ဘောလီးဝုဒ် မင်းသမီးချော အက်ရ်ှဝါရာရိုင်း
၃၀-၃-၂၀၁၃
အိန္ဒိယ ရုပ်ရှင်မင်းသမီးချော အက်ရ်ှဝါရာရိုင်း
က သူမတို့ နိုင်ငံ အတွင်းမှာ ကြောက်မက်ဖွယ် ဗလက္ကာရ ပြုကျင့်မှုတွေ ဖြစ်ပွားခဲ့ အပြီး
ဥပဒေ ပြဋ္ဌာန်း သူတွေ အနေနဲ့ အဲဒီလို ဖြစ်ရက်တွေ ဖြစ်လာခဲ့ရင် ချက်ချင်း အရေးယူဖို့ ၊
အမျိုးသမီး ထုအပေါ် ကာကွယ်မှု ပေးဖို့ တောင်းဆို လိုက်ကြောင်း သိရသည်။
အိန္ဒိယ နိုင်ငံမှာ လွန်ခဲ့တဲ့ ၂ လကျော်က
အသက် ၂၃ နှစ်အရွယ် ဆေးကျောင်းသူ တစ်ဦးကို ယမကာ ယစ်မူးနေတဲ့ လူတစ်စုက ဗလက္ကာရ ပြုကျင့်ပြီး
ရက်ရက် စက်စက် သေစေခဲ့မှုနဲ့ ပတ်သက်လို့ ဟိုးလေးတကျော် ဖြစ်နေ ခဲ့ပါတယ်။ ယခင် မယ်ကမ္ဘာဟောင်း
လည်းဖြစ်သူ ဘောလီဝုဒ် သရုပ်ဆောင် မင်းသမီး အက်ရ်ှဝါရာရိုင်း က ဥပဒေ ပြဋ္ဌာန်းသူ တွေအနေနဲ့
အမျိုးသမီး တွေကို လိင်ပိုင်းဆိုင်ရာ စော်ကားမှု ပြုသူတွေ အပေါ် အလွန် တင်းကျပ်တဲ့ ဥပဒေ
ပြဋ္ဌာန်းဖို့ တိုက်တွန်း နှိုးဆော် လိုက်ပါတယ်။
" အဲဒီလို ဆိုးသွမ်း စော်ကားသူ
တွေအပေါ် ပြတ်သားတဲ့ ဥပဒေတွေ ရှိထား သင့်ပါတယ် ၊ သူတို့ကို ချက်ချင်း အပြစ်ပေး အရေးယူ
ရပါမယ် ၊ ဒါမှ လူ့ အဖွဲ့အစည်း ထဲမှာ ကျွန်မတို့ တစ်တွေ အပြောင်းအလဲ ကိုမြင်ရမှာပါ
.. " လို့ နယူးဒေလီ မှာ ပြုလုပ်တဲ့ ဆုပေးပွဲ အခမ်းအနား တစ်ရပ်မှာ အက်ရ်ှဝါရာရိုင်း
က ပြောကြား သွားခဲ့ ပါတယ်။ သူမက ယခုလိုမျိုး ပြောကြားမှု တွေအတွက် ထိတ်လန့် ကြောက်ရွံ့မှု
မရှိကြောင်း ၊ ပြောကြားဖို့ အတွက် ချီတုံ ချတုံ ဖြစ်နေမှာလည်း မဟုတ်ကြောင်း ရဲရဲဝံ့ဝံ့
ဆိုသွား ခဲ့ကြောင်း သိရှိရသည်။
.jpg)
No comments:
Post a Comment