www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Thursday, November 28, 2013

၂ဝ၁၄ခုနှစ် လူဦးရေနှင့် အိမ်အကြောင်းအရာ သန်းခေါင်စာရင်း ကောက်ယူရေး ဆိုင်ရာ လုပ်ငန်းရှင်းလင်းပွဲ ကျင်းပ



ကျိုင်းတုံ ၊ ၂၈-၁၁-၂ဝ၁၃
၂ဝ၁၄ ခုနှစ် လူဦးရေနှင့် အိမ် အကြောင်းအရာ သန်းခေါင် စာရင်း ကောက်ယူရေး ဆိုင်ရာ လုပ်ငန်းရှင်း လင်းပွဲကို ကျိုင်းတုံမြို့ ၊  မြို့တော် ခန်းမ၌ နိုဝင်ဘာ ၂၇ ရက် နံနက် ၉ နာရီ အချိန်က ကျင်းပ ပြုလုပ်ရာ ဗဟို သန်းခေါင် စာရင်း ကော်မရှင် ဥက္ကဋ္ဌ ၊ လူဝင်မှု ကြီးကြပ်ရေး နှင့် ပြည်သူ့အင်အား ဝန်ကြီးဌာန ၊ ပြည်ထောင်စု ဝန်ကြီး ဦးခင်ရီ ၊ ရှမ်းပြည်နယ် အစိုးရ အဖွဲ့ဝင် လုံခြုံရေး နှင့် နယ်စပ်ရေးရာ ဝန်ကြီး ဗိုလ်မှူးကြီး အောင်သူ ၊ တပ်မတော် အရာရှိကြီးများ ၊ လွှတ်တော် ကိုယ်စားလှယ်များ၊ ခရိုင်/ မြို့နယ် ဌာနဆိုင်ရာများ ၊ လူမှုရေး အဖွဲ့အစည်းများ ၊ ရပ်မိရပ်ဖ များ  တက်ရောက် ခဲ့ကြကြောင်း သိရသည်။ 

ရှေးဦးစွာ ပြည်ထောင်စု ဝန်ကြီး ဦးခင်ရီက ရှင်းလင်း ပြောကြားရာ၌ ၂ဝ၁၄ခုနှစ် မတ်လ ၃ဝ ရက်နေ့တွင် ပြည်လုံးကျွတ် လူဦးရေ နှင့် အိမ် အကြောင်းအရာ သန်းခေါင်စာရင်း ကို ကောက်ယူ တော့မှာ ဖြစ်ကြောင်း ၊ ပြည်သူများ အနေဖြင့် လည်း ဝိုင်းဝန်း ကူညီ ဆောင်ရွက်ပေး ရမည့် အကြောင်းများ ရှိကြောင်း ၊ သို့မှသာ လမ်းပန်း ဆက်သွယ်ရေး မကောင်းခြင်း ၊ ပညာရေး လိုအပ်ချက် ရှိခြင်း ၊ အခြား လူမှု စီးပွားရေး လိုအပ်ချက် များကို သန်းခေါင် စာရင်း ကောက်ယူမှု မှ တစ်ဆင့် သိရှိ ဆောင်ရွက် ပေးနိုင်မှာ ဖြစ်ကြောင်း ၊ မေးခွန်းပေါင်း (၄၁)ချက် ဖြေဆို ရမှာ ဖြစ်ကြောင်း ၊ မိမိလူမျိုးကို အမှန် ဖြေပေးရန် လိုကြောင်း ၊ သို့မှသာ ကိုယ့်မျိုးနွယ်စု ရေရှည် ရပ်တည် နိုင်ရေးကို အထောက် အကူပြုမှာ ဖြစ်ကြောင်း ၊ အခွန်ကောက် မှာလားဆိုတဲ့ အတွေးများဖြင့် အမှန်အတိုင်း မဖြေတာမျိုး မလုပ် စေလိုကြောင်း ၊ နိုင်ငံခြား ရောက်နေသော အိမ်ထောင်စု ဝင်များ အကြောင်းလည်း မေးမြန်း ထားကြောင်း ၊ နိုင်ငံခြားကို တရားဝင် ပဲဖြစ်ဖြစ် ၊ တရားမဝင်ဘဲ ဖြစ်ဖြစ် ရောက်နေရင် ဖြေပေးရန် လိုကြောင်း ၊ အရေးယူ ဆောင်ရွက်ရန် မဟုတ်ကြောင်း ၊ မတ်လ ၃ဝ ရက်နေ့မှ ဧပြီ ၁ဝ ရက်နေ့အထိ တစ်တိုင်းပြည်လုံး သန်းခေါင် စာရင်း ကောက်ယူ သွားမှာ ဖြစ်ကြောင်း ၊ ရပ်ကွက်/ ကျေးရွာ အုပ်ချုပ်ရေးမှူး နှင့် အဖွဲ့ဝင် များမှလည်း လိုအပ်သည် များကို ဝိုင်းဝန်း ဆောင်ရွက် ပေးရန်လိုကြောင်း ၊ တစ်ရွာနှင့် တစ်ရွာ လူမျိုးတစ်မျိုး နှင့်တစ်မျိုး အသာစီး ရယူမှုများ လွှမ်းမိုးမှုများ မရှိဘဲ အမှန်အတိုင်း ဖြစ်အောင် ဝိုင်းဝန်းကူညီ ပေးကြ စေလိုကြောင်းဖြင့် ရှင်းလင်း ပြောကြား သွားသည်။

ထို့နောက် အခမ်းအနား သို့ တက်ရောက် လာသူများမှ မရှင်းမလင်း သည့် အချက်များ မေးမြန်းရာ ပြည်ထောင်စု ဝန်ကြီးနှင့် တာဝန်ရှိ သူများက ပြန်လည် ရှင်းလင်း ဖြေကြား ခဲ့ကြောင်း သိရှိရသည်။


No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger