-
နေပြည်တော်၊ ဇန်န၀ါရီ - ၂၁
-
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည် ထိုင်းဘုရင့် ရေတပ်ဦးစီးချုပ် Admiral Luechai Ruddit အား ယနေ့ညနေပိုင်းတွင် နေပြည်တော်ရှိ ဇေယျာသီရိဗိမာန်၌ လက်ခံတွေ့ဆုံသည်။
-
အဆိုပါ တွေ့ဆုံပွဲသို့ တပ်မတော်ကာကွယ်ရေးဦးစီးချုပ် နှင့်အတူ ကာကွယ်ရေးဦးစီးချုပ်(ရေ) ဗိုလ်ချုပ်ကြီး တင်အောင်စန်း၊ ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး စိုးထွဋ်နှင့် တပ်မတော်အရာရှိကြီးများ တက်ရောက်ကြပြီး ထိုင်းဘုရင့် ရေတပ်ဦးစီးချုပ် နှင့်အတူ ထိုင်းဘုရင့် ရေတပ်မှတပ်မတော် အရာရှိကြီးများနှင့် မြန်မာနိုင်ငံဆိုင်ရာ ထိုင်းဘုရင့် ရေတပ်စစ်သံမှူးCaptain Puchong Praditteera နှင့် တာဝန်ရှိသူများ တက်ရောက်ကြသည်။
-
-
ထိုသို့ တွေ့ဆုံရာတွင် နှစ်နိုင်ငံနှင့်တပ်မတော်နှစ်ရပ်အကြား ချစ်ကြည်ရင်းနှီးမှုများ ပိုမို တိုးတက်ကောင်းမွန်ရန် လိုအပ်မှု အခြေအနေများ၊ ချစ်ကြည်ရေး အားကစားပြိုင်ပွဲများ ကျင်းပခြင်းနှင့် ယဉ်ကျေးမှုဆိုင်ရာများ ဖလှယ်ရေးကိစ္စရပ်များ၊ သဘာဝဘေးအန္တရာယ် ကျရောက်ပါက ကူညီကယ်ဆယ်ရေး လုပ်ငန်းရပ်များတွင် ပူးပေါင်းဆောင်ရွက်နိုင်ရန်အတွက် ကြိုတင်လေ့ကျင့် ဆောင်ရွက်ရန်လိုအပ်မှု အခြေအနေများ၊ အာဆီယံ တပ်မတော်များမှ ရေတပ်များနှင့် ပူးပေါင်းဆောင်ရွက်ရေးဆိုင်ရာ ကိစ္စရပ်များ၊ စစ်ရေယာဉ်များ ချစ်ကြည်ရေး ခရီး အပြန်အလှန်လည်ပတ်ရေးနှင့် အတွေ့အကြုံများ ဖလှယ်ရေးဆိုင်ရာ ကိစ္စရပ်များအား ရင်းရင်းနှီးနှီး ဆွေးနွေးခဲ့ကြသည်။
-
ယင်းနောက် တပ်မတော်ကာကွယ်ရေးဦးစီးချုပ်နှင့် ထိုင်းဘုရင့်ရေတပ်ဦးစီးချုပ်တို့သည် အမှတ်တရ လက်ဆောင်ပစ္စည်းများ အပြန်အလှန်ပေးအပ်ပြီး တက်ရောက်လာကြသူ များနှင့်အတူ စုပေါင်း ဓာတ်ပုံ ရိုက်ခဲ့ကြကြောင်း သတင်း ရရှိသည်။
-
#မြ၀တီနေ့စဉ်သတင်းစာ
No comments:
Post a Comment