ရန်ကုန် ၊ ၁၀-၃-၂၀၁၅
ရန်ကုန်- မန္တလေး အမြန်လမ်း ပြုပြင်ထိန်းသိမ်းရေး အဖွဲ့အနေဖြင့် ရန်ကုန်- မန္တလေး အမြန်လမ်းမကြီး ပေါ်ရှိ တံတားများတွင် ဒေါက်ထောက်မှု လုပ်ငန်းများ (ပုံ) ကို လုပ်ကိုင် ဆောင်ရွက်လျက် ရှိရာ ထိုသို့ ဆောင်ရွက်ထားရှိမှု အပေါ်တွင် ခရီးသွား ပြည်သူများမှ စိုးရိမ်ပူပန်မှုများ မရှိစေရေး အတွက် အသိပေးချက် ထုတ်ပြန်ကြေညာ ခဲ့ကြောင်း သိရသည်။
ရန်ကုန်- မန္တလေး အမြန် လမ်းမကြီးကို လမ်းနှင့်တံတား များ၏ ခံနိုင်ဝန်အား တန်ချိန် ၈ဝ ထိသာ တင်ဆောင် သွားလာနိုင်သော ဒီဇိုင်းပုံစံများဖြင့် တည်ဆောက် ထားခြင်း ဖြစ်သည်။ ထို အမြန်လမ်းမ ကြီးတွင် သတ်မှတ်ခွင့်ပြု တန်ချိန်ထက် ပိုသော ဝန်လေး ပစ္စည်းများကို Transporter ယာဉ်များဖြင့် သယ်ဆောင်ရန် လိုအပ်သည့်အခါ ၌ တံတားများ၌ Ultimate Deflection များ မဖြစ်ပေါ်စေရေး အတွက် Girder များ၏ အောက်ခြေတွင် (Prop) ဒေါက်ထောက် ပေးခြင်းလုပ်ငန်း များကို လုပ်ကိုင် ဆောင်ရွက် ပေးနေခြင်း ဖြစ်ကြောင်း ၄င်းအသိပေး ထုတ်ပြန်ချက်တွင် ဖော်ပြပါရှိသည်။
ထိုသို့ ရန်ကုန်- မန္တလေး အမြန်လမ်းမကြီးရှိ တံတားများတွင် ဒေါက်ထောက်မှု လုပ်ငန်းများကို ပြည်သူ့ ဆောက်လုပ်ရေး လုပ်ငန်း၊ ရန်ကုန်- မန္တလေး အမြန်လမ်း ပြုပြင် ထိန်းသိမ်းရေး အထူးအဖွဲ့က ၃၆၆/၃ မိုင် ရှည်လျားသည့် ရန်ကုန်- မန္တလေး အမြန်လမ်းကို ထိန်းသိမ်းရေး လုပ်ငန်းများ ဆောင်ရွက်ရာတွင် ထိန်းသိမ်းရေး လုပ်ငန်း သုံးမျိုးဖြင့် အပိုင်းလိုက် လုပ်ကိုင် ဆောင်ရွက်လျက် ရှိသည်။
ဆောင်ရွက်ရာတွင် အင်တာနက် ဖေ့စ်ဘုတ် စာမျက်နှာများမှ အကြံပြု အသိပေးမှုကို တွေ့ရှိရ သည်နှင့် ပြင်ဆင် ထိန်းသိမ်းခြင်း လုပ်ငန်းများကို ချက်ချင်း လုပ်ကိုင် ဆောင်ရွက်ခြင်း ဖြစ်သည်။ ရန်ကုန်- မန္တလေး အမြန်လမ်း ပြုပြင် ထိန်းသိမ်းရေးအဖွဲ့ အနေဖြင့် အမြန် လမ်းမကြီး၏ လိုအပ်ချက်များကို အချိန်နှင့် တစ်ပြေးညီ အမြန်ဆုံး ပြန်လည်ပြုပြင် ဆောင်ရွက်လျက် ရှိရာ ရန်ကုန်- မန္တလေး အမြန်လမ်း မိုင် (၃၄၄/၆) ရှိ ကျောက်ဆည်- တံတားဦးလမ်း Underpass ၏ ကွန်ကရစ် ပလက်ဖောင်းတုံး ( fancy Block )များ ပျက်စီးယိုယွင်း နေမှုကို ဖေ့စ်ဘုတ် စာမျက်နှာမှ အကြံပြု အသိပေးခဲ့မှု အရ ဆောင်ရွက်ခဲ့ခြင်း ဖြစ်သည်။
ထို့ကြောင့် ရန်ကုန်- မန္တလေး အမြန်လမ်း အတွက် လိုအပ်ချက်များ အပေါ် အကြံပြုလိုပါက https://www.facebook.com/ygnmdyexpressroad ကို Link လုပ်ပြီး လာရောက် အကြံပြု နိုင်ကြောင်း သိရသည်။ (၃၃၆)
#Yadanarpondaily
#ရတနာပုံနေ့စဉ်
.jpg)
No comments:
Post a Comment