အင်းလေးကန် ထိန်းသိမ်း ကာကွယ်ရေးနှင့် ရေရှည် တည်တံ့သော ဖွံ့ဖြိုးရေးစီမံကိန်းဆိုင်ရာ အလုပ်ရုံ ဆွေးနွေးပွဲ ကျင်းပ

တောင်ကြီး  အောက်တိုဘာ ၂၉  

-

ရှမ်းပြည်နယ် အစိုးရအဖွဲ့နှင့် UNDP တို့ပူးပေါင်းကျင်းပသော အင်းလေးကန် ထိန်းသိမ်း ကာကွယ်ရေးနှင့် ရေရှည် တည်တံ့သော ဖွံ့ဖြိုးရေး စီမံကိန်းဆိုင်ရာ အလုပ်ရုံ ဆွေးနွေးပွဲကို ယမန်နေ့ နံနက် ၉ နာရီက တောင်ကြီးမြို့ သစ်တော ရပ်ကွက်ရှိ  Royal Taunggyi ဟိုတယ်ခန်းမ၌ ကျင်းပသည်။

-

အခမ်းအနားတွင် ရှမ်းပြည်နယ်အစိုးရ အဖွဲ့ပြည်နယ်ဝန်ကြီးချုပ် ဒေါက်တာ လင်းထွဋ်က အင်းလေးကန်သည် ထူးခြား သည့် ရိုးရာယဉ်ကျေးမှုနှင့် အသက်မွေးဝမ်းကျောင်းမှု အလေ့အထများကြောင့် ခရီးသွား လုပ်ငန်းအတွက် ဆွဲဆောင် မှု ရှိသည့် ဒေသဖြစ်ပါကြောင်း၊ အင်းလေးကန်၏ အချို့နေရာများ၌  ကန်၏အခြေအနေမှ ကျွန်းမျော စိုက်ပျိုးရေးခြံနှင့် လယ်ကွက်များအကြား ရေမြောင်းကဲ့သို့ ဖြစ်နေပြီး ကန်ရေသည်လည်း ညစ်ညမ်းမှုဖြစ်နေကာ ကန်ရေ သောက်သုံး သူနှင့် ငါးများအတွက် အင်းလေးကန်ရေ ထိန်းသိမ်းမှု လိုအပ်ပါကြောင်း၊ အင်းလေးကန် ထိန်းသိမ်းရေးနှင့်  ရေရှည် တည်တံ့သော ဖွံ့ဖြိုးတိုးတက်မှု အတွက် နိုင်ငံတော် အစိုးရ၊ ရှမ်းပြည်နယ် အစိုးရ တို့က ဦးဆောင်လျက်ရှိပြီး ကြိုးစားပမ်းစား လုပ်ကိုင် ဆောင်ရွက်လျက် ရှိပါကြောင်း  ပြောကြားသည်။

-

ဆက်လက်၍ နော်ဝေသံရုံးမှ  ဝန်ကြီးအတိုင်ပင်ခံ Lise Nordgaardနှင့် UNDP မှ ပရောဂျက် မန်နေဂျာ (နည်းပညာ ဆိုင်ရာ အကြံပေး) Martin Cosier တို့က အင်းလေးကန် ထိန်းသိမ်း ကာကွယ်ရေးနှင့် ဖွံ့ဖြိုး တိုးတက်ရေးကို  လုပ်ဆောင်နေသည့်   အင်းလေးကန်  အုပ်ချုပ် လုပ်ကိုင်ရေးအဖွဲ့ကို အားဖြည့် ကူညီဖွဲ့စည်းကာ စီမံကိန်းကို ယခုနှစ် အစောပိုင်းတွင် ရှမ်းပြည်နယ် အစိုးရ အဖွဲ့နှင့် သက်ဆိုင်ရာ ဝန်ကြီးဌာနများမှ   ခွင့်ပြုချက်ရယူခဲ့ပြီး စီမံ ကိန်းနှင့် ဘဏ္ဍာရေး ဝန်ကြီးဌာနနှင့် MoU ရေးထိုးကာ နော်ဝေ အစိုးရ၏ ပံ့ပိုးကူညီမှုဖြင့် ဆောင်ရွက်နေမှု အခြေအနေများနှင့် ပတ်သက်၍ ရှင်းလင်း ပြောကြားသည်။

-

ထို့နောက် သစ်တောဦးစီးဌာန၊ ဟိုတယ်နှင့် ခရီးသွားလာရေး ညွှန်ကြားမှုဦးစီးဌာနတို့မှ တာဝန်ရှိသူတို့က  အင်းလေး ကန် ရေရှည် တည်တံ့ရေးအတွက် ၂ဝ၁၆ ခုနှစ်မှ ၂ဝ၂ဝ ပြည့်နှစ်အထိ လုပ်ငန်းဆောင်ရွက်မည့် အစီအမံ များနှင့်   တိရစ္ဆာန် ကာကွယ်ထိန်းသိမ်းခြင်း လုပ်ငန်းဆိုင်ရာများကို ရှင်းလင်းပြောကြားသည်။

-

ယင်းနောက် တက်ရောက် လာကြသူများက  အင်းလေးကန် ထိန်းသိမ်းရေးနှင့် အင်းလေးဒေသ ဖွံ့ဖြိုးတိုးတက်ရေး ဆိုင်ရာ များကို  အပြန်အလှန် ဆွေးနွေးခဲ့ကြကြောင်း သိရသည်။ 

-

#မြ၀တီနေ့စဉ်သတင်းစာ

ပုပ္ပားတောင် ဝန်းကျင်ဧရိယာ၌ ရေစီးရေလာ ကောင်းမွန်ရေးနှင့် အဆောက်အအုံများ စနစ်တကျ ဆောက်လုပ်သင့်

ကျောက်ပန်းတောင်း ၁၃-၂-၂ဝ၁၈

ပုပ္ပားတောင်ဝန်းကျင် ဧရိယာတွင် သဘာဝရေထွက်တွင်း ၇ဝ ခန့်ရှိပြီး တောင်၏ရေစီး ရေလာကောင်းမွန်ရေးနှင့် အဆောက်အအုံများ ဆောက်လုပ်ရာတွင် စနစ်တကျ တည်ဆောက်ရေးအတွက် အစီအစဉ်တကျ ဆောင်ရွက် သင့်ကြောင်း ဘူမိဗေဒဆိုင်ရာ ကျွမ်းကျင်ပညာရှင်များက အကြံပြုကြသည်။

ပုပ္ပားတောင်ကလပ်အနီး မြေပြိုမှုမကြာခဏ ဖြစ်ပွားနေသဖြင့် မန္တလေးတိုင်းဒေသကြီး အစိုးရအဖွဲ့၏ အစီအစဉ်ဖြင့် ဘူမိဗေဒ ဆိုင်ရာကျွမ်းကျင်ပညာရှင် ၁၂ ဦးသည် ပုပ္ပားတောင်မကြီးနှင့် အနီးပတ်ဝန်းကျင်နေရာ များသို့ သွားရောက်လေ့လာခဲ့ပြီး ဖေဖော်ဝါရီ ၁ဝ ရက်တွင် ခေတ္တရပ်နားကာ ယခုလကုန်တွင် နောက်တစ်ကြိမ်ထပ်မံ စစ်ဆေးမည် ဖြစ်ကြောင်း သိရသည်။

''မြေကြီးအနက်ထဲ ရောက်အောင် တွင်းတွေတူးပြီး မြေသားအခြေအနေ ကိုကြည့်မယ်။ ဒီလိုမြေပြိုတာကို ရပ်အောင်လုပ်လို့ မရပါဘူး။ လျော့နည်းအောင် ဘယ်လိုလုပ်မလဲ ဆိုတဲ့နည်းလမ်းကို ရှာရမှာပါ။ အခုတွေ့ရှိတာတွေကို တိုင်းဒေသကြီး အစိုးရအဖွဲ့ကို တင်ပြမယ်'' ဟု မြန်မာနိုင်ငံ ဘူမိသိပ္ပံအသင်းမှ ဒေါက်တာစိုးမိုးကျော်ဝင်းက ပြောသည်။

ပုပ္ပားတောင်မကြီးသည် အမြင့်ပေ ၄၉၈၁ ပေရှိပြီး ပုပ္ပားတောင်ဝန်းကျင် ဧရိယာသည် သဘာဝအလျောက် မြေပြိုနိုင်သဖြင့် မြေပြိုမှု အန္တရာယ်လျော့နည်း စေရေး ဒေသဖွံ့ဖြိုးရေး လုပ်ငန်းများအား စနစ်တကျ ဆောင်ရွက်ရန်လိုအပ်ကြောင်း ပညာရှင်များက နိုင်ငံတော်အစိုးရနှင့် ဒေသခံပြည်သူများအား အကြံပြုထားကြောင်း သိရသည်။

#Themyawadydaily

မြိတ်ကျွန်းစုအတွင်းရှိ သန္တာကျောက်တန်း များရှိရာ အဏ္ဏဝါရေပြင်ကို ငါးမဖမ်းရဇုန်များသတ်မှတ်ပိုင်း ခြား၍ထိန်းသိမ်းသွားမည်

မြိတ် ၉-၆-၂၀၁၇

ငါးဖမ်းလုပ်ငန်း ရေရှည်တည်တံ့စေရန်နှင့် အရေးပါသော သန္တာကျောက်တန်းများ မပျက်စီးစေရန် မြိတ်ကျွန်းစုအတွင်းရှိ သန္တာကျောက်တန်းများရှိရာ အဏ္ဏဝါရေပြင်အား ငါးမဖမ်းရဇုန်အဖြစ် သတ်မှတ်ပိုင်းခြား၍ ထိန်းသိမ်းဆောင် ရွက်သွားမည် ဖြစ်ကြောင်း နိုင်ငံတကာသားငှက်တိရစ္ဆာန်နှင့် အပင်များလေ့လာရေးအဖွဲ့ (FFI) အဏ္ဏဝါ ထိန်းသိမ်းရေးဌာနမှ သိရသည်။

မြိတ်ကျွန်းစုတွင် သန္တာကျောက်တန်းများ၊ ပင်လယ်မြက်ခင်းများ၊ ဒီရေတောများ ကောင်းမွန်စွာတည်ရှိ နေသော်လည်း ငါးအလွန်အကျွံဖမ်းဆီးမှု၊ တရားမဝင်ငါးဖမ်း ကိရိယာများဖြင့် ငါးဖမ်းဆီးမှု၊ မိုင်းခွဲ၍ငါးဖမ်းဆီးမှုများ ကြောင့် သန္တာကျောက်တန်းများမှာ ပျက်စီးလျက်ရှိသည်။

ထို့ ကြောင့် မြိတ်ကျွန်းစုအတွင်း ကျန်ရှိနေသော အဏ္ဏဝါဂေဟစနစ် များထဲမှ ပျက်စီးမှုနည်းပါး နေသေးသည့် သန္တာကျောက်တန်းများနှင့် ဒေသ၏ရေလုပ်ငန်းကို ရေရှည်တည်တံ့ စေရန်ဦးစားပေး နေရာများ ရွေးချယ်၍ အဏ္ဏဝါ ကာကွယ်ရေး ရေပြင်အဖြစ် သတ်မှတ်ထားသည်။

လက်ရှိတွင် မြိတ်ကျွန်းစုအတွင်းရှိ လငန်း၊ ဒုံးပုလဲအော်နှင့် လင်းလွန်း-ပရောဝါး ကျေးရွာတို့ကို မြန်မာနိုင်ငံ၏ ပထမဆုံးအဏ္ဏဝါ ကာကွယ်ရေးရေပြင် အဖြစ်သတ်မှတ်၍ ထိန်းသိမ်းမှုများဆောင် ရွက်လျက်ရှိသည်။

ထိုသို့ ထိန်းသိမ်းထားသော အဏ္ဏဝါရေပြင်အတွင်း ငါးဖမ်းဆီးခွင့် ပြုခြင်းနှင့် ဥပဒေသက်ရောက်မှု ရှိစေရန်တပ်မတော် (ရေ)နှင့် ငါးလုပ်ငန်းဦးစီးဌာနတို့ ပူးပေါင်းဆောင်ရွက် ခြင်းဖြင့်ပတ်ဝန်းကျင် ပျက်စီးစေသောရေရှည် တည် တံ့မှုမရှိသည့် ငါးဖမ်းခြင်း ပြဿနာတို့မှ ကင်းလွတ်နိုင်မည် ဖြစ်ကြောင်း သိရသည်။

#Themyawadydaily

ဆည်၊ မြောင်း၊ ချောင်း၊ ကန်များတွင် ရေသိုလှောင် ထိန်းသိမ်းနိုင်မှုနှင့် မျှော်မှန်းသက်တမ်းထိ မတိမ်ကောမခန်းခြောက်လိုပါက အရိပ်ရသစ်ပင်ကြီးများ စိုက်ပျိုးထိန်းသိမ်းရန်လို

နေပြည်တော် ၂၆-၅-၂၀၁၇

အနယ်နယ်အရပ်ရပ်၌ တည်ရှိနေသော ဆည်၊ မြောင်း၊ ချောင်း၊ ကန်များတွင် ရေသိုလှောင်ထိန်း သိမ်းနိုင်စေရန်နှင့် ဆည်၊ မြောင်း၊ ကန်များ မျှော်မှန်းထားသည့် သက်တမ်းထိ မတိမ်ကောမခန်းခြောက်ဘဲ တည်ရှိလိုပါက အဆိုပါဆည်၊ ကန်၏ အနီးတစ်ဝိုက်နှင့် ဘေးပတ်လည်တွင် အရိပ်ရသစ်ပင်ကြီးများ စိုက်ပျိုးထိန်းသိမ်းရန် လိုကြောင်း သစ်တောနှင့်ပတ်ဝန်းကျင် ထိန်းသိမ်းရေး ဆိုင်ရာကောက်နုတ်ချက်များအရ သိရသည်။

အရိပ်ရသစ်ပင်ကြီးများ ရှိနေခြင်းသည် ရေစီးဆင်းမှုကို ထိန်းသိမ်းစေနိုင်ပြီး မြေအောက်ရေ ဖြည့်ဆည်းမှုကိုလည်း ပေးစွမ်းနိုင်ကြောင်း၊ ရွက်အုပ်ပင်ကြီးများ ရှိနေခြင်းကြောင့် မိုးရေစီးဆင်းမှုကိုလည်း ၁၁ရာခိုင်နှုန်းထိ လျှော့

ချနိုင်ကြောင်း၊ ထိုသို့ရေစီးနှုန်းလျှော့ချနိုင် သောကြောင့် မြေအောက်ရေစိမ့်ဝင်လာမှု တိုးလာစေပြီး ၎င်းအပင်ကြီးများမှတစ်ဆင့် မြေအောက်ရေများ တိုးပွားလာကာဆည်၊ မြောင်း၊ ချောင်း၊ ကန်များ အတွင်းသို့ ရေစိမ့်ဝင်လာပြီး လပေါင်းများစွာ တည်မြဲနိုင်မည်ဖြစ်ကြောင်း သိရသည်။

ထို့ပြင် ၎င်းသစ်ပင်ကြီးများ တည်ရှိနေခြင်းဖြင့် ဆည်၊ မြောင်း၊ချောင်း၊ ကန်များတွင် လေဒဏ်၊ မိုးဒဏ်များ၏ ရိုက်ခတ်မှုကြောင့် ကမ်းပါးပြိုမှု၊ ကန်ပေါင်ပျက်စီးမှုများကို လျော့နည်းစေပြီး ဆည်၊မြောင်း၊ ချောင်း၊ ကန်များ၏ ကိုယ်ထည်များ လပေါင်းများစွာ ခံနိုင်ရည်ရှိမည် ဖြစ်ကြောင်း သစ်တောနှင့် ပတ်ဝန်းကျင်ထိန်းသိမ်းရေး ဆိုင်ရာကောက်နုတ်ချက် များအရ သိရသည်။

#Yadanarpondaily

ရန်ကုန်မြို့တွင်း၌ ယာဉ်ထူထပ် များပြားနေမှုနှင့် အတူ ဖုန်မှုန့်များ ထူထပ်များပြား နေမှုကြောင့် အသက်ရှူလမ်းကြောင်း ဆိုင်ရာ ရောဂါဖြစ်ပွားသူ များပြား

ရန်ကုန် ၊ ၁၁-၂-၂၀၁၅

ရန်ကုန်မြို့၌ ယာဉ်ထူထပ် များပြားနေမှု နှင့်အတူ ဖုန်မှုန့်များ၊ စက်ဆီ အခိုးအငွေ့များ ထူထပ်များပြား နေမှုကြောင့် အသက်ရှူ လမ်းကြောင်း ဆိုင်ရာ ရောဂါ ဖြစ်ပွားသူ များပြား နေကြောင်း အထွေထွေ ရောဂါကု ဆရာဝန် များက ပြောသည်။

ယခင်က ရန်ကုန် မြို့တွင်း၌ မြို့ပြင်နှင့် ဆင်ခြေဖုံး မြို့နယ်များ ကဲ့သို့ ဖုန်မှုန့် များပြားခြင်း မရှိသော်လည်း ယာဉ်ထူထပ် များပြား လာသည့် ၂ဝ၁၃ ခုနှစ် နောက်ပိုင်းတွင် ဖုန်မှုန့်များ ထူထပ် လာခြင်းနှင့် စက်ဆီ အခိုးအငွေ့များ ကို သိသိသာသာ တွေ့မြင် ခံစားရကြောင်း တာမွေမြို့နယ် နေသူတစ်ဦး က ပြောသည်။

''အရင်က မြောက်ဒဂုံတို့၊ တောင်ဒဂုံတို့လို မြို့ပြင်မြို့နယ် တွေမှာသာ မြေသားလမ်းတွေ များတဲ့အတွက် ဖုန်တွေများပြား နေတာ။ အခုမြို့လယ်မှာ သာမက မြို့ပတ်မြို့နယ် တွေဖြစ်တဲ့ ရန်ကင်း၊ တာမွေ၊ စမ်းချောင်းနဲ့ကြည့်မြင်တိုင် ဘက်မှာပါ ဖုန်တွေ ထူထပ်လာတယ်။ ယာဉ်သွား ယာဉ်လာများရင် ဖုန်ထူတတ် တာတော့ သဘာဝပေါ့။ လမ်းအများစုက ကွန်ကရစ်လမ်း ဆိုတော့ ပိုပြီးတော့ ဖုန်ထတယ်လေ။ ရန်ကုန်မှာက ကားများတော့နေရာတိုင်းမှာ ဖုန်ထတဲ့အပြင် ကားအိပ်ဇော ကထွက်တဲ့ အခိုးအငွေ့ တွေကိုပါ ရှူရတော့ အသက်ရှူ မဝတာဖြစ်ပြီး အသက်ရှူ လမ်းကြောင်းနဲ့ ဆိုင်တဲ့ ရောဂါတွေ ဖြစ်မှန်းမသိ ဖြစ်နေကြတယ်'' ဟု အလုံမြို့နယ်နေ အထွေထွေ ရောဂါကု ဆရာဝန် ဒေါက်တာ သိန်းမြင့် က ပြောသည်။

''ဒါကတော့ ကမ္ဘာ့မြို့ကြီး တွေမှာ ဖြစ်တတ်တဲ့ မြို့ပြဆိုင်ရာ ပြဿနာ တစ်ခုပဲ။ ရန်ကုန်က မီဂါစီးတီး ဖြစ်လာပြီလေ။ ယာဉ်ထူထပ်တဲ့ အခါ ကားတွေက ထွက်လာတဲ့ ကာဗွန်ဒိုင် အောက်ဆိုက်နဲ့ ယာဉ်က လေထုကို တိုးတဲ့အခါ ဖုန်မှုန့်တွေ ထုနဲ့ထည်နဲ့ ပြန့်သွား တာမျိုးတွေ ဖြစ်တတ် ပါတယ်။ အိန္ဒိယနိုင်ငံက ဘုံဘေတို့၊ တရုတ်နိုင်ငံက ပေကျင်းတို့မှာ နှာခေါင်းစည်း နဲ့ သွားလာ နေရတယ်။ ဒီအတွက် ရန်ကုန်မြို့ကို စိမ်းလန်း စိုပြည်တဲ့ ဥယျာဉ်မြို့တော် ဖြစ်အောင် ဆောင်ရွက် နေပါတယ်။ ဖုန်မှုန့်နဲ့ စက်ဆီငွေ့ကြောင့် လေထု ညစ်ညမ်းမှုကို ထိန်းသိမ်းနိုင်မယ့် သစ်ပင်တွေ၊ မြက်ခင်းတွေ၊ ရေပန်းတွေ အများဆုံးပါတဲ့ ဥယျာဉ်ကြီး တွေကို မြေပြင်မှာရော အထပ်မြင့်  အဆောက်အအုံ တွေရဲ့ ခေါင်မိုး ပေါ်မှာပါ ပေါ်ပေါက် လာအောင် ဖန်တီးနေ ပါတယ်'' ဟု ရန်ကုန်မြို့တော် စည်ပင် သာယာရေး ကော်မတီ မြို့ပြစီမံကိန်း ဌာနမှ တာဝန်ရှိသူ တစ်ဦးက ပြောသည်။ (၄၄၃)

#Themyawadydaily

#မြ၀တီနေ့စဉ်

ပြည်သူ့ရင်ပြင် အတွင်း ပြဿနာ တစ်စုံတစ်ရာ မဖြစ်ပွားစေရေး CCTV ကင်မရာ များနှင့် လုံခြုံရေးများ ချထား

ရန်ကုန် ၊ ၉-၉-၂၀၁၃

ရန်ကုန်မြို့ရှိ အများပြည်သူ လေ့လာ အပန်းဖြေရာ ပြည်သူ့ရင်ပြင် အတွင်း ပြဿနာ တစ်စုံတစ်ရာ မဖြစ်ပွားစေရေး အတွက် CCTV ကင်မရာ ၂၈ လုံးနှင့် လုံခြုံရေး နေ့ဆိုင်း ညဆိုင်းထားပြီး အများပြည်သူ ဘေးအန္တရာယ် ကင်းစွာ အပန်းဖြေ နိုင်ရန် ဆောင်ရွက် ထားရှိကြောင်း မြေနေရာ ၇ဝ ရာခိုင်နှုန်းကို နှစ်ရှည် ငှားရမ်းလုပ်ကိုင် ခွင့်ရရှိထား သည့် သဘာဝကမ္ဘာ ( Natural World ) ကုမ္ပဏီမှ တာဝန်ရှိသူ တစ်ဦးက ပြောကြားသည်။

အဆိုပါ ဥယျာဉ်နှင့် ပတ်သက်၍ မကြာသေးမီက facebook ၊ အင်တာနက် စာမျက်နှာ များ၌ ထွက်ပေါ်ခဲ့သော သတင်းများမှာ ကောလာဟလ သာဖြစ်ကြောင်း ၊ ယင်းနှင့် ပတ်သက်ပြီး မိမိတို့ ကုမ္ပဏီ အနေဖြင့် ၇၀ ရာခိုင်နှုန်း ပိုင်ဆိုင် ထားခြင်းကြောင့် ထင်ယောင် ထင်မှား ဖြစ်စေခဲ့ခြင်း ဖြစ်ကြောင်း သိရသည်။ " အပန်းဖြေ ဥယျာဉ် ဆိုတာတော့ လူပေါင်းစုံ လာကြတာ ပါပဲ ၊ မတော်တဆ ပြဿနာ မျိုးတွေ ရှိပါတယ် ၊ ဒါတွေကိုလည်း အချိန်မီ ထိန်းသိမ်း ဖြေရှင်း နိုင်ခဲ့ပါတယ် ၊ လုံခြုံရေး ကို စနစ်တကျ ဆောင်ရွက် နေတာမို့ ထွက်လာတဲ့ သတင်းတွေ က အမှားပါ ... " ဟု ၄င်းက ဆက်လက် ပြောကြား ခဲ့သည်။

သဘာဝကမ္ဘာ ကုမ္ပဏီ ( Natural World ) တွင် ၀န်ထမ်းအင်အား ၃၀၀ ခန့်ရှိပြီး ပြည်သူ့ဥယျာဉ် အတွင်း လာရောက် အပန်းဖြေ ကြသော အများ ပြည်သူများအား ၀န်ဆောင်မှု ပေးလျက် ရှိနေကြောင်း ၊ အဆိုပါ ဥယျာဉ် အတွင်း လာရောက် အပန်းဖြေသူ ဦးရေ တစ်ပတ်လျှင် ၄ သောင်းနီးပါး ရှိကြောင်း ၊ ဥယျာဉ် အတွင်း အရက်သေစာ ရောင်းချခွင့် လိုင်စင်များ ချထားပေးခြင်း လုံးဝ မရှိကြောင်း သိရသည်။

ပြည်သူ့ရင်ပြင် အပန်းဖြေ ဥယျာဉ်ကို မြေနေရာ နှစ်ရှည် ငှားရမ်း လုပ်ကိုင်ခွင့် ရထားသော ကုမ္ပဏီ ၄ ခုရှိကြောင်း ၊ ၄င်းတို့မှာ သဘာဝ ကမ္ဘာ ၊ ရေလွှာကြီး ၊ Happy Zone နှင့် ယမုံနာ စားသောက်ဆိုင် တို့ ဖြစ်ကြောင်း သိရှိရသည်။

ရေဆိုးနှင့် သဘာဝ ပတ်ဝန်းကျင်ဆိုင်ရာ ထိန်းသိမ်းမှုအတွက် စစ်ဆေးခံထား ရသော စက်ရုံ ၂၀၀၀ ခန့် အောက်တိုဘာလ ၁ ရက်နောက်ဆုံးထား အကြောင်းပြန် ရမည်

ရန်ကုန် ၊ ၁၉-၈-၂၀၁၃

ရေဆိုး နှင့် သဘာဝ ပတ်ဝန်းကျင် ဆိုင်ရာ ထိန်းသိမ်းမှု များအတွက် စစ်ဆေးခြင်း ခံထားရသော စက်ရုံ ၂၀၀၀ ခန့်သည် ယင်းနှင့် ပတ်သက်၍ အကြောင်းပြန် ခြင်း မရှိသောကြောင့် အောက်တိုဘာလ ၁ ရက် နောက်ဆုံးထား အကြောင်းပြန် ရမည် ဖြစ်ကြောင်း ရန်ကုန် မြို့တော် စည်ပင် သာယာရေး ကော်မတီ ၊ ရေနှင့် သန့်ရှင်းရေး ဌာနမှ တာဝန်ရှိသူ တစ်ဦးက ပြောကြား ခဲ့သည်။

ရန်ကုန်တိုင်း ဒေသကြီး အတွင်းရှိ စက်မှုဇုန် ၂၄ ဇုန်တွင် ရေဆိုးနှင့် သဘာဝ ပတ်ဝန်းကျင် ဆိုင်ရာ ထိန်းသိမ်းမှု များအတွက် ၀င်ရောက် စစ်ဆေးခဲ့ရာ၌ စက်ရုံပေါင်း ၃၆၅၀ အနက် စက်ရုံ ၂၀၀၀ နီးပါးခန့် သည် အကြောင်းပြန် ကြားမှု မပြုခဲ့ကြောင်း ၊ စက်ရုံမှ တိုက်ရိုက် စွန့်ပစ်သော ရေဆိုး များကြောင့် မြစ်ချောင်းများ အတွင်းရှိ ရေနေ သတ္တ၀ါ များအတွက် မျိုးသုဉ်းမည့် အန္တရာယ် ကြုံတွေ့ နေရသည့် အပြင် ပတ်ဝန်းကျင်နေ ပြည်သူ လူထု အတွက်ပါ ကျန်းမာရေး အရ ထိခိုက် နိုင်ဖွယ် ရှိကြောင်း သိရသည်။

" စက်ရုံတွေမှာ မြေ ၊ ရေ ၊ လေ ညစ်ညမ်းမှု ရှိ - မရှိ စစ်ဆေးခဲ့ ပါတယ် ၊ အကြောင်းပြန် ကြားတဲ့ စက်ရုံတွေ နည်းပြီး ၊ အကြောင်းမပြန်တဲ့ စက်ရုံတွေ ရှိနေတာကြောင့် ဒီလို ဆောင်ရွက် ရတာပါ ၊ ပျက်ကွက်တဲ့ စက်ရုံတွေကို အရေးယူမှု တွေ ပြုလုပ်မှာပါ .... " ဟု ၄င်းက ဆက်လက် ပြောကြားသည်။

ရေကို အဓိကထား အသုံးပြု လုပ်ဆောင်နေသော စက်ရုံ အမျိုးအစား ၁၀ မျိုးခန့် ရှိပြီး အရက်ချက် စက်ရုံ ၊ ဓာတုစက်ရုံ ၊ သစ်ပါးလွှာ စက်ရုံ ၊ ဆေးဆိုး ပန်းရိုက် စက်ရုံ ၊ ငါးပါးလွှာ စက်ရုံ စသည့် စက်ရုံများ ပါဝင်ကြောင်း ၊ အကြောင်း ပြန်ကြားခြင်း မရှိသော စက်ရုံများကို အရေးယူသည့် အနေဖြင့် ယာယီ ၃ လ ပိတ်သည်အထိ အရေးယူမည် ဖြစ်ကြောင်း သိရသည်။

မြန်မာနိုင်ငံ အတွင်း နှစ်စဉ် မြစ်ချောင်းများ အတွင်း ရေချိုငါးများ မျိုးသုဉ်းမှု သည် ၃၀ ရာခိုင်နှုန်း အထိ တဖြည်းဖြည်း မြင့်တက် လာရာ အဓိက အားဖြင့် စက်ရုံများမှ စွန့်ပစ်သော ညစ်ညမ်းရေ များကြောင့်ဟု သဘာဝ ပတ်ဝန်းကျင် ဆိုင်ရာ ပညာရှင် များက သုံးသပ် ထားကြောင်း သိရှိရသည်။