www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Friday, January 24, 2014

မြေမအား ရေမရှား လူမနား တစ်သီးစား မှ နှစ်သီးစား


မြေမအား ရေမရှား လူမနား တစ်သီးစား မှ နှစ်သီးစား

အယ်ဒီတာ့အာဘော်
( ၂၄-၁-၂၀၁၄ )

ပြည်ထောင်စု သမ္မတ မြန်မာ နိုင်ငံတော် အစိုးရသည် စိုက်ပျိုးရေး ကို ပိုမိုဖွံ့ဖြိုး တိုးတက်အောင် ဆောင်ရွက်၍ စက်မှုနိုင်ငံ ထူထောင်ရေး ကြိုးပမ်း ဆောင်ရွက်ရာ တွင် စိုက်ပျိုးရေး အတွက် ရေရရှိရေး စီမံကိန်းများ တွင် ဆည်မြောင်း တာတမံများမှ ရေသွယ်မှု စိုက်ပျိုးခြင်း ၊ မြေအောက် ရေဖြင့် စိုက်ပျိုးခြင်း ၊ မြစ်ရေတင် စီမံကိန်းများမှ ရေသွယ် စိုက်ပျိုးခြင်း တို့ကို အရှိန်အဟုန် တိုးမြှင့် ဆောင်ရွက်လျက် ရှိသည်။

မိုးနည်းရပ်ဝန်း ဒေသဖြစ်သော စစ်ကိုင်းတိုင်း ဒေသကြီး ယင်းမာပင် ခရိုင် ဆားလင်းကြီး မြို့နယ်တွင် ညောင်ပင်ကြီး လျှပ်စစ် မြစ်ရေတင် စီမံကိန်းကို ၂ဝဝ၈ ခုနှစ်က စတင် တည်ဆောက်ခဲ့ပြီး အကျိုးပြု ဧကတိုးချဲ့ရေး အတွက် ၂ဝ၁၃ ခုနှစ် နိုဝင်ဘာ ၁၅ ရက်မှစ၍ ရေပေး မြောင်းများ ပြုပြင်သည့် လုပ်ငန်းများကို ရေအရင်းအမြစ် အသုံးချရေး ဦးစီးဌာန က ဆောင်ရွက် နေပြီဖြစ်သည်။ ချင်းတွင်းမြစ်မှ ရေကို စက်ဖြင့် စုပ်တင်၍ ဆားလင်းကြီး မြို့နယ် လက်ပံ တောင်း တောင်ဒေသ အပါအဝင် ကျေးရွာများအား သောက်သုံးရေ နှင့် စိုက်ပျိုးမြေ ဧက ၁၂ဝဝ ခန့်သို့ စိုက်ပျိုးရေ ပေးဝေ နိုင်ရေး ၂ဝ၁၄ ခုနှစ် မတ် ၃၁ ရက်တွင် အပြီး တည်ဆောက်ရန် မျှော်မှန်း ဆောင်ရွက်လျက် ရှိသည်။

ညောင်ပင်ကြီး လျှပ်စစ် မြစ်ရေတင် စီမံကိန်းသည် ဆားလင်းကြီး မြို့နယ် ကျောက်မျက်ရွာ ရေတင်စက်ရုံ မှ အမြင့်ပေ ၅၂ ပေရှိ ပင်မ ရေတင်စခန်း သို့ ဆက်လက် တင်ပို့နိုင်ရန် ဆောင်ရွက် နေခြင်း ဖြစ်သည်။ ရေသောက် ဧရိယာ အတွင်းမှ စိုက်ပျိုးမြေ များတွင် သီးထပ် ၊ သီးညှပ် စိုက်ပျိုး၍ သီးနှံထွက်ကုန် ပိုမို ထုတ်လုပ်နိုင်ပြီး ဒေသခံများ တစ်ဦးချင်း ဝင်ငွေ တိုးတက် ရရှိစေမည် ဖြစ်သည်။ စစ်ကိုင်းတိုင်း ဒေသကြီးအတွင်း ဒေသဝမ်းစာ ဖူလုံစေမည့် အပြင် စိမ်းလန်း စိုပြည်ရေး အတွက်ပါ အထောက် အကူပြု နိုင်မည် ဖြစ်သည်။ ညောင်ပင်ကြီး လျှပ်စစ် မြစ်ရေတင် စီမံကိန်း မှ ရေပေးဝေ နိုင်မည့် ပမာဏသည် စပါး စိုက်ဧက ၁၂ဝဝ နှင့် အခြားသီးနှံ စိုက်ဧက ၈၈ဝဝ ဖြစ်ပြီး သီးနှံမျိုးစုံ စိုက်ဧက စုစုပေါင်း ဧက ၁ဝဝဝဝ ဖြစ်သည်။ လက်ပံတောင်း တောင်ဒေသ သည် ယခင်က မိုးသီးနှံ အဖြစ် နှမ်းစိုက်ပျိုး ကြပြီး ဆောင်းသီးနှံ အဖြစ် ကုလားပဲ ကိုသာ စိုက်ပျိုးခဲ့ကြ သော်လည်း ညောင်ပင်ကြီး မြစ်ရေတင် စီမံကိန်းမှ ရေသွယ်မြောင်း များကို ၂ဝ၁၄ ခုနှစ် မတ်လတွင် တည်ဆောက် ပြီးစီးပါက နွေနှမ်းကိုပါ စိုက်ပျိုး နိုင်မည် ဖြစ်သည်။

၂ဝ၁၃ - ၂ဝ၁၄ သီးနှံ စိုက်ပျိုးရာသီတွင် မကွေးတိုင်း ဒေသကြီး ညောင်ဦးမြို့နယ် ရှိ သူကောင်းတည် မြစ်ရေတင် စီမံကိန်းကို အဆင့်မြှင့်တင် ဆောင်ရွက်ခဲ့ရာ ယခင်က စပါးစိုက်ရန် အတွက်သာ ရေပေးဝေ နိုင်ခဲ့သော်လည်း ယခုအချိန်တွင် မြစ်ရေတင် စီမံကိန်းမှ ရေသွယ်၍ ဆောင်းမြေပဲ စိုက်ပျိုး အောင်မြင် ဖြစ်ထွန်းကြောင်း သိရသည်။

သို့ဖြစ်၍ စိုက်ပျိုးစွမ်းအား ပြည်ထွန်းကား ဆောင်ပုဒ်နှင့် အညီ နိုင်ငံတော် အစိုးရက မြစ်ရေတင် စီမံကိန်းများ အဆင့်မြှင့်တင် ပေးလျက်ရှိရာ တောင်သူများ အပိုင်းကလည်း မြေမအား ၊ ရေမရှား ၊ လူမနား စိုက်ပျိုး၍ တစ်သီးစားမှ နှစ်သီးစားရရှိကာ ကျေးလက်ဒေသ လူမှုစီးပွားဘဝ တိုးတက် မြင့်မားရေး ကြိုးစား ကြရမည် ဖြစ်ပေသည်။ ။

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page