www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Saturday, June 29, 2013

အမျိုးသမီးငယ်များ လူကုန်ကူးမှု မခံရရေး ဆောင်ရွက်ရန် လိုအပ်ချက်များ ရှိနေ


ရန်ကုန် ၊ ၂၉-၆-၂၀၁၃

မြန်မာနိုင်ငံ ၌ လက်ရှိ ဖြစ်ပွားလျက် ရှိသော လူကုန်ကူး ခံရသူများသည် အမျိုးသမီးငယ် များဖြစ်ပြီး ယင်းအမျိုးသမီး ငယ်များ လူကုန်ကူးမှု မခံရရေး ဆောင်ရွက် ရာတွင် လိုအပ်ချက် များ ရှိသည်ဟု မြန်မာနိုင်ငံ ရှိ လူမှု အဖွဲ့အစည်း များနှင့် မြန်မာနိုင်ငံ လူကုန်ကူးမှု တားဆီး ကာကွယ်ရေး အဖွဲ့ထံမှ သိရသည်။

လူကုန်ကူးမှု များတွင် ဖွံ့ဖြိုး တိုးတက်လျက် ရှိသော နိုင်ငံများထက် မြန်မာနိုင်ငံ သားများက ပိုမို ကြုံတွေ့ နေရပြီး ယင်း လူကုန်ကူးမှု လုပ်ငန်း များသည် ရင်းနှီးမြှုပ်နှံငွေ နည်းပါးကာ အမြတ်အစွန်း ( ငွေအမြောက် အမြား ) ရရှိနိုင်သော ကြောင့် နည်းမျိုးစုံ ဖြင့် လုပ်ကိုင် သူများ ဆက်လက် လုပ်ဆောင် နေကြောင်း သိရသည်။

" လူကုန်ကူး လုပ်ငန်း လုပ်ကိုင်တဲ့ သူတွေက တရုတ်နိုင်ငံ ကို ပို့တာ များတယ် ၊ နောက် ထိုင်းနိုင်ငံ က စက်ရုံ ၊ အလုပ်ရုံ ပိုင်ရှင်တွေဆီ ပို့တယ် ၊ လူကုန်ကူး ခံရတာ အများဆုံးက အသက် ၁၆ နှစ် အထက် အမျိုးသမီး တွေပဲ ၊ တချို့ နယ်တွေမှာ အလုပ်အကိုင် မရှိတော့ အလုပ်ရှာ ပေးမယ် ဆိုပြီး ခေါ်ရင် လိုက်သွား ကြတာတွေ ရှိတယ် ၊ ဒီလို လူကုန်ကူးမှု ကို မသိကြ သေးတဲ့ လူတွေ အများကြီး ရှိတယ် ၊ ဒါတွေကို ဖော်ထုတ်ဖို့ အတွက် မြို့နယ် ၊ ရပ်ကွက် ၊ ရဲတပ်ဖွဲ့ နဲ့ ပြည်သူတွေ ပူးပေါင်း ဆောင်ရွက်ဖို့ သားသမီးချင်း ကိုယ်ချင်းစာ ဖို့ လိုအပ် ပါတယ် .... " ဟု မြန်မာနိုင်ငံ လူကုန်ကူးမှု တားဆီး ကာကွယ်ရေး အဖွဲ့မှ တာဝန်ရှိသူ တစ်ဦးက ပြောကြား ခဲ့သည်။


လူကုန်ကူး ခံရသော အမျိုးသမီး ငယ်များသည် ၄င်းတို့ကို တရားမ၀င် အလုပ်သမား များအဖြစ် အိမ်နီးချင်း နိုင်ငံများ သို့ ပို့ဆောင်လျက် ရှိကြောင်း နှင့် ယင်း လူကုန်ကူးမှု များကို အပြည်ပြည် ဆိုင်ရာ အလုပ်သမား အဖွဲ့ ILO မှ အရေးယူ ပိတ်ဆို့မှု များကိုလည်း ပြန်လည် ရုပ်သိမ်း ခဲ့သည်ဟု သိရှိရသည်။

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger