နေပြည်တော် အောက်တိုဘာ ၂၆
-
ပဲခူးတိုင်းဒေသကြီး၊ ရွှေကျင်မြို့၏ (၁၆၇) နှစ်မြောက် မီးမျှောပူဇော်ပွဲကို အောက်တို ဘာ ၂၅ ရက် နံနက်ပိုင်းတွင် ရွှေကျင်မြို့၊ ပျဉ်းမပင်ရပ်ကွက်၊ ရွှေကျင်ချောင်းအတွင်း၌ ပြုလုပ်ရာ တောင်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်မျိုးဝင်းနှင့်အဖွဲ့ဝင်များ၊ ဌာန ဆိုင်ရာတာဝန်ရှိသူများ၊ မြို့မိမြို့ဖများနှင့် ဒေသခံတိုင်းရင်းသားပြည်သူများ တက်ရောက် ကြသည်။
-
ဦးစွာ တိုင်းမှူးနှင့်တာဝန်ရှိသူများက မီးမျှောပူဇော်ပွဲကို ဖဲကြိုးဖြတ်ဖွင့်လှစ်ပေးပြီး တက်ရောက်လာကြသူများနှင့်အတူ ယိမ်းအကအလှအဖွဲ့များ၏ ဖျော်ဖြေတင်ဆက်မှု များ၊ လှော်ကားတော်ကြီး လှေအဖွဲ့၏ တက် ရေးပြဖျော်ဖြေခြင်းများ၊ ယိမ်းအဖွဲ့ပြိုင်ပွဲများ၊ လှေအဖွဲ့များ၏ တက်ခုတ်၊ တက်ပျံယိမ်း ပြိုင်ပွဲများကို ကြည့်ရှုအားပေးကြသည်။
-
ထို့နောက် ဆုပေးပွဲကို ဆက်လက်ပြုလုပ်ရာ ယိမ်းအဖွဲ့ပြိုင်ပွဲအသီးသီးတွင် ဆုရရှိကြ သည့်အဖွဲ့များအား တိုင်းမှူးနှင့်အဖွဲ့ဝင်များ က ဂုဏ်ပြုဆုများ အသီးသီးပေးအပ်ကြသည်။ရွှေကျင်မြို့၏ (၁၆၇)နှစ်မြောက် ရိုးရာမီးမျှော ပူဇော်ပွဲတွင် ယိမ်းအဖွဲ့ ငါးဖွဲ့၊ တက်ခုတ်ယိမ်း အဖွဲ့ လေးဖွဲ့နှင့် တက်ပျံယိမ်းအဖွဲ့ လေးဖွဲ့ တို့ ပါဝင်ယှဉ်ပြိုင်ကြသည်။
-
ညပိုင်းတွင် အရှင်ဥပဂုတ္တမထေရ်မြတ်အား ရွှေကျင်ချောင်းအတွင်း လှည့်လည်အပူဇော်ခံ ပြီး ရောင်စုံမီးကြာခွက်များကို မီးမျှောပူဇော် ခဲ့ကြကြောင်း သတင်းရရှိသည်။
-
#မြ၀တီနေ့စဉ်သတင်းစာ
.jpg)
No comments:
Post a Comment