နိုင်ငံသားစိစစ်ရေးကတ်ပြားပြုလုပ်ပေး

ထန်တလန် အောက်တိုဘာ ၃

-

ချင်းပြည်နယ် ထန်တလန်မြို့ အမှတ်(၁) အခြေခံပညာ အထက်တန်းကျောင်းနှင့် အမှတ်(၂) အခြေခံပညာ အထက်တန်းကျောင်းတို့၌ အလုပ်သမား၊ လူဝင်မှုကြီးကြပ်ရေးနှင့် ပြည်သူ့ အင်အားဆိုင်ရာ ဦးစီးဌာန ဦးစီးမှူးရုံးမှ ဝန်ထမ်းများသည် ရက် ၁ဝဝ စီမံချက်အဖြစ် နိုင်ငံသား စိစစ်ရေး ကတ်ပြားများကို ယမန်နေ့က ဆောင်ရွက် ပေးကြောင်း သိရသည်။

-

ထိုသို့ ကွင်းဆင်း ဆောင်ရွက်ရာသို့ ပြည်သူ့လွှတ်တော် ကိုယ်စားလှယ် ဒေါ်နီရွှေလျန်း၊ အမျိုးသား လွှတ်တော် ကိုယ်စားလှယ် ဦးဘွေခိန်း၊ မြို့နယ် ဒုတိယအုပ်ချုပ်ရေးမှူး ဦးတင် အောင်ဝင်းနှင့် မြို့နယ် လူဝင်မှုကြီးကြပ်ရေးနှင့် ပြည်သူ့အင်အားဆိုင်ရာ ဦးစီးဌာနဦးစီးမှူး ဦးထွန်းထွန်းနှင့် တာဝန်ရှိသူတို့က သွားရောက်ကြီးကြပ်၍ လိုအပ်သည်များ ညှိနှိုင်းဆောင်ရွက် ပေးကြောင်း သိရသည်။

-

#မြ၀တီနေ့စဉ်သတင်းစာ

မြန်မာနိုင်ငံသို့ တရားမ၀င် ၀င်ရောက်လာသည့် ဘင်္ဂလားဒေ့ရ်ှနိုင်ငံသား အား ပြန်လည်လွှဲပြောင်း ပေးအပ်

မောင်တော ၊ ၂၆-၁-၂၀၁၇

မြန်မာနိုင်ငံသို့ တရားမဝင် ဝင်ရောက်လာသည့် ဘင်္ဂလားဒေ့ရ်ှ နိုင်ငံသား မာမတ်တာရက် အား ယမန်နေ့ နံနက်ပိုင်းတွင် ဘင်္ဂလားဒေ့ရ်ှနိုင်ငံ ဘက်မှ တာဝန်ရှိသူများထံ ပြန်လည် လွှဲပြောင်း ပေးအပ်သည်။

အဆိုပါ ဘင်္ဂလားဒေ့ရှ် နိုင်ငံသားသည် လူဝင်မှုကြီးကြပ်ရေး ဥပဒေပုဒ်မအရ ဘူးသီးတောင် အကျဉ်းထောင်၌ ပြစ်ဒဏ်ကျခံ ခဲ့ပြီး ယမန်နေ့နံနက် ၁၁ နာရီ မိနစ် ၄ဝ တွင် မောင်တောမြို့ အမှတ်(၁) ဝင်/ထွက်စခန်း (POE) ၌ လူဝင်မှု ကြီးကြပ်ရေးနှင့် ပြည်သူ့အင်အား ဦးစီးဌာန မောင်တောမြို့နယ် ဦးစီးအရာရှိ ဦးအောင်ကျော်စိန် ဦးဆောင်သော အဖွဲ့မှ ဘင်္ဂလားဒေ့ရ်ှ နိုင်ငံ အမှတ် (၁၂) နယ်ခြားစောင့်တပ်၊ တက္ကနပ် စခန်းမှူး A bul Russel Siddiqueç addldir ဦးစီးအဖွဲ့ထံ လွှဲပြောင်းပေးအပ် ခဲ့ခြင်းဖြစ်ကြောင်း သိရသည်။

မြ၀တီနေ့စဉ်သတင်းစာ ၊ စာ(၁၇)

ငါးခိုးဖမ်းသည့် ဘင်္ဂလားဒေ့ရှ် နိုင်ငံသားခြောက်ဦးအား ပြည်နင်ဒဏ်ပေး

နေပြည်တော် ၊ ၁၃-၁-၂၀၁၇

မြန်မာ့ရေပိုင်နက် အတွင်း ငါးခိုးဖမ်းသည့် ဘင်္ဂလားဒေ့ရှ် နိုင်ငံသား ခြောက်ဦးအား ပြစ်ဒဏ်ကျခံနေရာမှ ရာဇဝတ်ကျင့်ထုံး ဥပဒေပုဒ်မ ၄ဝ၁ (၁)အရ လွတ်ငြိမ်း ချမ်းသာခွင့်ဖြင့် ပြည်နှင်ဒဏ် ပေးရန် နိုင်ငံတော် သမ္မတရုံးက ယမန်နေ့က အမိန့်ထုတ်ပြန် လိုက်ကြောင်း သိရသည်။ 

ဘင်္ဂလားဒေ့ရ်ှနိုင်ငံ တက္ကနက်မြို့နယ် အုန်းကျွန်းကျေးရွာ နေ ရော်ရှီးအူလ္လာ နှင့်ငါးဦးတို့အား ၂ဝ၁၆ ခုနှစ် နိုဝင်ဘာ ၉ ရက် မွန်းလွဲ ၂ နာရီခွဲက ဘင်္ဂလား ပင်လယ်အော် မြန်မာ့ ရေပိုင်နက် အတွင်းတွင် ငါးဖမ်း စက်လှေဖြင့် ငါးခိုးဖမ်းနေစဉ် ဖမ်းဆီးရမိ ခဲ့ခြင်းဖြစ်သည်။

အဆိုပါအမှုဖြင့် ၄င်းတို့ ခြောက်ဦးအား ဘူးသီးတောင် အကျဉ်းထောင်တွင် ပြစ်ဒဏ် ကျခံစေလျက် ရှိရာမှ လွတ်ငြိမ်း ချမ်းသာခွင့်ဖြင့် ပြည်နှင်ဒဏ်ပေးရန် ယမန်နေ့က ထုတ်ပြန်ခဲ့သည့် နိုင်ငံတော်သမ္မတရုံး အမိန့်အရ ၄င်းတို့အား ကတိဝန်ခံ လက်မှတ်များ ရေးထိုးစေပြီး ဘူးသီးတောင်မြို့နယ် လူဝင်မှုကြီးကြပ်ရေး နှင့် ပြည်သူ့အင်အား ဦးစီးဌာနသို့ လွှဲပြောင်းအပ်နှံ ခဲ့ကြောင်းနှင့် လုပ်ထုံးလုပ်နည်း များနှင့်အညီ ဆက်လက် ဆောင်ရွက်သွားမည် ဖြစ်ကြောင်း သိရသည်။

မြ၀တီနေ့စဉ်သတင်းစာ ၊ စာ(၉)

ရခိုင်ပြည်နယ်အတွင်း မြို့သုံးမြို့တွင် နိုင်ငံသားစိစစ်ရေး လုပ်ငန်းစဉ်အတွက် ကွင်းဆင်းဆောင်ရွက်

စစ်တွေ ၊ ၉-၆-၂၀၁၆

ရခိုင်ပြည်နယ် အတွင်း နိုင်ငံသား စိစစ်ရေး လုပ်ငန်းစဉ် အတွက် ကျောက်ဖြူ၊ မြေပုံနှင့် ပုဏ္ဏားကျွန်း မြို့နယ်တို့တွင် ကနဦး လုပ်ငန်းစဉ် အဖြစ် National Verification Card-NVC ကတ်များကို ဇွန် ၇ ရက်မှ စတင်ကာ ထုတ်ပေးလျက် ရှိသည်။ NVC ကတ် ဆိုသည်မှာ နိုင်ငံသား စိစစ်ခံရမည့် သူ၏ သက်သေခံ ကတ်ပြားဖြစ် ပြီး ယခင်ကတ်များ ကဲ့သို့ သက်တမ်း သတ်မှတ် ထားခြင်းမရှိဘဲ လူမျိုးနှင့် ဘာသာကိုလည်း ဖော်ပြခြင်း မပြုကြောင်း ပြည်နယ် လူဝင်မှု ကြီးကြပ်ရေးနှင့် ပြည်သူ့အင်အား ဦးစီးဌာန ပြည်နယ် ဦးစီးမှူး ဦးဝင်းလွင် က ပြောသည်။

အဆိုပါကတ်မှာ ကြည်ပြာရောင် ဖြစ်ပြီး နိုင်ငံသား ဖြစ်ရန်အတွက် ပထမအဆင့် ခြေလှမ်းဖြစ်ကာ ကတ်ကိုင်ဆောင် ထားခြင်းဖြင့် တစ်ဖက်နိုင်ငံမှ တရားမဝင် ဝင်ရောက် လာခြင်းကိုလည်း ကာကွယ် တားဆီးနိုင်မည် ဖြစ်ကြောင်း၊ မူဆလင် များ၏ လက်ရှိ အိမ်ထောင်စု စာရင်းတွင် ရှိသော လူဦးရေ အနက် အသက် ၁ဝ နှစ် အထက် ရှိသူများအား NVC ကတ် ထုတ်ပေး သွားမည်ဖြစ်ပြီး အဆိုပါ ကတ်အပေါ်၌ မူတည်ကာ ၁၉၈၂ ခုနှစ် မြန်မာနိုင်ငံသား ဥပဒေ လုပ်ထုံးလုပ်နည်း နှင့်အညီ နိုင်ငံသား အဖြစ် ရရှိအောင် ပြည်နယ်အဆင့်၊ မြို့နယ်အဆင့် ကော်မတီများ ဖွဲ့စည်းကာ စိစစ် ဆောင်ရွက် သွားမည် ဖြစ်ကြောင်း သိရသည်။

အဆိုပါ NVC ကတ် ထုတ်ပေးခြင်း လုပ်ငန်းကို ရခိုင်ပြည်နယ် တစ်ခုတည်းတွင် သာ မဟုတ်ဘဲ နယ်စပ်နှင့် ထိစပ်လျက် ရှိသော အခြား ပြည်နယ်နှင့် တိုင်းဒေသကြီး များတွင်လည်း ကတ်ထုတ် ပေးခြင်း လုပ်ငန်းကို ဆောင်ရွက်သွားမည် ဖြစ်သည်။ NVC ကတ်များကို စတင် ထုတ်ပေးသော ဇွန် ၇ ရက်တွင် မြေပုံမြို့နယ် ၌ ကျား ၅၇ ဦး၊ မ ၆၉ ဦး စုစုပေါင်း ၁၂၆ ဦးနှင့် ကျောက်ဖြူ မြို့နယ်တွင် ကျား ၄၁ ဦး၊ မ ၅၁ ဦး၊ စုစုပေါင်း ၉၂ ဦးကို ထုတ်ပေး နိုင်ခဲ့ပြီး ပုဏ္ဏား ကျွန်း မြို့နယ်တွင်မူ NVC ကတ် ထုတ်ပေးမှုနှင့် ပတ်သက်၍ နားလည်မှု လွဲမှားခြင်း အနည်းငယ် ရှိသဖြင့် ထုတ်ပေးနိုင်ခြင်း မရှိခဲ့ပေ။

ဇွန် ၈ ရက်တွင် ဆက်လက် ထုတ်ပေးလျက် ရှိရာ မြေပုံမြို့နယ် ၌ ကျား ၁၅ ဦး၊ မ ၁၇ ဦး စုစုပေါင်း ၃၂ ဦးကို ထပ်မံထုတ်ပေး နိုင်ခဲ့ကြောင်းနှင့် ကျောက်ဖြူ မြို့နယ်တွင် ကျား ၅၆ ဦး၊ မ ၈၄ ဦး စုစုပေါင်း ၁၄ဝ ဦးကို ထုတ်ပေးနိုင် ခဲ့သည်။ ဇွန် ၇ ရက်မှ ယနေ့ထိ ထုတ်ပေးမှု များမှာ မြေပုံမြို့နယ် တွင် စုစုပေါင်း ၁၅၈ ဦးဖြစ်ပြီး ကျောက်ဖြူ မြို့နယ်တွင် စုစုပေါင်း ၂၃၂ ဦး ဖြစ်ကြောင်း သိရသည်။

NVC ကတ်များ မထုတ်ပေးမီ ပြည်နယ် လူဝင်မှု ကြီးကြပ်ရေးနှင့် ပြည်သူ့အင်အား ဦးစီးဌာန အနေဖြင့် လူထုအတွင်းသို့ ကွင်းဆင်းကာ ရှင်းလင်းပြသ ခဲ့မှုများ ရှိခဲ့သည်။ NVC ကတ် ထုတ်ပေးခြင်း လုပ်ငန်းအား လူဦးရေ အနည်း အများပေါ် မူတည်ပြီး အချိန်မည်မျှ ကြာမြင့်မည် ကို ခန့်မှန်းမရ ကြောင်း၊ ၄င်းတို့ဘက်မှ  ညှိနှိုင်းမှုကို လက်မခံခဲ့ပါက ဗဟိုအဆင့်သို့ တင်ပြကာ ညွှန်ကြားချက် အတိုင်း ဆောင်ရွက် သွားမည် ဖြစ်ကြောင်း ပြည်နယ် ဦးစီးမှူး ဦးဝင်းလွင် က ပြောသည်။ (၄ဝ၈)

မြ၀တီနေ့စဉ် ၊ စာ(၅)