www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Wednesday, October 31, 2018

ကြက်သွန်နီ စိုက်ပျိုးရေးဆိုင်ရာ အလေ့အကျင့်ကောင်းများ GAP လက်မှတ်များ ထုတ်ပေးနိုင်ရေး ဆောင်ရွက်နေ


မန္တလေး အောက်တိုဘာ  ၃၀
-
ပြည်ပနိုင်ငံများသို့ ကြက်သွန်နီများကို စံချိန်စံညွန်းမီ တင်ပို့ ရောင်းချနိုင်ရေးအတွက် ၂၀၁၉ခုနှစ်အတွင်း ကြက်သွန်နီ စိုက်ပျိုးရေး ဆိုင်ရာ အလေ့အကျင့်ကောင်းများ (GAP) လက်မှတ်များ ထုတ်ပေးနိုင်ရန် ဆောင်ရွက်နေကြောင်း မန္တလေးတိုင်း စိုက်ပျိုးရေး ဦးစီးဌာန သီးနှံဌာနခွဲ တာဝန်ရှိသူတစ်ဦးထံမှ သိရသည်။
-
GAP လက်မှတ်များ ထုတ်ပေးနိုင်ရန် စိုက်ပျိုးထုတ်လုပ်သည့် တောင်သူများအား အသိပညာပေး ဆွေးနွေးပွဲများ လုပ်ဆောင်ပေးလျက်ရှိပြီး GAP စနစ်ဖြင့် စိုက်ပျိုးထုတ်လုပ်ရန် စိတ်ဝင်စားသည့် တောင်သူများထံမှ မြေနမူနာများရယူ ကာ ဓာတ်ခွဲစမ်းသပ် စစ်ဆေးမှု များ ပြုလုပ်နေကြောင်း သိရသည်။
-
ကြက်သွန်နီက ပြည်တွင်းမှာ အထွက်နှုန်းကောင်းနေတယ်။ အရည်အသွေးပိုင်းနဲ့ ပတ်သက်လို့ အဆင့်မီတယ် ဆိုတော့ ပြည်ပဈေးကွက်ကို ထိုးဖောက်ချင်တယ်။ အဲဒါကြောင့် ပြည်ပ ဈေးကွက် ထိုးဖောက်နိုင်ဖို့ GAP လက်မှတ်ရနိုင်တဲ့ ကြက်သွန် နီစိုက် တောင်သူတွေ ကို သေချာစိစစ်မယ်။ ပြီးရင် လက်မှတ်ထုတ်ပေးမယ် ဟု ၎င်းက ပြောသည်။
-
လက်ရှိတွင် ကော်ဖီစိုက်ပျိုးသူ အစုအဖွဲ ခြောက်ဖွဲ့၊ သရက်စိုက်ပျိုးတင်ပို့ ရောင်းချသူ ၁၅ဦး၊ နှမ်းစိုက်ပျိုးတင်ချရောင်း ချသူ ၃၉၀ဦးနှင့် ပဲတီစိမ်းစိုက်ပျိုးတင်ပို့ ရောင်းချသူ ၉၁ဦး စုစုပေါင်း တောင်သူ ၅၀၂ဦးကို နိုင်ငံတကာ အသိအမှတ်ပြု GAP လက်မှတ်များ ထုတ်ပေးထားပြီး တခြားသီးနှံများဖြစ်သည့် ကျွဲကော၊ ထောပတ်၊ ဂေါ်ဖီထုတ်၊ ခရမ်းချဉ်၊ ဖရဲ၊ သခွားမွှေး၊ စပါး၊ ပြောင်း၊ ပဲ၊ မြေပဲ စသည့် သီးနှံများကိုပါ GAPလက်မှတ်များ ထုတ်ပေးနိုင်ရန် ဆောင်ရွက်နေပြီ ဖြစ်ကြောင်း သိရသည်။
-
GAPလက်မှတ် ရလိုသည့် တောင်သူများအနေခြင့် သီးနှံများ စိုက်ပျိုးထုတ်လုပ်ရာတွင် အရည်အသွေးပြည့်ဝကာ သက်ဆိုင်ရာ ၀န်ကြီးဌာနများ၏ ထောက်ခံချက်များပါရှိသည့် ပိုးသတ်ဆေးနှင့် ဓာတ်မြေသြဇာသွင်းအား စုများကိုသာ သုံးစွဲရမည်ဖြစ်ကြောင်း သိရသည်။
-
#မြ၀တီနေ့စဉ်သတင်းစာ

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger