ကြီးပွားရာ ကြီးပွားကြောင်း လမ်းသစ်ကိုရှာ

ကြီးပွားရာ ကြီးပွားကြောင်း လမ်းသစ်ကိုရှာ

လူ့လောက၌ လုပ်ကိုင် ဆောင်ရွက် နေကြသော အရာအများစု တို့သည် သမားရိုးကျ လုပ်ရိုး လုပ်စဉ် အတိုင်းသာ လုပ်ကိုင် နေကြသည် ကို တွေ့ကြ ရသည်။ တစ်နည်း အားဖြင့် တီထွင် ကြံဆမှု ဖြင့် လုပ်ကိုင်ကြ သူများကား ရှားပါး လှပေသည်။ အခြားသူများ လုပ်သော လုပ်ငန်း၊ အခြားသူများ သွားသော လမ်းဟောင်း အတိုင်းသာ လိုက်နေ ကြသည်ကို တွေ့ရ ပေသည်။

အခြားသူများ ဖောက်သော လမ်းအတိုင်း လျှောက်လိုကြ သူများပြီး ကိုယ့်စွမ်း ကိုယ်စဖြင့် လမ်းဖောက်မည် ဆိုသော စိတ်ကူး မရှိကြပေ။ ကိုယ့်ဉာဏ် ကိုယ့်အစွမ်းဖြင့် လမ်းဖောက်ကြ သူများသာ လမ်း၏ ကောင်းခြင်း၊ ဆိုးခြင်း ဆိုသည့် အကျိုး ကျေးဇူးကို ခံစား ကြရမည် ဖြစ်သည်။

အခြားသူများ ဖောက်သော လမ်းဟောင်းမှ လျှောက်သူ တို့သည် လမ်းသစ်ဖောက် သူများကဲ့သို့ အကျိုးကျေးဇူး ကောင်းများကို အပြည့်အဝ ခံစားကြရမည် မဟုတ်ပေ။ ထို့အတူ အခြားသူများ စီးပွားဖြစ် လုပ်ကိုင် နေသော လုပ်ငန်းမျိုးကို လိုက်၍ လုပ်နေကြ သူများ အနေဖြင့်လည်း သူများ နောက်လိုက်သာ ဖြစ်နေ ပေမည်။ ကိုယ့်စွမ်း ကိုယ်စဖြင့် စီးပွားရေး လုပ်ငန်းသစ် ထူထောင် လုပ်ကိုင် နိုင်မှသာလျှင် ထိုလုပ်ငန်း၏ အကျိုး ကျေးဇူးကို အပြည့်အဝ ခံစား၊ စံစား ကြရမည် ဖြစ်ပေသည်။ 

''အများသူငါ သွားတဲ့ လမ်းမပေါ်မှာ ချည်းပဲ မနေနဲ့ သူတစ်ပါး သွားပြီးသားနေရာတွေ ချည်းလဲ မသွားနဲ့ လမ်းဟောင်း ကနေ တစ်ခါတလေ ဘေးဆင်းပြီး လမ်းမရှိတဲ့ တောထဲကို ဝင်ကြည့် လိုက်ပါ။ သင်တစ်ခါမှ မတွေ့ဘူးတဲ့ တစ်စုံတစ်ခုကို တွေ့ဖူးမှာ သေချာ ပါတယ် ... '' ဟု ကမ္ဘာကျော် တီထွင် ပညာရှင်ကြီး ဂရေဟမ်ဘဲလ် က ဆိုသည်။

အဆိုပါ အခြင်းအရာ သည် အသေးအဖွဲ တစ်ခု ဖြစ်ချင်ဖြစ်မည်။ သို့သော် မိမိကိုယ်စွမ်း၊ ကိုယ်စဖြင့် ရှာဖွေတွေ့ရှိ လုပ်ကိုင်ရသော အရာ ဖြစ်သောကြောင့် ကောင်းမှု အကျိုးကျေးဇူး များကို မိမိ ကိုယ်တိုင် စံစားရမည် ဖြစ်ပေသည်။

ကမ္ဘာပေါ်ရှိ ချမ်းသာ ကြီးပွားသော တိုင်းပြည် တို့တွင် တီထွင် ကြံဆမှုကို ဦးစားပေး လုပ်ကိုင် ကြသဖြင့် ချမ်းသာကြွယ်ဝ သူများ ပေါများ လာသည်နှင့် အမျှ ချမ်းသာသော နိုင်ငံအဖြစ်သို့ ရောက်ခဲ့ကြ ရပေသည်။ မော်တော်ကားကို တီထွင်သူက မော်တော်ကား ဖြင့် ထိပ်ဆုံးတွင် ရောက်ကြ သကဲ့သို့ ကွန်ပျူတာ၊ မိုဘိုင်းဖုန်း များကို တီထွင်ကြ သူများ ကလည်း သူနေရာ နှင့်သူ နေရာယူထား ကြသည်။

သို့ဖြစ်ရာ လူတိုင်း လူတိုင်းသည် လမ်းဟောင်း မှာချည်း အမြဲ မနေသင့်ဘဲ လမ်းသစ်ရှာ၍ တီထွင် ကြံဆမှုဖြင့် ကြီးပွားရာ ကြီးပွားကြောင်း၊ တိုးတက်ရာ တိုးတက်ကြောင်း လုပ်ကိုင် ဆောင်ရွက်ကြရန် တိုက်တွန်း ရေးသား လိုက်ရ ပေသည်။

( အယ်ဒီတာ့အာဘော် )