www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Monday, September 29, 2014

သက်ကြီးရွယ်အိုများကို တန်ဖိုးထား စောင့်ရှောက်


သက်ကြီးရွယ်အိုများကို တန်ဖိုးထား စောင့်ရှောက်

သက်ကြီး ရွယ်အိုများ တိုးပွား လာမှုသည် ကောင်းမွန်သော လက္ခဏာ ဖြစ်သကဲ့သို့ စိန်ခေါ်မှု တစ်ရပ်လည်း ဖြစ်လာသည်။ စောင့်ရှောက်သူ အရေအတွက် လျော့နည်း လာပြီး စောင့်ရှောက်ခံ ဘိုးဘွားများ တိုးတက်လာသည်။ ဤ အခြေအနေ မျိုးတွင် ကမ္ဘာ့ နိုင်ငံတော်တော် များများ၌ ထိုကိစ္စ ကို ရင်ဆိုင်ရန် အတွက် ဥပဒေများ၊ မူဝါဒများ၊ လုပ်ငန်း အစီအစဉ်များ ခိုင်ခိုင်မာမာ မရှိသေးပေ။ ထို့ကြောင့် သက်ကြီးရွယ်အို စောင့်ရှောက်ရေး လုပ်ငန်းများ ဆောင်ရွက် နေသူများက လိုအပ်သော အစီအမံများ ချမှတ်ရန်တောင်းဆိုလျက် ရှိသည်။

သက်ကြီးရွယ်အို တိုးပွားမှုမှာ လျင်မြန်လျက် ရှိပြီး ဖွံ့ဖြိုးဆဲနိုင်ငံများတွင် ပိုမို များပြားကြောင်း တွေ့ရသည်။ ယနေ့ ကမ္ဘာပေါ်တွင် လူ့သက်တမ်း နှစ်(၈ဝ) ကျော်သော နိုင်ငံသည် လွန်ခဲ့သော ငါးနှစ်က ၁၉ နိုင်ငံရှိရာမှ ယခုအခါ ၃၃ နိုင်ငံ ရှိလာသည်။ အသက် (၉ဝ/၁ဝဝ) ကျော်သူ အရေ အတွက် လည်း ပိုမို များပြား လာကြောင်း တွေ့ရသည်။ ဂျပန်နိုင်ငံတွင် သက်ကြီး အမျိုးအစားမှာ ၃ဝ ရာခိုင်နှုန်း ကျော် ရှိလာပြီး ၂ဝ၅ဝ ပြည့်နှစ်တွင် နောက်ထပ် ၆၄ နိုင်ငံသည် ဂျပန်နိုင်ငံ အတိုင်း ဖြစ်လာ ကြတော့မည် ဖြစ်သည်။

ထိုကိစ္စသည် လူ့လောက အတွက် မင်္ဂလာသတင်း ဖြစ်သည်။ သို့ရာတွင် ထို တိုးပွားလာမှု အတွက် လူမှု စောင့်ရှောက်ရေး၊ စီးပွားရေး အခွင့်အလမ်းများ၊ ဘဝဖူလုံရေး နှင့် သက်ကြီး ကျန်းမာရေး စောင့်ရှောက် မှုများ စနစ်တကျ စီစဉ်မှုများ မရှိပါက ကြီးမားသော စိန်ခေါ်မှု တစ်ရပ် ဖြစ်လာနိုင်သည်။ လက်ရှိ အခြေအနေတွင် လည်း သက်ကြီးရွယ်အို တိုးပွားမှုကို သေချာစွာ ပြင်ဆင်မှု မရှိသည့် ကမ္ဘာ့ဒေသ များတွင် လူမှုရေး၊ စီးပွားရေး နှင့် ယဉ်ကျေးမှု အရ စိန်ခေါ်မှုများကို တစ်ဦးချင်း အလိုက်သော် လည်းကောင်း၊ မိသားစု အလိုက်သော် လည်းကောင်း၊ လူ့အဖွဲ့အစည်း အလိုက်သော် လည်းကောင်း ခံစား နေကြရပြီ ဖြစ်သည်။

ယနေ့ ကမ္ဘာပေါ်တွင် ဖြစ်ပွားနေသော ပဋိပက္ခနှင့် ဘေးအန္တရာယ် များကြောင့် စီးပွားရေး ပြဿနာ များလည်း ဖြစ်ပွားလျက် ရှိသည်။ သက်ကြီးရွယ်အို များသည် အဆိုပါ ဒုက္ခကို ပိုမိုခံစား ကြရသူများ ဖြစ်ရာ ဝင်ငွေဖူလုံရေး အတွက် နည်းလမ်းရှာဖွေ ဆောင်ရွက်ကြ ရမည် ဖြစ်သည်။ သက်ကြီးရွယ်အို များသည် အငြိမ်းစား ယူပြီးနောက် တွင်လည်း လုံလောက်သော ဝင်ငွေရရှိရန် လိုအပ် သဖြင့် ၄င်းတို့အတွက် အလုပ်အကိုင် အခွင့်အလမ်းများ ဖန်တီးပေးရန် နှင့် မည်သည့် အငြိမ်းစား ဝင်ငွေမှ မရရှိသော သက်ကြီးများ အတွက် လူမှု ကာကွယ် စောင့်ရှောက်ရေး အစီအစဉ်များကို ပုံမှန် လူမှုရေး ထောက်ပံ့ ပေးခြင်းများ ဆောင်ရွက်ပေးရန် လိုသည်။ လူမှုရေး ပင်စင် စီမံကိန်းများ ဆောင်ရွက်ပေးခြင်း များသည် သက်ကြီးရွယ်အို ဘဝ အေးချမ်းမှု ရရှိရေးအတွက် အရေးကြီးသည်။

ဗြဟ္မစိုရ်တရား ထွန်းကားပြီး ကောင်းမွန်သော ယဉ်ကျေးမှု အစဉ်အလာ ရှိသည့် မြန်မာနိုင်ငံတွင် သက်ကြီးရွယ်အို များကို တန်ဖိုးထား စောင့်ရှောက်လျက် ရှိသည်။ သို့ရာတွင် သားထောက် သမီးခံ မရှိ ဆွေမျိုးညာတိ နည်းပါးသော သက်ကြီးရွယ်အို စောင့်ရှောက်ရေး အတွက် အခြားသော နိုင်ငံများ နည်းတူ အမျိုးသားအဆင့် ယန္တရား၊ မူဝါဒ၊ ဥပဒေများ၊ အစီအစဉ်များ ဆောင်ရွက်ကာ အေးချမ်းသာယာ၍ ခေတ်မီဖွံ့ဖြိုး တိုးတက်သည့် နိုင်ငံတော်၏ အသီးအပွင့် များကို မိမိတို့၏ အဘိုးအဘွားများ ခံစားစံစား နိုင်ရန် ပြည်သူအားလုံးက ပါဝင် ဆောင်ရွက်ကြပါစို့ ဟု တိုက်တွန်း ရေးသား လိုက်ရ ပေသည်။

( အယ်ဒီတာ့အာဘော် )

#Yadanarpondaily

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page