တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်အား ချန်ပါဆပ် ပြည်နယ် စစ်ဌာနချုပ်မှူး Brigadier General Sukai Phimmasan က ဂုဏ်ပြု ညစာစားပွဲဖြင့်တည်ခင်းဧည့်ခံ

နေပြည်တော်၊ အောက်တိုဘာ - ၁၃

-

လာအိုအမျိုးသားကာကွယ်ရေးဝန်ကြီး Lieutenant General Chansamone CHANYALATH ၏ဖိတ်ကြားချက်အရ လာအိုပြည်သူ့ဒီမိုကရက်တစ်သမ္မတနိုင်ငံ၊  ချန်ပါဆပ်ပြည်နယ်သို့ ချစ်ကြည်ရေးခရီးရောက်ရှိနေသည့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သော မြန်မာ့တပ်မတော်ချစ်ကြည်ရေးကိုယ်စားလှယ်အဖွဲ့အား အောက်တိုဘာ ၁၂ ရက် ညပိုင်းတွင် Champasak Grand ဟိုတယ်၌ ချန်ပါဆပ်ပြည်နယ်စစ်ဌာနချုပ်မှူး Brigadier General Sukai Phimmasan က ဂုဏ်ပြုညစာဖြင့်တည်ခင်းဧည့်ခံသည်။

-

အဆိုပါ ဂုဏ်ပြုညစာစားပွဲအခမ်းအနားသို့ တပ်မတော်ကာကွယ်ရေးဦးစီးချုပ်နှင့်အတူ ဇနီး ဒေါ်ကြူကြူလှ၊ ကာကွယ်ရေးဦးစီးချုပ်ရုံး(ကြည်း)မှ ဒုတိယ ဗိုလ်ချုပ်ကြီး သန်းထွန်းဦးနှင့် တပ်မတော် အရာရှိကြီးများ၊ လာအိုနိုင်ငံဆိုင်ရာမြန်မာသံအမတ်ကြီး ဦးကိုကိုနိုင်၊ မြန်မာစစ်သံ(ကြည်း၊ရေ၊ လေ) ဗိုလ်မှူးကြီး ကျော်ကျော်မင်းတို့ တက်ရောက်ကြပြီး ချန်ပါဆပ်ပြည်နယ်စစ်ဌာနချုပ်မှူးနှင့်အတူ ချန်ပါဆပ်ပြည်နယ် အုပ်ချုပ်ရေးမှူး H.E. Mr. Bun Thong Divisai နှင့် လာအိုတပ်မတော်မှ အရာရှိကြီးများ တက်ရောက်ကြသည်။

-

ဦးစွာတပ်မတော်ကာကွယ်ရေးဦးစီးချုပ်နှင့်ဇနီးတို့အား ချန်ပါဆပ်ပြည်နယ် စစ်ဌာနချုပ်မှူးနှင့် ပြည်နယ် အုပ်ချုပ်ရေးမှူးတို့က ကြိုဆိုနှုတ်ဆက်ကြပြီး ချန်ပါဆပ်ပြည်နယ် အုပ်ချုပ်ရေးမှူးနှင့် ပြည်နယ် စစ်ဌာနချုပ်မှူးတို့က နယ်မြေဖွံ့ဖြိုးတိုးတက်မှု အခြေအနေများနှင့် နယ်မြေဒေသအခြေအနေများ အား ရှင်းလင်းပြောကြားကြသည်။

-

ယင်းနောက် ဂုဏ်ပြုညစာစားပွဲအားကျင်းပပြုလုပ်ရာ ချန်ပါဆပ်ပြည်နယ် စစ်ဌာနချုပ်မှူးက ကြိုဆိုနှုတ်ခွန်းဆက်စကားပြောကြားသည်။ ထို့နောက် ညစာအားအတူတကွ သုံးဆောင်ကြသည်။ ညစာမသုံးဆောင်မီနှင့်သုံးဆောင်နေစဉ် အတွင်း ချန်ပါဆပ်ပြည်နယ် စစ်ဌာနချုပ်ယဉ်ကျေးမှုအဖွဲ့မှ တေးသံသာများ၊ အက ပဒေသာများဖြင့် သီဆိုတီးမှုတ်ကပြဖျော်ဖြေကြသည်။

-

ညစာသုံးဆောင်အပြီးတွင် တပ်မတော်ကာကွယ်ရေးဦးစီးချုပ်နှင့်ဇနီး၊ ချန်ပါဆပ်ပြည်နယ် အုပ်ချုပ် ရေးမှူး၊ ပြည်နယ်စစ်ဌာနချုပ်မှူးနှင့်ဇနီးတို့သည် အမှတ်တရလက်ဆောင်ပစ္စည်းများ အပြန်အလှန် ပေးအပ်ကြသည်။ ထို့နောက် တပ်မတော်ကာကွယ်ရေးဦးစီးချုပ်နှင့်ဇနီးတို့က ချန်ပါဆပ်ပြည်နယ် စစ်ဌာနချုပ် ယဉ်ကျေးမှုအဖွဲ့အား အမှတ်တရပန်းခြင်းနှင့်ချီးမြှင့်ငွေများပေးအပ်ပြီးစုပေါင်း ဓာတ်ပုံ ရိုက်ခဲ့ကြကြောင်းသတင်းရရှိသည်။

#မြ၀တီနေ့စဉ်သတင်းစာ