမီးများစွမ်းဆောင်ရည်မြှင့်တင်ရေး ဆိုတာလည်း လက်ခံနိုင်တဲ့ အနေအထားရှိပါတယ်။ ဘုံသဘောတူညီချက်အနေနဲ့ လေးချက် ဆွေးနွေး အတည်ပြု နိုင်ခဲ့ ပါတယ်။

ဗိုလ်ချုပ်နေလင်း (လူမှုရေးကဏ္ဍ၊ လုပ်ငန်းကော်မတီဝင်)

လူမှုရေးကဏ္ဍဆွေးနွေးမှုအနေနဲ့ အချက် ခုနစ်ချက်သဘောတူနိုင်ခဲ့ပါတယ်။ ပြန်လည်နေရာချထားရေး၊ ပြန်လည် ထူထောင်ရေး၊ လူမှုဖွံ့ဖြိုးရေးဆိုင်ရာကိစ္စရပ်များမှာ အမျိုးသမီးများ အနည်းဆုံး ၃ဝ ရာခိုင်နှုန်းပါဝင် နိုင်ရေးကိစ္စ၊ လူတိုင်း လက်လှမ်းမီတဲ့ကျန်းမာရေးနဲ့ ပညာရေးကိစ္စ၊ မသန်စွမ်းသူများ၊ ကလေးသူငယ်များ၊ ကိုယ်ဝန်ဆောင် မိခင်များ နဲ့ပတ်သက်ပြီးတော့ အထူးဥပဒေများပြဋ္ဌာန်းရေးကိစ္စ၊ လူမှုဖွံ့ဖြိုးရေးဆိုင်ရာကိစ္စရပ်တွေမှာ လူမှုသဟ ဇာတမျှတရေး ကိစ္စတို့ကိုဆွေးနွေး တဲ့ကိစ္စ၊ နောက်တစ်ခုက မူးယစ်ဆေးဝါးနဲ့ ပတ်သက်ပြီးတော့ အန္တရာယ် လျှော့ချရေး၊ ကုသရေးနဲ့ ပြန်လည်ထူထောင်ရေး ကိစ္စတွေ၊ ကလေးသူငယ်များနဲ့ ပတ်သက်ပြီး ကြီးလေးတဲ့ ချိုးဖောက်မှု(၆)ချက် (Six Grave Violations) ဒီအချက်တွေကို ပပျောက်ရေး အတွက် ကြိုးပမ်း ဆောင် ရွက်ဖို့ ဆိုတဲ့ အချက် ခုနစ်ချက်ကို သဘော တူခဲ့ပါတယ်။ ။

အောင်လင်းဦး၊ အိအိပိုင်

ပြည်ထောင်စုငြိမ်းချမ်းရေး ညီလာခံ- (၂၁)ရာစုပင်လုံ တတိယ အစည်းအဝေးနှင့် ပတ်သက်သည့် သတင်းစာရှင်းလင်းပွဲ ကျင်းပ

ပြည်ထောင်စုငြိမ်းချမ်းရေး ညီလာခံ-(၂၁)ရာစုပင်လုံ တတိယအစည်းအဝေးနှင့်ပတ်သက်သည့် သတင်းစာရှင်းလင်းပွဲကျင်းပစဉ်။

နေပြည်တော် ၁၂-၇-၂ဝ၁၈

ပြည်ထောင်စုငြိမ်းချမ်း ရေးညီလာခံ- (၂၁)ရာစုပင်လုံ တတိယ အစည်းအဝေးနှင့် ပတ်သက်သည့် သတင်းစာရှင်းလင်းပွဲကို ညီလာခံဖွင့်ပွဲ ပထမနေ့အပြီး ယနေ့ ညနေ ၄ နာရီခွဲက မြန်မာအပြည်ပြည်ဆိုင်ရာ ကွန်ဗင်းရှင်း ဗဟိုဌာန (၂)တွင် ကျင်းပသည်။

သတင်းစာ ရှင်းလင်းပွဲတွင် ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ အတွင်းရေးမှူးများ ဖြစ်ကြသည့် ဦးလှမောင်ရွှေ၊ ဦးဇော်ဌေး၊ ဒေါက်တာဆလိုင်း လျန်မှုန်းဆာခေါင်းနှင့် စိုင်းကျော်ညွန့်တို့က(၂၁) ရာစုပင်လုံ တတိယအစည်းအဝေး ဆောင်ရွက်လျက်ရှိသည့် အခြေအနေ၊ ပြည်ထောင်စုသဘောတူစာချုပ် ဒုတိယအစိတ်အပိုင်းအဖြစ် တင်သွင်းမည့် နိုင်ငံရေး၊ စီးပွားရေး၊ လူမှုရေး၊ မြေယာနှင့် သဘာဝပတ်ဝန်းကျင် ကဏ္ဍလေးခုအတွက် အချက် ၁၄ချက်၊ မြန်မာနိုင်ငံ မြောက်ပိုင်း မဟာမိတ်တိုင်းရင်းသား လက်နက်ကိုင် အဖွဲ့ခုနစ်ဖွဲ့နှင့် နိုင်ငံတော်၏ အတိုင်ပင်ခံပုဂ္ဂိုလ်၊ တပ်မတော်ကာကွယ်ရေး ဦးစီးချုပ်တို့ သီးခြားတွေ့ဆုံသွားမည့် အခြေအနေများကို ရှင်းလင်း ပြောကြားသည်။

ဦးဇော်ဌေးက "လက်မှတ်မထိုးရသေးတဲ့ မြောက်ပိုင်း ခုနစ် ဖွဲ့တက်ရောက်တယ်။ NCA ရေးထိုးဖို့ ညှိနှိုင်းဆောင်ရွက်နေတဲ့ KNPP ကိုယ်စားလှယ်တွေ စုံညီစွာတက်ရောက်တယ်။ နောက် မြောက်ပိုင်းခုနစ်ဖွဲ့က တပ်မတော်ကာကွယ်ရေး ဦးစီးချုပ်နဲ့ တွေ့ဆုံမှုတွေလုပ်တယ်။ ဇူလိုင် ၁၂ ရက်နေ့မှာတော့ နိုင်ငံတော်၏ အတိုင်ပင်ခံပုဂ္ဂိုလ်နဲ့ မြောက်ပိုင်းအဖွဲ့တွေ တွေ့ဆုံဖို့ရှိပါမယ်။ မီဒီယာတွေကို ဖိတ်မှာမဟုတ်ပေမယ့် သတင်းထုတ်ပေး

မှာဖြစ်ပါတယ်။ KNPP အနေနဲ့လဲ ငြိမ်းချမ်းရေးကော်မရှင်နဲ့ သီးသန့်ဆွေးနွေးဖို့ ညှိနှိုင်းနေပါတယ်။ မြောက်ပိုင်းအဖွဲ့တွေအနေနဲ့ တပ်ပိုင်းဆိုင်ရာ ဆွေးနွေးညှိနှိုင်းမှုတွေ အဓိကထားပြီး လုပ်ဆောင်ဖို့ ဆောင်ရွက် ထားပါတယ်။ ငြိမ်းချမ်းရေးညီလာခံမှာ တင်သွင်းမယ့်အချက် စုစုပေါင်း ၁၄ ချက်ရှိပါတယ်" ဟု ပြောကြားသည်။

NCA စာချုပ်လက်မှတ် ရေးထိုးထားသည့် တိုင်းရင်းသားလက်နက် ကိုင်အဖွဲ့အစည်းများ လက်မှတ်ရေးထိုးခြင်း မပြုရသေးသည့် တိုင်းရင်းသား လက်နက်ကိုင် အဖွဲ့အစည်းများနှင့် တွေ့ဆုံသွားမည် ဖြစ်ကြောင်း အဆိုပါ

သတင်းစာရှင်းလင်းပွဲမှ သိရသည်။

ဒေါက်တာဆလိုင်းလျန်မှုန်းဆာခေါင်းက "သူတို့အနေနဲ့ NCA စာချုပ်အမြန်ဆုံးချုပ်ဆိုဖို့ ကျွန်တော်တို့အနေနဲ့ မျှော်လင့်ပါတယ်။ အဲဒါအပြင် ကျွန်တော်တို့ NCA လက်မှတ်ထိုးထားတဲ့အဖွဲ့တွေနဲ့ မထိုးထားတဲ့ အဖွဲ့တွေ တွေ့ဖို့ ပြင်ဆင်ထားပါတယ်။ ကျွန်တော်တို့တိုင်းရင်းသား လက်နက်ကိုင်အဖွဲ့အစည်းတွေ အနေနဲ့ ဒီနေ့ထိ ၁ဝ ဖွဲ့ပဲ လက်မှတ်ရေးထိုးနိုင်ခဲ့တာ ဖြစ်ပါတယ်။ သို့သော် လက်မှတ်မထိုးရသေးတဲ့ အဖွဲ့တော်တော်များများ ပြည်ထောင်စု ငြိမ်းချမ်းရေးညီလာခံ- (၂၁) ရာစုပင်လုံ တတိယအစည်းအဝေးနှင့် ပတ်သက်သည့် သတင်းစာရှင်းလင်းပွဲ ကျင်းပတက်ရောက်ကြတယ်။ အခင်းအကျင်းကို လေ့လာကြတယ်။ အခြေအနေကိုလဲ သုံးသပ်ကြတယ်။ သူတို့ပါဝင်ဖို့ နိုင်ငံတော်၏ အတိုင်ပင်ခံပုဂ္ဂိုလ်နဲ့ တပ်မတော်ကာကွယ်ရေးဦးစီးချုပ်က ကြိုဆိုတယ်။ ကျွန်တော်တို့ကလဲ ကြိုဆိုတယ်။ တစ်တိုင်းပြည်လုံးက ကြိုဆိုတယ်။ ကျွန်တော်တို့ အစုအဖွဲ့အသီးသီးအတွင်းမှာ ယုံကြည်မှုတွေ ခိုင်မာအောင် ဆက်ပြီးဆောင်ရွက်လို့ရတဲ့ အခင်းအကျင်း ဖြစ်တယ်။ အဲဒီအတွက် အင်မတန်အကျိုးရှိတဲ့ ညီလာခံဖြစ်တယ်" ဟုပြောကြားသည်။

နိုင်ငံရေး၊ စီးပွားရေး၊ လူမှုရေး၊ မြေယာနှင့်သဘာဝ ပတ်ဝန်းကျင်ကဏ္ဍ လေးခုအတွက် လုပ်ငန်းကော်မတီက တင်သွင်းသည့် အချက်များအနက် နိုင်ငံရေးကဏ္ဍတွင် လေးချက်၊ စီးပွားရေးကဏ္ဍတွင် တစ်ချက်၊ လူမှုရေးကဏ္ဍတွင် ခုနစ်ချက်နှင့် မြေယာကဏ္ဍတွင် နှစ်ချက် စုစုပေါင်းအချက် ၁၄ ချက် ညီလာခံသို့ ပြည်ထောင်စု သဘောတူစာချုပ် ဒုတိယအစိတ်အပိုင်းအဖြစ် တင်သွင်းနိုင်မည်ဖြစ်ကြောင်း သိရသည်။

ဦးလှမောင်ရွှေက ညီလာခံသို့ စီးပွားရေးကဏ္ဍတွင် ပြည်ထောင်စု သဘောတူစာချုပ် ဒုတိယအစိတ်အပိုင်းအဖြစ် အချက်တစ်ချက်သာ တင်သွင်းနိုင်ခြင်းနှင့် ပတ်သက်၍ "စီးပွားရေးကဏ္ဍက တက်လာတဲ့အချက် ၁၁ ချက်ကို UPDJC ကိုတင်တယ်။ အချို့အစုအဖွဲ့တွေက သဘောတူပေမယ့် အချို့အစုအဖွဲ့က ဒါကိုမူဝါဒအဖြစ်ယူဆလို့ မရဘူးဆိုတာလဲ ရှိပါတယ်။ အားလုံးသဘောတူညီချက်အရ တစ်ချက်ပဲရတယ်။ ဒီအရာက ပျက်မသွားပါဘူး။ နောက်တစ်ကြိမ် ညီလာခံမတိုင်ခင် လုပ်ငန်းကော်မတီ တွေထိုင်တဲ့အခါ ပြန်ဆွေးနွေးပါမယ်"ဟု ပြောကြားသည်။

ယင်းနောက် သတင်းမီဒီယာများ သိရှိလိုသည်များကို မေးမြန်းကြပြီး နိုင်ငံရေးပါတီ အစုအဖွဲ့ကိုယ်စားလှယ်စိုင်းကျော်ညွန့်က ယနေ့နံနက် ပိုင်းကကျင်းပခဲ့သည့် ညီလာခံတွင် နိုင်ငံရေးပါတီအစုအဖွဲ့မှ ရခိုင်အမျိုးသားပါတီ ဒုတိယဥက္ကဋ္ဌ ဒေါ်အေးနုစိန်ပြောသည့် မိန့်ခွန်းသည် သက်ဆိုင်ရာ ပါတီ၏ သဘောထားသာဖြစ်ကြောင်း၊ နိုင်ငံရေးပါတီအစုအဖွဲ့၏ သဘောထား မဟုတ်ကြောင်းပြောကြား၍ နိုင်ငံပါတီများအစုအဖွဲ့၏ သဘောထားထုတ်ပြန်ချက်ကို ဖတ်ကြားခဲ့သည်။

ငြိမ်းချမ်းရေး ကော်မရှင်နှင့် KNPP တို့သည် NCA လက်မှတ်ရေးထိုးနိုင်ရေး အတွက်မူ ဇူလိုင် ၁၂ ရက်တွင် မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန(၂)တွင် တွေ့ဆုံမည်ဖြစ်ကြောင်း ဦးလှမောင်ရွှေထံမှ

သတင်းရရှိသည်။

#Themyawadydaily

တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူ စာချုပ် (NCA) လက်မှတ်ရေးထိုးပွဲ အခမ်းအနားမှ ငြိမ်းချမ်းရေး စကားသံများ

နိုင်သီဟ (အမျိုးသားလွှတ်တော် ကိုယ်စားလှယ်၊ မွန်အမျိုးသားပါတီ)

လက်ရှိအနေအထားမှာ အဖွဲ့အစည်း အတော်များများက NCA အပေါ်မှာ ယုံကြည်မှု အားနည်းနေသေးတယ်လို့ စာစောင်တွေမှာ ဖတ်မိတယ်။ ပြည်ထောင်စု သဘောတူစာချုပ် (Union Accord) က နောက်ဆုံး မှာ လွှတ်တော်တင်ရမှာဖြစ်တယ်။ ပြီးခဲ့တဲ့ ဒုတိယ အကြိမ်တုန်းက ၃၇ ချက်ရတယ်။

နောက်ကိုလည်း ဆက်ပြီး ဆွေးနွေးဦးမှာဖြစ်တယ်။ အခြေခံမူနဲ့ ပတ်သက်တဲ့ အကြောင်းအရာကို ဆွေးနွေးပြီး လွှတ်တော် တင်ရမှာ ဖြစ်တယ်။ လွှတ်တော်မှာ လုပ်ထုံးလုပ်နည်းအရအတည် ပြုသွားဖို့ဖြစ်တယ်။ လွှတ်တော်သဘော တူညီမှုရမှ အကောင်အထည် ဖော်လို့ရမှာဖြစ်တယ်။ အဲဒီအပိုင်းလေးတွေမှာ အခက်အခဲရှိနေတယ်လို့ တိုင်းရင်းသား တွေရဲ့ NCA အပေါ် မြင်တဲ့အမြင်ကို ပြောပြတာဖြစ်တယ်။

NCA လမ်းကြောင်းက ဘယ်လောက်အထိ အကောင် အထည်ဖော်နိုင်မလဲ။ အကောင်အထည်ဖော်မှု ပြီးမြောက်မှုအပေါ်ကို ကြည့်ပြီး သူတို့အနေနဲ့ ဒါကတော့ယုံကြည်နိုင်လောက်တဲ့ အနေအထားကို ရောက်လာနိုင်မယ်ဆိုရင်တော့ သူတို့ပါဝင်လာနိုင်မယ် လို့ ထင်မိပါတယ်။ နိုင်ထောမွန် (ဥက္ကဋ္ဌ၊ မွန်ပြည်သစ်ပါတီ- NMSP) ကျွန်တော်တို့က ငြိမ်းချမ်းရေးဆွေးနွေးပွဲတွေ လုပ်ဖို့ဆိုတဲ့ ရည်မှန်းချက်နဲ့ အခုလို NCA မှာ ပါဝင်လက်မှတ် ထိုးတာဖြစ်ပါတယ်။

နိုင်ငံရေးဆွေးနွေးတဲ့နေရာမှာ ချောချောမွေ့မွေ့ဖြစ်မလား၊ အခက်အခဲတွေများ မလားဆိုတာ ဘယ်သူမှတော့ ကြိုမသိနိုင်ပါဘူး။ အခြေအနေပေးတဲ့အပေါ်မှာ ကျွန်တော်တို့က လုပ်သင့်လုပ်ထိုက် တာလုပ်တဲ့သဘောပါပဲ။ ကျွန်တော်တို့နိုင်ငံကို နိုင်ငံရေးနည်း အရအဖြေရှာပြီး ဖက်ဒရယ်ပြည်ေ ထာင်စုကြီး အစစ်အမှန်ပေါ်ဖို့၊ ငြိမ်းချမ်းရေးရဖို့ ကြိုးစားရမှာပဲ။ အခက်အခဲတွေရှိလာရင်လည်း ကျွန်တော်တို့ အကောင်း ဆုံးနည်းလမ်းတွေ ရှာပြီး ဖြေရှင်းသွားရမှာပဲဖြစ်ပါတယ်။ ဦးခင်ဇော်ဦး (အတွင်းရေးမှူး၊ UPDJC) အခုလက်မှတ်ထိုးတာကတော့ မွန်ပြည်သစ်ပါတီ (NMSP)နဲ့ လားဟူဒီမိုကရက်တစ်ပါတီ (LDU) အဖွဲ့ နှစ်ဖွဲ့ ပေါ့။

ဒီ ၂ဝ၁၈ ခုနှစ် အတွင်းမှာ နောက်ထပ်လက်မှတ်ထိုးမယ့် အဖွဲ့တွေတိုးလာလိမ့်မယ်လို့တော့ ကျွန်တော်တို့ ယုံကြည်မျှော်လင့်ပါတယ်။ ဘယ်အဖွဲ့ လည်းဆိုတာတော့ အခုချိန်မှာ ချပြဖို့ခက်ပါတယ်။ အဖွဲ့တိုင်းနဲ့ ကျွန်တော်တို့ ဆက်သွယ်ပြီးဆွေးနွေးနေတော့ ဘယ်အဖွဲ့ပါလာ နိုင်သလဲလို့တော့ မပြောနိုင်ေ သးဘူးပေါ့။ ဒါ ပေမဲ့ ဒီနှစ်အတွင်းမှာ နောက်ထပ်နှစ်ဖွဲ့သုံးဖွဲ့ပါဝင်လာမယ်လို့ ကျွန်တော်ထင်ပါတယ်။ ကရင်ပြည်နယ်နဲ့ တန င်္သာရီတိုင်းက လက်မှတ်ရေးထိုးထားပြီး အနေအထားမျိုး ဖြစ်တဲ့အတွက်ကြောင့် ဖွံ့ဖြိုးရေးလုပ်ငန်းတွေ ကို အားသွန်ခွန်စိုက်ဆောင်ရွက်နိုင်နေတဲ့ အချိန်မှာ ကရင်နဲ့ တနင်္သာရီကြားထဲက မွန်ပြည်နယ်က ကျန်နေတာပေါ့။

ဒါကြောင့် ကျွန်တော်တို့အနေနဲ့ မွန်အဖွဲ့ (NMSP) ပါလာအောင်ကြိုးစား တဲ့အခါမှာ အခုဆိုရင် NMSP အဖွဲ့က ဒီ Process ထဲမှာ ပါဝင်လာပြီဖြစ်ပါတယ်။ ဒါကြောင့် မြန်မာနိုင်ငံအောက် ပိုင်းဟာ ငြိမ်းချမ်းရေး ခရီးစဉ်ကို ဖြောင့်ဖြောင့် ဖြူးဖြူးသွားနိုင်တဲ့ အခြေအနေကိုရောက်လာပြီလို့ ပြောရမှာဖြစ်တယ်။ ကျန်တဲ့ဒေသတွေ ကျန်တဲ့အဖွဲ့အစည်း တွေအတွက်လည်း ကျွန်တော်တို့ ကြိုးစားပြီးတော့ ဆောင်ရွက်နေပါတယ်။ မကြာမီ အခြေအနေမှာတော့ တစ်ဆင့်ပြီးတစ်ဆင့် တိုးတက်လာပါလိမ့်မယ်။ ငြိမ်းချမ်းရေး ဆွေးနွေး ပွဲတွေကိုတော့ ကျွန်တော်တို့ တံခါးပိတ်မထားပါဘူး။ အဖွဲ့တိုင်းနဲ့ ကျွန်တော်တို့ ဆွေးနွေးနေပါတယ်။

တချို့ အဖွဲ့တွေကတော့ တရားဝင်ဆွေးနွေးတာတွေရှိသလို တချို့အဖွဲ့တွေကတော့ အလွတ် သဘော ဆွေးနွေးတာလည်းရှိပါတယ်။ တစ်ယောက်နဲ့ တစ်ယောက် အမြင်ချင်းဖလှယ်နိုင်တဲ့အတွက် ယုံကြည်မှုတည်ဆောက် ဖို့ကိုလည်း ကျွန်တော်တို့ ကြိုးစားနေပါတယ်။ ဒါကြောင့် တဖြည်း ဖြည်းနဲ့တော့ ငြိမ်းချမ်းရေး Process က ရှေ့ကို လှမ်းလာလိမ့်မယ်လို့ ကျွန်တော်တို့ မျှော်လင့်ပါတယ်။

ဦးယောသပ် (လားဟူတိုင်းရင်းသား လူမျိုးရေးရာဝန်ကြီး၊ ရှမ်းပြည်နယ် အစိုးရအဖွဲ့)

လားဟူဒီမိုကရက်တစ်အစည်းအရုံးက NCA စာချုပ်မှာ လက်မှတ်ရေးထိုးတာကို တကယ်ကိုကောင်းမွန်တဲ့ကိစ္စ ကြိုဆိုသင့်တဲ့ ကိစ္စလို့ ကျွန်တော့်အနေနဲ့ ခံယူပါတယ်။ ကျွန်တော်တို့ လားဟူတိုင်းရင်းသားအတွက် ဒေသဖွံ့ဖြိုးရေးအတွက် အများကြီးအကျိုးရှိလာမှာပါ။ ဒီနေရာမှာ ပူးပေါင်းပါဝင်ဆောင်ရွက်မှုက အရေးကြီးပါ တယ်။ အခုဆိုရင် ကျွန်တော်တို့ဒေသမှာ ပညာရေး၊ ကျန်းမာရေး၊ လမ်းပန်းဆက်သွယ်ရေးတွေက အင်မ တန်မှ အားနည်းနေပါသေးတယ်။

အခုလို နိုင်ငံတော်ရဲ့ ပြုပြင်ပြောင်းလဲမှုတွေမှာ ကျွန်တော်တို့ ပူးပေါင်းပါဝင် ခွင့်ရမယ်ဆိုရင် ကျွန်တော်တို့ တိုင်းရင်းသားများအတွက် တန်ဖိုးရှိတဲ့ အရာတွေကို လုပ် ကိုင်ဆောင်ရွက်နိုင် မယ်လို့ ယုံကြည်ပါတယ်။ ရှေ့ဆက်လက်လုပ်ဆောင် နိုင်ဖို့ အင်အားတွေ စုစည်းထားပါတယ်။ မြန်မာနိုင်ငံတော်ကြီး ဖွံ့ဖြိုးတိုးတက်ဖို့ဆိုရင် ငြိမ်းချမ်းရေးက အဓိက အရေးကြီးပါတယ်။ ငြိမ်းချမ်းရေးရမှ ဖွံ့ဖြိုးရေးကို လုပ်လို့ရမှာဖြစ်ပါတယ်။ တိုင်းရင်းသားအားလုံး စည်းစည်းလုံးလုံး ညီညီညွတ်ညွတ်ရှိဖို့က ပထမအချက် အနေနဲ့ အရေးကြီးပါတယ်။

တိုင်းရင်းသား အချင်းချင်းကလည်း လူမျိုးတစ်မျိုးနဲ့ တစ်မျိုး လေးလေးစားစား ဆက်ဆံပြီးမှ လက်တွဲ ချိတ်ဆက်ပြီး နိုင်ငံတော်အကျိုးအတွက် ဆောင်ရွက်ကြဖို့ ပြောချင်ပါတယ်။ နိုင်အောင်မငေး (ဗဟိုကော်မတီအဖွဲ့ဝင်၊ မွန်ပြည်သစ်ပါတီ) ကျွန်တော်တို့ မွန်ပြည်သစ်ပါတီအနေနဲ့ NCA စာချုပ်မှာ ပါဝင်လက်မှတ် ထိုးခွင့်ရတဲ့အတွက် အတိုင်းမသိ ဝမ်းသာပါတယ်။ NCA လက်မှတ်ထိုးပြီးတဲ့နောက်ပိုင်း ကျွန်တော်တို့ နိုင်ငံရေးဆွေးနွေးပွဲတွေမှာ ထဲထဲဝင်ဝင် ပါဝင်ခွင့်ရမှာဖြစ်တဲ့အတွက် အတိုင်းမသိ ဝမ်းသာမိတယ်။

အရင်က NCA စာချုပ်မှာ လက်မှတ်မထိုး ဖြစ်ခဲ့တာက ကျွန်တော်တို့ NCA စာချုပ်ကို ပြန်လည်သုံးသပ်တော့ အားနည်းချက်သုံးချက်ေ တွ့ရတယ်။ ပထမ အချက်အနေနဲ့ တိုင်းရင်းသားလက်နက်ကိုင် အဖွဲ့အစည်းအားလုံးမပါဝင်ခဲ့ဘူး။ ဒုတိယ အချက်အနေနဲ့ နိုင်ငံ တကာပါဝင်မှုမှာ ဖွယ်ဖွယ်ရာရာမပါဝင်ခဲ့ဘူး။ တတိယအချက်အနေ နဲ့ အချိန်ကာ လအပိုင်းအခြားနဲ့အကောင် အထည်ဖော်တဲ့အတွက် တိကျသေချာမှုမရှိတဲ့ အားနည်းချက်တွေ့ရတယ်။ ဒါတွေကြောင့် ပါဝင်လက်မှတ် ထိုးဖို့ ကြာခဲ့တာပါ။

ရှေ့ဆက်ပြီးတော့ ငြိမ်းချမ်းရေးလုပ်ငန်းစဉ်တွေမှာ အမျိုးသားအဆင့် နိုင်ငံရေးဆွေးနွေးပွဲ လုပ်ဖို့ ရှိတယ်။ ကျွန်တော်တို့ အမျိုးသားအဆင့် နိုင်ငံ ရေးဆွေးနွေးပွဲတွေမှာ ပညာရှင်တွေရော၊ နိုင်ငံရေးပါ တီတွေရော၊ လူမှုအဖွဲ့အစည်းတွေရော အားလုံးပါဝင်ပူးပေါင်းဖို့ အကြံပြုချင်ပါတယ်။ NCA စာချုပ်ကို ပြန် လည်သုံးသပ်ရင် ပစ်ခတ်ရပ်စဲရေးပြီးရင် ဖက်ဒရယ်ပြည်ထောင်စုကို တည်ဆောက်ရေးအတွက် လမ်းစဖြစ်တယ်။

ခြေလှမ်းတစ်ခုဖြစ်တဲ့အတွက် ပါဝင်လက်မှတ်မထိုးဖြ စ်သေးတဲ့ အပစ်အခတ် မရပ်စဲရသေးသော တိုင်းရင်းသား လက်နက်ကိုင် ညီနောင်တွေလည်း ပါဝင်လက်မှတ်ထိုးဖို့ ဖိတ်ခေါ်ပါတယ်။ ညီနောင်တွေမှာ ဖြစ်ပျက်နေတဲ့ အခက်အခဲပြဿနာတွေကို အစိုးရနဲ့ ညှိနှိုင်းရင်းအပစ်အခတ်ရပ်စဲပြီး ယုံကြည်မှု၊ နားလည်မှုတွေနဲ့ ရှေ့ဆက်ဖို့တိုက်တွန်းပါတယ်။

နာဗစ်ဘွန် (ဗဟိုကော်မတီအဖွဲ့ဝင်၊ လားဟူဒီမိုကရက်တစ် အစည်းအရုံး)

ကျွန်မတို့ NCA လက်မှတ်ထိုးပွဲမှာ ပါဝင် လက်မှတ်ထိုးခွင့်ရတဲ့အတွက် ဝမ်းသာပီတိဖြစ် မိပါတယ်။ NCA မှာ ပါဝင်လက်မှတ်ထိုးလိုက်တဲ့အတွက် ရရှိမယ့် အကျိုးဆက်တွေကတော့ အများကြီးပါပဲ။ အရင်က လားဟူ ပြည်သူတွေနဲ့ တိုက်ရိုက်ချိတ်ဆက် လုပ်ဆောင်ဖို့ အခြေအနေမပေးခဲ့ဘူး။ အခုဆိုရင် လားဟူ ပြည်သူလူထု တွေနဲ့ ရင်းရင်းနှီးနှီးနီးနီးစပ်စပ် နယ်မြေဖွံ့ဖြိုးတိုးတက်ဖို့ လုပ်ကိုင်ဆောင်ရွက် နိုင်လိမ့်မယ်လို့ ကျွန်မမျှော် လင့်မိပါတယ်။

NCA လက်မှတ်မထိုးရသေးတဲ့ တိုင်းရင်းသား ညီနောင်တွေလည်း အများကြီးရှိနေ သေးတယ်။ ညီနောင်တွေမှာလည်း NCA လမ်းကြောင်းအတိုင်းလျှောက်လှမ်းဖို့ သူတို့မှာ ရည်ရွယ် ချက်ရှိပါတယ်။ သို့သော်လည်း အစိုးရနဲ့ ညှိနှိုင်းမှုတွေရှိနေတဲ့အတွက် ညှိနှိုင်းမှုတွေ အမြန်ဆုံးအဆင်ပြေပါစေလို့ ပြောချင်ပါတယ်။

#Themyawadydaily

ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီသို့ တရုတ်နိုင်ငံအစိုးရက အမေရိကန်ဒေါ်လာ ငါးသိန်းပေးအပ်လှူဒါန်း

နေပြည်တော် ၁၉-၁၂-၂၀၁၇

တရုတ်ပြည်သူ့ သမ္မတနိုင်ငံ နိုင်ငံခြားရေးဝန်ကြီးဌာန အာရှရေးရာ အထူးကိုယ်စားလှယ်မစ္စတာ စွန်းဂေါ်ရှန်းက ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီ (JMC-U) ဥက္ကဋ္ဌ ဒုတိယဗိုလ်ချုပ်ကြီးရာပြည့်အား ယမန်နေ့ မွန်းလွဲ ၁ နာရီက နေပြည်တော်ရှိ အမျိုးသားပြန်လည် သင့်မြတ်ရေးနှင့် ငြိမ်းချမ်းရေးဗဟိုဌာန၌ လာရောက် တွေ့ဆုံသည်။

တွေ့ဆုံစဉ် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA) တွင် လက်မှတ်ရေးထိုးပြီးသော တိုင်းရင်းသား လက်နက်ကိုင် အဖွဲ့အစည်းရှစ်ဖွဲ့နှင့် အတူ ဆောင်ရွက်လျက်ရှိသည့် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီ အဆင့်ဆင့်၏ လက်ရှိဆောင်ရွက်လျက် ရှိသော အခြေအနေများနှင့် NCA လက်မှတ် မရေးထိုးရသေးသော တိုင်းရင်းသားလက်နက် ကိုင်အဖွဲ့အစည်းများ ပါဝင်လက်မှတ်ရေးထိုးရေး ဆိုင်ရာကိစ္စရပ်များကို ဆွေးနွေးခဲ့ကြပြီး တရုတ်နိုင်ငံအနေဖြင့် မြန်မာနိုင်ငံ၏ ငြိမ်းချမ်းရေး လုပ်ငန်းစဉ်ကို ဆက်လက်အားပေး ထောက်ခံလျက်ရှိကြောင်း ပြောကြားသည်။

ထို့နောက် တရုတ်ပြည်သူ့ သမ္မတနိုင်ငံအစိုးရက တရုတ်-မြန်မာချစ်ကြည်ရေးကို ရှေးရှုလျက် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီအား ပံ့ပိုးကူညီမှု အဖြစ်အမေရိကန် ဒေါ်လာငါးသိန်းကို အာရှရေးရာ အထူးကိုယ်စားလှယ်က ပေးအပ်လှူဒါန်းရာ JMC-U ဥက္ကဋ္ဌ ဒုတိယဗိုလ်ချုပ်ကြီး ရာပြည့်က လက်ခံပြီး ကျေးဇူးတင်စကား ပြန်လည်ပြောကြား ခဲ့ကြောင်း သတင်းရရှိသည်။

#Themyawadydaily

နိုင်ငံတော်အစိုးရနှင့် NCA-S EAO တို့၏ NCA အကောင်အထည်ဖော်မှု ပြန်လည်သုံးသပ်ခြင်း အစည်းအဝေး ကျင်းပ

နိုင်ငံတော်အစိုးရနှင့် NCA-S EAO တို့၏ NCA အကောင်အထည်ဖော်မှု ပြန်လည်သုံးသပ်ခြင်း အစည်းအဝေး ကျင်းပစဉ်။

ရန်ကုန် ၂၆-၁၀-၂၀၁၇

တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA) လက်မှတ်ရေးထိုးပြီးသော PPST အဖွဲ့များ၏ တောင်းဆိုချက်အရ နိုင်ငံတော်အစိုးရနှင့် NCA - S EAO တို့၏ NCA အကောင်အထည်ဖော်မှု ပြန်လည် သုံးသပ်ခြင်း အစည်းအဝေးကို ယနေ့နံနက် ၉ နာရီတွင် ရန်ကုန်မြို့ ရွှေလီလမ်းရှိ အမျိုးသားပြန်လည် သင့်မြတ်ရေးနှင့် ငြိမ်းချမ်းရေး ဗဟိုဌာန- NRPC (ရန်ကုန်ရုံး) ၌ ကျင်းပသည်။

အစည်းအဝေးသို့ ပြည်ထောင်စု ရှေ့နေချုပ်ဦးထွန်းထွန်းဦး၊ တပ်မတော်သား ကိုယ်စားလှယ်များ ဖြစ်ကြသော ဒုတိယဗိုလ်ချုပ်ကြီးရာပြည့်၊ ဒုတိယဗိုလ်ချုပ်ကြီးမင်းနောင်၊ ဒုတိယဗိုလ်ချုပ်ကြီးတင်မောင်ဝင်း၊ ဗိုလ်ချုပ်မြင့်နွယ်၊ ဦးခင်ဇော်ဦး၊ဦးဇော်ဌေး၊ ဒေါက်တာမင်းဇော်ဦးနှင့် လွှတ်တော်ကိုယ်စားလှယ်များ၊ NCA လက်မှတ်ရေးထိုးပြီးသော တိုင်းရင်းသား လက်နက်ကိုင် အဖွဲ့ရှစ်ဖွဲ့မှ ခေါင်းဆောင်များနှင့် ကိုယ်စားလှယ်များ၊ နည်းပညာအထောက်အကူ ပြုအဖွဲ့များ တက်ရောက်ကြသည်။ 

ရှေးဦးစွာ ပြည်ထောင်စု ရှေ့နေချုပ် ဦးထွန်းထွန်းဦးက ယခုကျင်းပသော NCA အကောင်အထည်ဖော်မှု ပြန်လည်သုံးသပ်ခြင်း အစည်းအဝေးသည် အစိုးရအနေဖြင့် လိုလိုလားလား ဆောင်ရွက်လိုသော အစည်းအဝေး ဖြစ်ကြောင်း၊ ယခုအခါ NCA အကောင်အထည် ဖော်မှုသည် နှစ်နှစ်ကျော်လာပြီဖြစ်၍ NCA နှင့် ပတ်သက်သော ဆောင်ရွက်ရမည့် လုပ်ငန်းများ ပြီးစီးမှု၊ ဆောင်ရွက်နိုင်မှု၊ မည်မျှထပ်မံ ဖြည့်စွက်ရမည် စသောအရာများကို ပြန်လည်သုံးသပ်ရန် လိုကြောင်း၊ ပြီးခဲ့သည့် ကာလများတွင် NCA ၌ ဆောင်ရွက်ရမည့် လုပ်ငန်းများဖြစ်သော UPDJC နှင့် JMC တို့တွင် ဆောင်ရွက်ရမည့် SOP/TOR ရေးဆွဲခြင်း လုပ်ငန်းများ ဆောင်ရွက်နိုင်ခဲ့ကြောင်း၊ထို့ပြင် အမျိုးသားအဆင့် နိုင်ငံရေး ဆွေးနွေးပွဲများတွင် လူမျိုးအလိုက်၊ ဒေသအလိုက်၊ အကြောင်းအရာ အလိုက် အစည်းအဝေးပွဲများ စဉ်ဆက်မပြတ် ဆောင်ရွက်နိုင်ခဲ့ကြောင်း၊ လူမျိုးအလိုက် နိုင်ငံရေး ဆွေးနွေးပွဲများကို ကရင်၊ ချင်း၊ ပအိုဝ်း ဒေသတို့တွင် လည်းကောင်း၊ ဒေသအလိုက် နိုင်ငံရေး ဆွေးနွေးပွဲများကို တနင်္သာရီ တိုင်းဒေသကြီး၊ ပဲခူးတိုင်း ဒေသကြီး၊ ချင်းပြည်နယ်နှင့် ရှမ်းပြည်နယ် တို့တွင်လည်းကောင်း၊ အကြောင်းအရာအလိုက် အမျိုးသား အဆင့် CSOs ဖိုရမ်ကို နေပြည်တော်တွင်လည်း ပြုလုပ်နိုင်ခဲ့ကြောင်း၊ထို့ပြင်ပြည်ထောင်စု ငြိမ်းချမ်းရေး ညီလာခံကိုလည်း သုံးကြိမ်ကျင်းပနိုင်ခဲ့ပြီး ဖြစ်ကြောင်း၊ NCA ၏ လုပ်ငန်းဆောင်ရွက်ချက်များကို စဉ်ဆက်မပြတ် ဆောင်ရွက်နိုင်ခဲ့ကြောင်း၊ ထိုသို့ဆောင်ရွက် နိုင်ခဲ့သော လုပ်ငန်းများ၏ အားသာချက်၊ အားနည်းချက်များ၊ အခန်းအလိုက် ခေါင်းစဉ်များ အကောင်အထည် ဖော်နိုင်မှုတွင် လိုအပ်နေသည်များ၊ ဖြည့်စွက်စရာများကို ဆက်လက်ဆောင်ရွက်နိုင်စေရန် ယနေ့ဆွေးနွေးညှိနှိုင်းကြရန် ဖြစ်ကြောင်း၊ NCA သည် အခြေခံဖြစ်ပြီး လက်တွေ့လုပ်ဆောင်ရသည့် အပိုင်းများတွင် SOP/TOR များဖြင့် ရေးဆွဲထားပြီးဖြစ်ကြောင်း၊ ထိုအခြေခံ အချက်များအပေါ် ညှိနှိုင်းဆောင်ရွက်နိုင်သည့် အပြင် SOP/TOR များလည်းပြန်လည် ပြင်ဆင်နိုင်ကြောင်း၊ NCA စာချုပ်သည် EAOs များဘက်မှ အဆိုပြုချက်များအပေါ် အခြေခံပြီး အစိုးရနှင့်အချိန်ယူ ညှိနှိုင်းကာသဘောတူ ရေးဆွဲထားသော အရာဖြစ်ကြောင်း၊ယင်းကြောင့် NCA ကိုအခြေခံထားပြီး လိုအပ်ချက်၊ အားနည်းချက်များ ရှိပါက SOP / TOR များတွင် ဆက်လက်တိုးချဲ့ ပြင်ဆင်နိုင်ကြောင်း ပြောကြားသည်။ 

ထို့နောက် တပ်မတော်သား ကိုယ်စားလှယ် ဒုတိယ ဗိုလ်ချုပ်ကြီး ရာပြည့်က ယခုအခါ NCA ကို အကောင်အထည် ဖော်မှုသည် နှစ်နှစ်ပြည့်မြောက်လာပြီ ဖြစ်ကြောင်း၊ NCA ဟူ၍ ယခင်က မရှိခဲ့ကြောင်း၊ ညှိနှိုင်းဆွေးနွေးမှု အတွက်ဖြစ်စဉ် Process တစ်ခုဖြစ်ပေါ်လာခြင်း ဖြစ်ကြောင်း၊ ယင်း Process ကို အရှိန်အဟုန်ဖြင့် ထိန်းသိမ်းသွားရန် လိုကြောင်း၊ ထို Process ကို ထိန်းသိမ်းရာတွင် ဖွဲ့စည်းတည်ဆောက်မှု Structure ရှိလာကြောင်း၊ တစ်နည်းဆိုသော် NCA ဖြစ်စဉ်တစ်ခု ဖြစ်ပေါ်လာသည်နှင့် ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) နှင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီ (JMC) ဟူသည့် Structure ကို တည်ဆောက်လိုက်ခြင်း ဖြစ်ကြောင်း၊ထိုဖွဲ့စည်းမှုများကို အရှိန်အဟုန်ဖြင့် ထိန်းသိမ်းဆောင်ရွက် သွားရန်လိုကြောင်း၊ NCA ကို နှစ်နှစ်ကြာ အကောင်အထည် ဖော်ခဲ့ပြီး ကာလတွင် ထို Process နှင့်ပတ်သက်၍ အရှိန်အဟုန် ကျရောက်နေခြင်းနှင့် တန့်နေခြင်း ရှိ၊ မရှိ၊ မည်သည့်နေရာ၌ တန့်နေသနည်း စသော ကိစ္စရပ်များကို တစ်ဖက်နှင့်တစ်ဖက် ပြေပြေလည်လည် ဆွေးနွေးသွားကြမည် ဖြစ်ကြောင်း၊ မြန်မာနိုင်ငံ၌ ညှိနှိုင်းဆွေးနွေးနိုင်သော Process ဖြစ်စဉ် NCA ရှိနေပြီးဖြစ်ရာ ထိုအရာကို မပျက်ပြယ်အောင် စေ့စပ်ညှိနှိုင်း ဆွေးနွေးသည့် ယဉ်ကျေးမှုဖြစ်စဉ် Process တစ်ခုကို အရှိန်အဟုန်ဖြင့် ထိန်းသိမ်းပြီး အစိုးရနှင့် တိုင်းရင်းသား လက်နက်ကိုင်များ စုပေါင်း၍ ဖော်ဆောင်သွားရန် လိုအပ်ကြောင်း၊ သို့မှသာ နိုင်ငံရေး ရလဒ်များအပေါ် မျှော်မှန်းထားသော ဒီမိုကရေစီနှင့် ဖက်ဒရယ်ကို အခြေခံသည့် ပြည်ထောင်စုကို ညှိနှိုင်းတည်ဆောက် သွားနိုင်မည် ဖြစ်ကြောင်း၊ ထို့ကြောင့် ယနေ့ ဆွေးနွေးပွဲတွင် NCA ၏ Process တိုင်း မည်သည့် နေရာ၌ ရပ်တန့်နေသည်၊ မည်သည့်နေရာ၌ ထပ်ဖြည့်ပြီး အရှိန်အဟုန်ဖြင့် သွားနိုင်ရန် နှစ်ဦးနှစ်ဖက် တိုင်းရင်းသား ညီရင်းအစ်ကို စိတ်ဓာတ်ဖြင့် ဆွေးနွေးပေးစေ လိုကြောင်း တိုက်တွန်းပြောကြားသည်။

ဆက်လက်၍ NCA - S EAO ဘက်မှ NCA အကောင်အထည်ဖော်မှု ပြန်လည်သုံးသပ်ခြင်း ဆိုင်ရာ အလုပ် အဖွဲ့ခေါင်းဆောင် ရဲဘော်သံခဲက ယခုလုပ်ငန်းစဉ်သည် NCA လက်မှတ် ရေးထိုးထားသော EAOs များအတွက် အရေးကြီးကြောင်း၊ NCA သည် ငြိမ်းချမ်းရေးအတွက် တံခါးပေါက်တစ်ခုဟု နားလည်ထားကြောင်း၊ NCA သည် မပြည့်စုံသော်လည်း မလွဲမသွေ ဖြတ်သန်းရမည့် ခရီးတစ်ခုဖြစ်ပြီး အားနည်းချက်၊ အားသာချက်များကို အတူတကွ ပြုပြင်ကြမည် ဆိုသည့် ဘုံသဘောထားရှိကြောင်း၊ NCA လက်မှတ် ရေးထိုးပြီးသော EAOs အဖွဲ့ခေါင်းဆောင်များ အနေဖြင့် နိုင်ငံတော်၏ အတိုင်ပင်ခံပုဂ္ဂိုလ်၊ တပ်မတော် ကာကွယ်ရေး ဦးစီးချုပ်တို့နှင့် တွေ့ဆုံ၍ NCA အကောင်အထည်ဖော်မှု ပြန်လည်သုံးသပ်ခြင်း ကိစ္စရပ်များ ဆောင်ရွက်ရန် တောင်းဆိုခဲ့မှုအပေါ် လက်ခံကြိုဆိုခဲ့ကြောင်း၊ထို့ကြောင့်ယခု အစည်းအဝေးများ ဖြစ်ပေါ်လာခြင်းဖြစ်ကြောင်း၊ ထိုအရာသည် ညှိနှိုင်းဆောင်ရွက်မှု၏ အကျိုးရလဒ်ဖြစ်ကြောင်း၊ ယနေ့ ဖြစ်ပွားနေသော ပြည်တွင်း ပဋိပက္ခများကို ချုပ်ငြိမ်း စေလိုသည့် ဆန္ဒများရှိကြောင်း၊ နှစ်ပေါင်း ၆ဝ ကျော် ပြည်တွင်းပဋိပက္ခ ပြဿနာများကြောင့် ဒေသဖွံ့ဖြိုး တိုးတက်ရေး ကိစ္စများ၊ တိုင်းပြည်ဖွံ့ဖြိုး တိုးတက်ရေး ကိစ္စရပ်များကို အတူတကွ လုပ်ဆောင်နိုင်ခဲ့ခြင်း မရှိကြောင်း၊ သို့သော် ယနေ့ မျက်မှောက်ကာလတွင် အတူတကွ လက်တွဲ လုပ်ဆောင်နိုင်မည့် အခြေအနေသို့ ရောက်ရှိလာပြီဟု ယူဆမိကြောင်း၊ NCA ကို လက်တွေ့ ဆောင်ရွက်မှုအပေါ် အခက်အခဲများ၊ မဆောင်ရွက်မီ အခက်အခဲများအား ဖြေရှင်းနိုင်သော နည်းလမ်းများကို ယခု ဆွေးနွေးပွဲများတွင် ချပြဆွေးနွေးသွားရန် လိုကြောင်း ပြောကြားသည်။

ထို့နောက် တက်ရောက်လာကြသော အစိုးရ၊ တပ်မတော်၊ လွှတ်တော်နှင့် NCA လက်မှတ်ရေးထိုးပြီးသော တိုင်းရင်းသား လက်နက်ကိုင်အဖွဲ့များမှ နှစ်ဖက်ခေါင်းဆောင် များက NCA စာချုပ်ပါအခန်းများ၊ ခေါင်းစဉ်ကြီးများ၊ ခေါင်းစဉ်ငယ်များနှင့် အကြောင်းအရာ များတွင် အားသာချက်၊ အားနည်းချက်ကို ပြန်လည်သုံးသပ် ဆွေးနွေးကြသည်။

ယခု NCA အကောင်အထည်ဖော်မှု ပြန်လည်သုံးသပ်ခြင်း အစည်းအဝေးမှ ရရှိလာသော ရလဒ်များကို JICM တွင်တင်ပြဆွေးနွေးကာ အကောင်အထည်ဖော် ဆောင်ရွက်သွားမည် ဖြစ်ကြောင်း၊ အဆိုပါ ဆွေးနွေးပွဲကို အောက်တိုဘာ ၂၅ ရက်မှ ၂၇ ရက်အထိ ရန်ကုန်မြို့ ရွှေလီလမ်းရှိ အမျိုးသား ပြန်လည်သင့်မြတ်ရေးနှင့် ငြိမ်းချမ်းရေး ဗဟိုဌာန- NRPC (ရန်ကုန်ရုံး) ၌ ဆက်လက် ကျင်းပသွားမည် ဖြစ်ကြောင်း သိရသည်။

#Themyawadydaily

Tatmadaw always opens the peace door

 

Senior General Min Aung Hlaing cordially shakes hands with 

PPST Chairman Saw Mutu Sae Poe.

Nay Pyi Taw January 24

It took four years of discussions based on the proposals of armed ethnic groups before the NCA was signed. Likewise, the present Union Peace Conference: the 21st Century Panglong is based on the NCA. The Tatmadaw always opens the peace door, and is lending a helping hand for the success of the conference, said Commander-in- Chief of Defence Services Senior General Min Aung Hlaing at his meeting with members of Peace Process Steering Team-PPST of the NCA signatory armed ethnic groups led by Chairman of Karen National Union-KNU Saw Mutu Sae Poe at Bayintnaung Parlour here at 2 pm yesterday.

Also present at the meeting together with the Senior General were Deputy Commander-in-Chief of Defence Services Commanderin- Chief (Army) Vice-Senior General Soe Win, Chief of the General Staff (Army, Navy and Air) General Mya Tun Oo, and senior military officers of the Office of the Commander-in-Chief (Army). Saw Mutu Sae Poe was accompanied by the PPST members Patron of Pa-O National Liberation Organization-PNLO Khun Okka, Vice-Chairman of Arakan Liberation Party-ALP Khaing Soe Naing Aung, Chairman of All Burma Students’ Democratic Front- ABSDF U Than Khe and Khun Sai of Restoration Council of Shan State/ Shan State Army-RCSS/SSA. At the call, the Senior General explained the facts about the Tatmadaw’s efforts for the peace processes and signing of the NCA for building up a modern developed nation, working in unity and in accord with disciplines and laws for the country’s development, totally sensitive situations of Our Three Main National Causes being safeguarded by the Tatmadaw based on its 70-year experience and paying attention to the sixpoint peace principles. The Senior General urged them to stick to the NCA’s policies as they signed the NCA based on their own policies after a series of talks.

Then, Chairman of PPST Saw Mutu Sae Poe said that he accepted the armed confl icts which are at the highest level regarding the political affairs should be solved on the political way but it cannot solve any problems, adding that he pledged to continuously cooperate with the government and the Tatmadaw until they enjoy the fruits of peace process based on the NCA. Other members of PPST reported on difficulties they are facing at present, and situations on future plans to be implemented. The Senior General discussed efforts of the Tatmadaw in opening the peace door forever with regard to the NCA, actual situations of recent skirmishes, the problems between the Tatmadaw and some armed ethnic groups, necessities to consider everything under the law, and matters related to ensuring quick process of connection machinery with armed ethnic groups in peace processes.

After the meeting, the Senior General cordially greeted Chairman of Peace Process Steering Team- PPST of the NCA signatory armed ethnic groups Saw Mutu Sae Poe and members.

The Myawady Daily

#Themyawadydaily